নিউজ ডেস্ক, ২৬জুন: দিল্লীৰ উপ-মুখ্যমন্ত্ৰী মনিষ শিছ'দিয়াই বৃহস্পতিবাৰে ৰাজ্যিক দুৰ্যোগ প্ৰশমন বিভাগৰে হোৱা আলোচনাৰ অন্তত উল্লেখ কৰে যে, ক'ভিড-১৯ত আক্ৰান্ত ৰোগীয়ে হোম আইচ'লেশ্ব্যন অৰ্থাৎ ঘৰতে সুকীয়াকৈ থকাসকলে চিকিৎসালয়ত চিকিৎসা গ্ৰহণৰ বাবে এতিয়াৰ পৰা ক'ভিড কেয়াৰ চেণ্টাৰলৈ নগলেওঁ হব । উপ-মুখ্যমন্ত্ৰী গৰাকীয়ে জনালে, ইতিমধ্যে ক'ভিড আক্ৰন্তই ক'ভিড কেয়াৰ চেণ্টাৰলৈ যোৱাৰ বাবে কেন্দ্ৰ চৰকাৰৰ দিয়া নিৰ্দেশনা প্ৰত্যাহাৰৰ সিদ্ধান্ত আলোচনাৰ অন্তত গ্ৰহণ কৰা হৈছে ।
যি সকল লোকৰ ক'ৰণাৰ ৰেপিড টেষ্টত ক'ভিড-১৯ পজিটিভ পোৱা যাব, তেওলোকক চিকিৎসক অথবা চিকিৎসা কৰ্মীয়ে ঘৰতেই চিকিৎসা প্ৰদানৰ ব্যৱস্থা কৰা হ’ব। তাৰোপৰি শিছ'দিয়াই কলে, RT, PCRৰ পৰীক্ষাত যিসকলৰ দেহত ক'ভিড-১৯ৰ উপস্থিতি ধৰা পৰিব তেনে ৰোগীৰ চিকিৎসা কৰিব জিলা পৰ্যবেক্ষণ বিষয়াৰ দ্বাৰা প্ৰেৰণ কৰা চিকিৎসকৰ দলে ।
আম আদমি পাৰ্টিৰ এইগৰাকী নেতাই জনালে যে ইতিমধ্যে এই প্ৰক্ৰিয়াৰে ৩০,০০০ ক'ভিড-১৯ পজিটিভ আক্ৰান্ত ৰোগী সুস্থ হৈ উঠিছে , কাৰণ এনে ৰোগীক ঘৰতে অকলশৰীয়াকৈ ৰাখি অধিক সফলতা পাব পাৰি ।
লগতে পঢ়কঃ গৰ্গ চেটাৰ্জী সন্দৰ্ভত মুখ খুলিলে আৰক্ষী সঞ্চালক প্ৰধান ভাস্কৰ জ্যোতি মহন্তই
