নিউজ ডেস্ক, 1 ডিচেম্বৰঃ 1998 চনত কলা হৰিণ চিকাৰ কৰাৰ অপৰাধত বলিউডৰ জনপ্ৰিয় অভিনেতা ছালমান খানক পুনৰ আদালতত হাজিৰ কৰাৰ ক্ষেত্ৰত ব্যৰ্থ হ'ল যোধপুৰ জিলা আৰু সত্ৰ ন্যায়াধীশ আদালত ৷ ইয়াৰ আগতেও 15 বাৰ ক্ষমা প্ৰাৰ্থনাৰ সুযোগ গ্ৰহণ কৰি আদালতত উপস্থিত নোহোৱাৰ লগতে আঢ়ৈ বছৰ ধৰি আদালতৰ শুনানিৰ পৰা আঁতৰি আছিল ছালমান খান ৷
এইবাৰ পুনৰ আদালত হাজিৰ হোৱাৰ বাবে জাননী জাৰি কৰাৰ হৈছিল যদিও ক'ৰণাৰ কাৰণ দৰ্শাই আদালতত হাজিৰ হোৱাৰ পৰা বিৰত থাকিল ছালমান খান ৷ ইফালে পুনৰ 16 জানুৱাৰীত শুনানি দিন ধাৰ্য্য কৰিছে যোধপুৰ আদালতে ৷ বিগত 18 এপ্ৰিল, 4 জুন, 16 জুলাই, 14 ছেপ্টেম্বৰ, 28 ছেপ্টেম্বৰ আৰু 1 ডিচেম্বৰত শুনানিৰ পৰা আঁতৰত থাকে ছালমান খান ৷
লগতে পঢ়কঃকা বাতিল,মূল্যবৃদ্ধি হ্ৰাসৰ দাবীৰে তামুলপুৰত আছুৰ প্ৰতিবাদ
