নেশ্বনেল ডেস্ক, 30 নৱেম্বৰ : কেব সম্পৰ্কত গৃহমন্ত্ৰী অমিত শ্বাহে আয়োজন কৰা এক বৈঠকত উপস্থিত থাকিব অৰুণাচলৰ প্ৰাক্তন মুখ্যমন্ত্ৰী নৱাম টুকী ৷ কেবৰ জৰিয়তে ধৰ্মৰ ভিত্তিত অবৈধ অনুপ্ৰৱেশকাৰীক নাগৰিকত্ব প্ৰদান কৰাৰ বিৰোধিতা কৰে প্ৰাক্তন মুখ্যমন্ত্ৰীগৰাকীয়ে ৷ তেওঁ কয় যে, ইয়াৰ ফলত ৰাজ্যকেইখনত অনুপ্ৰৱেশকাৰী বিয়পি পৰিব আৰু তেওঁলোকক বসতিস্থল প্ৰদান কৰাত জটিলতাৰ সন্মুখীন হ'ব ৷ কোনখন ৰাজ্যই তেওঁলোকক মাটি প্ৰদান কৰিব বুলিও প্ৰশ্ন উত্থাপন কৰে প্ৰাক্তন মুখ্যমন্ত্ৰীগৰাকীয়ে ৷
উল্লেখ্য যে, গৃহমন্ত্ৰী অমিত শ্বাহে শনিবাৰে উত্তৰ-পূৰ্বাঞ্চলৰ মেঘালয়, নাগালেণ্ড, অসম আৰু অৰুণাচল প্ৰদেশৰ প্ৰতিনিধিৰ সৈতে দিল্লীৰ অসম ভৱনত এক বৈঠকত মিলিত হ'ব ৷ এই বৈঠকতে উত্তৰ-পূৰ্বাঞ্চলত প্ৰত্যাহ্বানৰ সন্মুখীন হোৱা কেবৰ সপক্ষে ৰাজ্যকেইখনৰ প্ৰতিনিধিসকলক সৈমান কৰোৱাৰ চেষ্টা কৰিব অমিত শ্বাহে ৷
আৰু পঢ়ক : টেষ্টত 73 বছৰীয়া অভিলেখ ভংগ ষ্টিভ স্মিথৰ
