নেশ্যনেল ডেস্ক,১১ মাৰ্চ: কৰ্ণাটকত বাঘৰ ত্ৰাসৰ পৰা পৰিত্ৰাণ পাবলৈ চৰকাৰৰ ওচৰত দাবী জনায় । কৰ্ণাটকৰ কদাগু জিলাত যোৱা ১৫ দিনত বাঘৰ আক্ৰমণত তিনিজন লোক নিহত হোৱাৰ পাচত ৰাইজে বন বিভাগক ব্যৱস্থা গ্ৰহণৰ দাবী জনায় । শেহতীয়াকৈ জিলাখনৰ বেলুৰত বাঘৰ আক্ৰমণত এগৰাকী বৃদ্ধা আহত হোৱাৰ লগতে এজন আঠ বছৰীয়া শিশুৰ মৃত্যু হয় । নিহত শিশুটোৰ নাম ৰংস্বামী ৷ ইফালে, আহত বৃদ্ধাগৰাকী মহীশূৰৰ এখন ব্যক্তিগত চিকিৎসালয়ত চিকিৎসাধীন হৈ আছে । শিশুটোৱে খেলি থকাৰ সময়ত আৰু বৃদ্ধা গৰাকীয়ে কোনো এক যাৱতীয় কামত ব্যস্ত হৈ থকাৰ সময়তে বাঘৰ আক্ৰমণৰ বলি হয় ।
উল্লেখ্য যে, যোৱা ৩ সপ্তাহত কদাগু জিলাত বাঘৰ আক্ৰমণত এইটো তৃতীয়টো মৃত্যুৰ ঘটনা । যাৰ ফলত বন বিভাগে বিহিত ব্যৱস্থা লোৱাত বিফল হোৱা বুলি অভিযোগ উত্থাপন কৰে ৰাইজে । বন বিভাগৰ ১০০ ৰো অধিক কৰ্মীয়ে যোৱা ১৫ দিন ধৰি অঞ্চলটোত তীক্ষ্ণ দৃষ্টি ৰাখি আহিছে ।
