নেশ্যনেল ডেস্ক, 17 অক্টোবৰ : উত্তৰ প্ৰদেশৰ পিলিভিটত বাছ আৰু কাৰৰ সংঘৰ্ষত নিহত লোকৰ সংখ্যা 9 জনলৈ বৃদ্ধি পাইছে ৷ আৰক্ষী অধীক্ষক জয় প্ৰকাশে জানিবলৈ দিয়া অনুসৰি, "লক্ষ্ণৌৰ পৰা পিলিভিটলৈ আহি থকা এখন বাছৰ পুৰাইপুৰৰ পৰা আহি থকা এখন কাৰৰ সৈতে মুখামুখি সংঘৰ্ষ হয় ৷ ইয়াৰ ফলত বাছখন ঘটনাস্থলীতে বাগৰি পৰাৰ লগতে 9 জন লোকৰ মৃত্যু আৰু 30 জনতকৈ অধিক লোক আঘাতপ্ৰাপ্ত হৈছে ৷ ঘটনাৰ ফলত গাড়ীখনৰ আৰোহীসকলো গুৰুতৰভাৱে আহত হৈছে ৷"
আঘাতপ্ৰাপ্ত সকলক ততাতৈয়াকৈ ওচৰৰ এখন হাস্পতালত ভৰ্তি কৰোৱা হৈছে ৷ ঘটনাৰ ফলত আহত হোৱা অধিক সংখ্যক লোক পিলিভিটৰ বুলি জানিবলৈ দিয়ে স্থানীয় আৰক্ষীয়ে ৷
লগতে পঢ়ক : কাশ্মীৰৰ বুডগাম জিলাত সুৰক্ষা বাহিনীৰ সৈতে সন্ত্ৰাসবাদীৰ গুলিয়াগুলী
