ETV Bharat / state

NCERT পাঠ্যপুথিত মণিপুৰৰ জাতীয় খেলক স্থান দিয়া হ’ল মিজোৰামৰ হিচাপে - Lok sabha Election 2024

author img

By ETV Bharat Assamese Team

Published : Apr 30, 2024, 12:52 PM IST

Press meet on manipur situation : মণিপুৰৰ পৰিস্থিত সন্দৰ্ভত সংবাদমেল সম্বোধন আৰ পি আই আঠাৱালে দলৰ ইনাৰ মণিপুৰ লোকসভা সমষ্টিৰ প্ৰাৰ্থী মহেশ্বৰ থৌনাওজামৰ । চৰকাৰৰ বিৰুদ্ধে ক্ষোভ প্ৰকাশ থৌনাওজামৰ ।

RPI Athawale's Maheshwar Thounaojam press meet in Dispur press club regarding manipur latest situation
NCERT পাতত মণিপুৰৰ জাতীয় খেলক স্থান দিয়া হ’ল মিজোৰামৰ হিচাপে

NCERT পাতত মণিপুৰৰ জাতীয় খেলক স্থান দিয়া হ’ল মিজোৰামৰ হিচাপে

গুৱাহাটী, 30 এপ্ৰিল: ‘‘মণিপুৰ অশান্ত কৰাৰ আঁৰত কোনোবা আছে । যিয়ে মণিপুৰ অশান্ত হোৱাৰ চুইচটো অন অফ কৰি আছে ৷" মঙলবাৰে এই তাৎপৰ্যপূৰ্ণ মন্তব্য আগবঢ়ায় আৰ পি আই আথাৱালে দলৰ ইনাৰ মণিপুৰ লোকসভা সমষ্টিৰ প্ৰাৰ্থী মহেশ্বৰ থৌনাওজামে । সোমবাৰে দিশপুৰ প্ৰেছ ক্লাৱত দলটোৱে সম্বোধন কৰে এখন সংবাদমেলৰ ৷

সংবাদমেলখন সম্বোধন কৰি থৌনাওজামে কয়, "মণিপুৰত অশান্ত পৰিস্থিতি আৰম্ভ হোৱা এবছৰ হ'বলৈ হ'ল, কিন্তু এতিয়ালৈ ৰাজ্যখনলৈ শান্তি ঘূৰি অহা নাই । নিৰ্বাচনৰ কিছুদিন পূৰ্বে মণিপুৰলৈ শান্তি ঘূৰি অহা যেন লাগিছিল কিন্তু নিৰ্বাচন শেষ হোৱাৰ লগে লগেই আকৌ আৰম্ভ হৈছে হিংসা । ৰাজনৈতিক দলসমূহে নিৰ্বাচনৰ বাবে যিমান শক্তি প্ৰায়োগ কৰিলে যিমান শক্তি মণিপুৰখনক শান্ত কৰাৰ বাবে প্রয়োগ কৰা হ’লে কেতিয়াবাই শান্ত হ’লহেঁতেন ৷"

তেওঁ লগতে মণিপুৰৰ পৰিস্থিতি সম্পূৰ্ণৰূপে আন কোনোবাই নিয়ন্ত্ৰণ কৰি আছে বুলি দাবী কৰি কয়, "কাৰোবাৰ নিৰ্দেশনা মতে সকলো ঘটি আছে । কেন্দ্ৰীয় চৰকাৰক এই সন্দৰ্ভত বহুবাৰ অনুৰোধ জনোৱা হ’ল ৷ গণতন্ত্ৰৰ হত্যা বন্ধ কৰাৰ বহুবাৰ দাবী তোলা হ’ল ।" 19 এপ্ৰিলত কুকি সন্ত্ৰাসবাদীয়ে ভোটগ্ৰহণ কেন্দ্ৰত নিজৰ অধীনলৈ আনিছিল বুলি অভিযোগ কৰে আৰ পি আই আথাৱালে ।

আনহাতে, NCERT পাঠ্যপুথিৰ শেহতীয়া বিসংগতি সন্দৰ্ভতো প্ৰতিক্ৰিয়া প্ৰকাশ কৰে থৌনাওজামে ৷ NCERT ৰ পাঠ্যপুথিত মণিপুৰৰ জাতীয় খেল মুগনাই কাংজেইৰ নামটো মিজোৰামৰ বুলি বিসংগতিপূৰ্ণভাবে উল্লেখ কৰা হৈছে বুলিও থৌনাওজামে ক্ষোভ প্ৰকাশ কৰে । চৰকাৰৰ বিৰুদ্ধে ক্ষোভ ব্যক্ত কৰি থৌনাওজামে এইবোৰ দেখি চৰকাৰ শুই আছে যেন অনুভৱ হয় বুলি মন্তব্য কৰে ।

থৌনাওজামে কুকি সন্ত্ৰাসবাদীয়ে দুজনকৈ সেনা জোৱানক হত্যা কৰা আৰু দুজনক আহত কৰা ঘটনাক তীব্ৰ ভাষাৰে নিন্দা কৰে ৷

লগতে পঢ়ক: মণিপুৰত কুকি উগ্ৰপন্থীৰ আক্ৰমণত নিহত বৰপেটাৰ চি আৰ পি এফ জোৱানৰ শেষকৃত্য সম্পন্ন - Last tribute to CRPF Personnel

ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.