ক’ভিডৰ নতুন প্ৰকৰণত আক্ৰান্ত হৈ কেৰালাত তিনিজনৰ মৃত্যু, উদ্বেগ প্ৰকাশ কেন্দ্ৰীয় স্বাস্থ্য আৰু পৰিয়াল কল্যাণ মন্ত্ৰালয়ৰ

নিউজ ডেস্ক, 21 ডিচেম্বৰ : 2021 চনৰ দিন কেইটা পুনৰ ঘূৰি আহিব নেকি ! ‘21 ৰ দৰে ক’ভিডৰ বাবে পুনৰ দেশত লক ডাউন ঘোষণা কৰিব নেকি চৰকাৰে ! কাৰণ ভাৰতৰ কেইবাখনো ৰাজ্যত ক’ভিডৰ নতুন প্ৰকৰণত আক্ৰান্ত ৰোগীৰ সংখ্যা দিনক দিনে বৃদ্ধি পাইছে ৷ প্ৰথমে কেৰালাত ধৰা পৰিছিল ক’ভিডৰ নতুন প্ৰকৰণত আক্ৰান্ত ৰোগীৰ ৷ তাৰ পাচত কৰ্ণাটক, তেলেংগানা আৰু শেহতীয়াকৈ ৰাজস্থানতো ক’ভিডত আক্ৰান্ত হোৱাৰ কথা পোহৰলৈ আহিছে ৷

বিশেষকৈ, কেৰালাত প্ৰতিদিনে বৃদ্ধি পাইছে ক’ভিডৰ নতুন প্ৰকৰণ জে এন 1ত আক্ৰান্ত ৰোগীৰ সংখ্যা ৷ এই সন্দৰ্ভত কেন্দ্ৰীয় স্বাস্থ্য আৰু পৰিয়াল কল্যাণ মন্ত্ৰালয়ৰ তৰফৰ পৰা জনোৱা অনুসৰি, কেৰালাত বৰ্তমান নতুনকৈ 300 লোক ক’ভিডত আক্ৰান্ত হোৱাৰ লগতে 3 জনৰ ক’ভিডত আক্ৰান্ত হৈ মৃত্যু হৈছে ৷

ইফালে পুৱা 8 বজালৈকে সমগ্ৰ দেশতে নতুনকৈ ক’ভিডত 358 জনকৈ লোক সংক্ৰমিত হৈছে ৷ তাৰ ভিতৰত 300 জনে কেৰালাৰ আছিল ৷ যাৰ ফলত ৰাজ্যখনৰ ক’ভিডত আক্ৰান্ত ৰোগীৰ সংখ্যা 2,341 লৈ বৃদ্ধি পালে ৷ আনহাতে ভাৰতত ক’ভিডৰ নতুন প্ৰকৰকণ জে এন 1ত আক্ৰান্ত ৰোগীৰ সংখ্যা 21 টালৈ বৃদ্ধি পাইছে বুলি জানিবলৈ দিছে কেন্দ্ৰীয় স্বাস্থ্য আৰু পৰিয়াল কল্যাণ মন্ত্ৰালয়ে ৷

ইফালে, ক’ভিডৰ নতুন প্ৰকৰণ জে এন 1ৰ সংক্ৰমণ অধিক হোৱাৰ বাবে চিন্তিত হৈ পৰিছে চৰকাৰ ৷ জে এন 1 সংক্ৰমণ ৰোধৰ বাবে কঠোৰ হৈছে ৰাজ্য চৰকাৰ ৷ আনহাতে ক’ভিডৰ নতুন প্ৰকৰণ জে এন 1 লৈ বিশেষ মন্তব্য কৰিছে কেৰালাস্থিত স্বাস্থ্য বিশেষজ্ঞ শ্ৰীজিত এন কুমাৰে ৷ তেওঁ কয়, ‘‘ক’ভিড হৈছে আন যিকোনো সংক্ৰামক ৰোগৰ দৰে ৷ যাক সম্পূৰ্ণৰূপে নিশ্চিহ্ন কৰিব নোৱাৰি ৷ ৰোগটোৰ মানদণ্ড হ্ৰাস পাইছে ৷ এই ৰোগত আন যিকোনো সংক্ৰমণ বা আন যিকোনো সাধাৰণ জ্বৰৰ দৰে ৷"

ইফালে ৰাজস্থানতো নতুনকৈ ক’ভিডত আক্ৰান্ত ৰোগী ধৰা পৰিছে ৷ কৰ্ণাটকত 60 বছৰ উৰ্ধ্বৰ ব্যক্তিয়ে মাস্ক পৰিধান কৰাতো বাধ্যতামূলক কৰা হৈছে ৷

লগতে পঢ়ক : বৃক্কৰ কৰ্কট ৰোগ কেনেকৈ শৰীৰত আৰম্ভ হয়; চিকিৎসকৰ পৰা জানি লওক