আৰক্ষীৰ বেষ্টনী ফালি হেণ্ডকাফসহ ব্ৰহ্মপুত্ৰত জাঁপ দুধৰ্ষ চোৰাং চিকাৰী জগুৰ

author img

By ETV Bharat Assamese Desk

Published : Jan 29, 2024, 2:04 PM IST

Poacher escapes with handcuff from the police cordon

Golaghat Police : নিশা আৰক্ষীৰ বেষ্টনীৰ পৰা হেণ্ডকাফসহ পলাল চোৰাং চিকাৰী ৷ বৰ্তমানেও সন্ধান নাই দুধৰ্ষ চোৰাং চিকাৰী জগু পেগুৰ ৷

আৰক্ষীৰ বেষ্টনী ফালি হেণ্ডকাফ লৈ ব্ৰহ্মপুত্ৰত জাঁপ দুধৰ্ষ চোৰাংচিকাৰীৰ জগু

কাজিৰঙা, 29 জানুৱাৰী : আৰক্ষীৰ বেষ্টনী ফালি নিশা বোকাখাতত হেণ্ডকাফসহ ব্ৰহ্মপুত্ৰত জপিয়াই নিখোঁজ দুধৰ্ষ গঁড় চিকাৰী জগু পেগু ৷ এই ঘটনাত আহত হৈছে হীৰক জ্যোতি বৰদলৈ আৰু মোহিত বৰা নামৰ দুজন আৰক্ষী ৷ ঘটনা সন্দৰ্ভত গোলাঘাটৰ আৰক্ষী অধীক্ষক ৰাজেন সিঙে কয় যে, কিছু দিনৰ আগত অত্যাধুনিক মাৰণাস্ত্ৰৰে দুটাকৈ গঁড় হত্যা কৰি খৰ্গ লৈ উধাও হৈছিল চোৰাং চিকাৰী ৷ 26 জানুৱাৰীৰ নিশা ঘটনাৰ সৈতে জড়িত চোৰাং চিকাৰীৰ জগুক গ্ৰেপ্তাৰ কৰা হৈছিল ৷ পেগুক সোধা-পোচ কৰাৰ অন্তত আৰক্ষীয়ে এটা খৰ্গ পুতি থোৱা অৱস্থাৰ পৰা উদ্ধাৰ কৰিছিল ৷

আৰক্ষী বিষয়া সিঙে কয়, ‘‘পেগুৰ স্বীকাৰোক্তিৰ ভিত্তিত দ্বিতীয়টো খৰ্গ উদ্ধাৰতৰ বাবে নিশা আৰক্ষীয়ে আগৰাতলি বনাঞ্চলৰ উত্তৰে থকা চাপৰিলৈ যাত্ৰা কৰিছিল ৷ চাপৰিলৈ যাবলৈ ব্ৰহ্মপুত্ৰ পাৰ হ’ব লাগে ৷ সেয়ে নাও যোগাৰ কৰিবলৈ ধৰোতে হেণ্ডকাফসহ ব্ৰহ্মপুত্ৰত জাপ দিয়ে পেগুৱে ৷ ইফালে হেণ্ডকাফ ধৰি থকা জোৱান মোহিত বৰাও পানীত পৰি যায় ৷ দুয়োকে উদ্ধাৰ কৰিবলৈ জোৱান হীৰক জ্যোতি বৰদলৈয়েও পানীত জাঁপ দিয়ে ৷ বৰ্তমানেও চোৰাং চিকাৰী জগু পেগুৰ নাই সন্ধান ৷’’ পানীত পৰা দুইগৰাকী আৰক্ষী জোৱানক বোকাখাতৰ শ্বহীদ কমলা মিৰি অসামৰিক চিকিৎসালয়ত ভৰ্তি কৰোৱা হয় ৷

আৰক্ষী অধীক্ষক সিঙে কয়, ‘‘এদিন বা দুদিনৰ পূৰ্বে পৰিকল্পনা কৰা নহয়, এবছৰৰ পূৰ্বৰে পৰা পৰিকল্পনা কৰা হৈছিল ৷ আমি যেনেদৰে সাধাৰাণ চোৰাং চিকাৰী বুলি ভাবিছিলো তাতোকৈ অধিক দুধৰ্ষ চোৰাং চিকাৰী জগু ৷ এই ঘটনাত জড়িত সুখদেৱ কুটুম আৰু চাও উপাধিৰ চোৰাং চিকাৰী ৷ তেওঁলোকৰ বিৰুদ্ধে অভিযান চলি আছে ৷’’

লগতে পঢ়ক : কাজিয়াৰ মাজতে জ্যেষ্ঠ ভগ্নীলৈ তপ্ত বুলেট নিক্ষেপ ভাতৃৰ

ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.