নলবাৰী, ২৬ মে’: পূৰ্বৰ অভিলেখ ভংগ কৰি ৰাজ্যত ৪০ ডিগ্ৰী চেলছিয়াছ অতিক্ৰম কৰিছে গৰমে ৷ প্ৰচণ্ড গৰমৰ প্ৰতি লক্ষ্য ৰাখি নলবাৰীৰ শিক্ষানুষ্ঠানসমূহলৈ এক পত্ৰযোগে কেতবোৰ নিৰ্দেশনা জাৰি কৰিছে নলবাৰী জিলা প্ৰশাসনে ৷
সেই অনুসৰি সোমবাৰৰ পৰা ৰাজ্যৰ আন প্ৰান্তৰ দৰে নলবাৰী জিলাতো বিদ্যালয়ৰ পাঠদানৰ সময়সীমা সলনি কৰা হৈছে ৷ প্ৰতিখন শিক্ষানুষ্ঠানত পুৱা ৭:৩০ বজাৰ পৰা ১১:৩০ বজালৈ প্ৰাথমিক বিদ্যালয়ৰ পাঠদানৰ লগতে পুৱা ৭:৩০ বজাৰ পৰা ১২ বজালৈ উচ্চ প্ৰাথমিক বিদ্যালয়ৰ পাঠদান আৰু উচ্চতৰ মাধ্যমিকৰ পাঠদান হ’ব ১২:৩০ বজালৈকে ৷