আগৰতলা,১১ ফেব্ৰুৱাৰী : ত্ৰিপুৰাৰ চেপাহিজালা জিলাৰ সোনামুৰা মহকুমাত চাঞ্চল্যকৰ হত্যাকাণ্ড । চোকা অস্ত্ৰৰ আঘাতত মৃত্যু বলৰাম দেবনাথ নামৰ এজন লোকৰ । ঘটনা সন্দৰ্ভত অভিযুক্ত তিনিজনক গ্ৰেপ্তাৰ কৰিছে আৰক্ষীয়ে । আৰক্ষীয়ে জনোৱা মতে ৮ ফেব্ৰুৱাৰীত সংঘটিত হৈছে এই ঘটনাটো ।
বলৰাম আৰু তেওঁৰ পৰিয়ালে সজীৱ বৰ্মন নামৰ এজন লোকৰ ঘৰত বিপদ নাশিনী পূজাৰ বাবে গৈছিল । কিন্তু সজীৱ বৰ্মনৰ ঘৰৰ সমীপত পংবাৰী কেমটল পথত প্ৰসেনজিৎ নামা নামৰ এজন লোকে বলৰাম দেবনাথৰ ওপৰত আক্ৰমণ কৰিছিল । চুৰিৰে আক্ৰমণ কৰাত গুৰুতৰভাৱে আহত হৈছিল বলৰাম আৰু সজীৱ বৰ্মন ।
দুয়োজনকে মেলাঘৰ চিকিৎসালয়লৈ প্ৰেৰণ কৰা হৈছিল যদিও বলৰাম দেবনাথৰ মৃত্যু হয় (Balram Debnath killed in Tripura mob lynching)। এই খবৰ পোৱাৰ লগে লগে মেলাঘৰ আৰক্ষী ঘটনাস্থলীত উপস্থিত হয় । আৰক্ষীয়ে এই সন্দৰ্ভত গোচৰ ৰুজু কৰি তদন্ত আৰম্ভ কৰে ।
তদন্তৰ মাজতে আৰক্ষীয়ে তিনিজন অভিযুক্তক আটক কৰে (3 accused involved in Melaghar murder arrested)। আটকাধীন লোক কেইজন ক্ৰমে প্ৰসেনজিৎ নামা, ৰতন নামা আৰু বাদল নামা । কিন্তু কিহৰ বাবে লোককেইজনে বলৰামৰ ওপৰত আক্ৰমণ কৰিছিল সেয়া এতিয়াও পোহৰলৈ অহা নাই ।
লগতে পঢ়ক :Delhi Police rescues girl of Assam: বহিঃ ৰাজ্যত উদ্ধাৰ অসমৰ যুৱতী
