কেন্দ্ৰীয় মন্ত্ৰী সাধ্বী নিৰঞ্জনক অপহৰণৰ চেষ্টা নিশ্চিত নহয়

author img

By ETV Bharat Assamese Desk

Published : Jan 18, 2024, 3:24 PM IST

কেন্দ্ৰীয় মন্ত্ৰী সাধ্বী নিৰঞ্জনক অপহৰণৰ চেষ্টা নিশ্চিত নহয়

Sadhvi Niranjan kidnap case : কেন্দ্ৰীয় মন্ত্ৰী সাধ্বী নিৰঞ্জন জ্যোতিক অপহৰণৰ চেষ্টাৰ অভিযোগৰ ক্ষেত্ৰত এটা নতুন মোৰ আহিছে । আৰক্ষী বিষয়াসকলে প্ৰকাশ কৰা অনুসৰি, অভিযুক্তৰ পত্নীৰ সৈতে সঘনাই বিবাদ হৈছিল, যাৰ বাবে তেওঁ অশান্তিত আছিল ।

নিউজ ডেস্ক, ১৮ জানুৱাৰী : কেন্দ্ৰীয় মন্ত্ৰী তথা কট্টৰ হিন্দুত্ববাদী নেত্ৰী সাধ্বী নিৰঞ্জন জ্যোতিক অপহৰণৰ চেষ্টাৰ অভিযোগে এক নতুন ৰূপ লৈছে । মঙলবাৰে মন্ত্ৰীগৰাকীৰ গাড়ীত বহি থকা অভিযুক্তই তেওঁৰ পত্নীৰ সৈতে কাজিয়া কৰিছিল আৰু বান্থ্ৰা অঞ্চলত উপস্থিত হৈছিল । তাত তেওঁ আৰক্ষীৰ বাহন বুলি ভুল কৰি মন্ত্ৰীগৰাকীৰ কনভয়ৰ এখন গাড়ীত বহে । বৰ্তমান আৰক্ষীৰ তদন্তত এইক্ষেত্ৰত অপহৰণ বা অন্য অপৰাধ সম্পৰ্কীয় কোনো তথ্য পোহৰলৈ অহা নাই ।

এডিচিপি দক্ষিণৰ শশাংক সিঙে প্ৰকাশ কৰিছে যে কেন্দ্ৰীয় ৰাজ্যিক মন্ত্ৰীগৰাকীৰ চালক সতৰামে মঙলবাৰে বান্থৰা আৰক্ষীক জনায় যে মঙলবাৰে পুৱা প্ৰায় ৫.৩০ বজাত দিল্লীৰ পৰা লক্ষ্ণৌলৈ অহা সাধ্বী নিৰঞ্জন জ্যোতিক নিবলৈ তেওঁৰ কনভয় গৈ আছিল । প্ৰচণ্ড কুঁৱলীৰ বাবে তেওঁ চাহ খাবলৈ বান্থ্ৰা আৰক্ষী থানা এলেকাত অৱস্থিত নিউ প্ৰধান ধাবাৰ ওচৰত গাড়ীখন ৰখায় । সেই সময়তে এজন ওখ-পাখ ব্যক্তিয়ে ভাবিছিল যে সাংসদ সাধ্বী নিৰঞ্জন গাড়ীত বহি আছে । তাৰ পিছত তেওঁক অপহৰণ কৰিবলৈ চেষ্টা কৰে । গাড়ীখনত বহি থকা দেহৰক্ষীজনক গঁতিয়াই দি গাড়ীখন লৈ পলাই যাবলৈ আৰম্ভ কৰে । তাৰ পিছত তাত উপস্থিত থকা নিৰাপত্তাৰক্ষীয়ে গাড়ীখন ৰখাই ব্যক্তিজনক ধৰি আৰক্ষীৰ হাতত গতাই দিয়ে ।

এডিচিপি দক্ষিণৰ শশাংক সিঙে কয়, "মন্ত্ৰীজনৰ চালকৰ অভিযোগৰ ভিত্তিত অপহৰণৰ ধাৰাৰ অধীনত এটা গোচৰ পঞ্জীয়ন কৰা হৈছে আৰু তদন্তত এইটো প্ৰকাশ পাইছে যে মন্ত্ৰীগৰাকীৰ কনভয়ৰ গাড়ীত বহি থকা যুৱকজনৰ নাম দীপক উপাধ্যায় । তেওঁ মূলত মথুৰাৰ বাসিন্দা আৰু বৰ্তমান আলমবাগত বাস কৰে আৰু গোমতীনগৰৰ এটা ব্যক্তিগত কোম্পানীত কাম কৰে । এডিচিপিয়ে লগতে জনাইছে যে মানুহজনৰ তেওঁৰ পত্নীৰ সৈতে সঘনাই বিবাদ হৈছিল, যাৰ বাবে তেওঁৰ অশান্তি হৈছিল ।

যাৰ বাবে তেওঁ নিশা ঘৰৰ পৰা ওলাই আহিছিল । এডিচিপিৰ মতে, অভিযুক্ত যুৱকজন বান্থ্ৰাত উপস্থিত হোৱাৰ সময়ত তেওঁ কেন্দ্ৰীয় ৰাজ্যিক মন্ত্ৰীগৰাকীৰ কনভয় তাত ৰৈ থকা প্ৰত্যক্ষ কৰে । তেওঁ সেয়া আৰক্ষীৰ গাড়ী বুলি ভুল কৰিছিল আৰু তেওঁৰ পত্নীৰ বিৰুদ্ধে সহায় বিচৰাৰ লক্ষ্যৰে গাড়ীখনত গৈ বহে । আৰক্ষীয়ে জনোৱা অনুসৰি, ঘটনাটোত অপহৰণৰ চেষ্টাৰ কোনো নিশ্চিত প্ৰমাণ পোৱা হোৱা নাই । বৰ্তমান, অভিযুক্তৰ বিৰুদ্ধে আইনী ব্যৱস্থা গ্ৰহণ কৰা হৈছে । উল্লেখ্য যে সাধ্বী নিৰঞ্জনক এগৰাকী কট্টৰ হিন্দুত্ববাদী নেত্ৰী হিচাপে গণ্য কৰা হয় । লগতে তেওঁ হৈছে বিজেপিৰ এগৰাকী আগ্ৰাসী নেত্ৰী । সাধ্বী উত্তৰ প্ৰদেশৰ ফতেহপুৰৰ এগৰাকী সাংসদ আৰু কেন্দ্ৰীয় মন্ত্ৰী ।

লগতে পঢ়ক :জম্মু-কাশ্মীৰৰ ৰাজৌৰীৰ নিয়ন্ত্ৰণ ৰেখাৰ কাষত বোমা বিস্ফোৰণত নিহত সেনা

ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.