লখিমপুৰৰ আৰক্ষীৰ বিশেষ শাখাৰ লেন্স নায়ক নিত্যানন্দ দেউৰীৰ দেহাৱসান

author img

By ETV Bharat Assamese Desk

Published : Feb 4, 2024, 1:56 PM IST

Lance Naik Nityananda Deori passes away in Lakhimpur

Nityananda Deori passes away: লখিমপুৰ জিলা আৰক্ষীৰ বিশেষ শাখাত নিয়োজিত নিত্যানন্দ দেউৰী নামৰ লেন্স নায়কৰ দেহাৱসান । এদিন পুৰ্বে তেওঁ উচ্চ ৰক্তচাপত আক্রান্ত হৈ চিকিৎসাধীন অৱস্থাতে শুকুৰবাৰে নিশা তেওঁ শেষ নিশ্বাস ত্যাগ কৰে ।

লখিমপুৰ, ৪ ফেব্ৰুৱাৰী : লখিমপুৰত আৰক্ষীৰ বিশেষ শাখাৰ লেন্স নায়কৰ দেহাৱসান । লখিমপুৰৰ আৰক্ষী অধীক্ষকৰ কাৰ্যালয়ৰ অধীনত নিযুক্ত বিশেষ শাখাৰ লেন্স নায়ক নিত্যানন্দ দেউৰীয়ে শুকুৰবাৰে নিশা ইহললীলা সম্বৰণ কৰে । এক জানুৱাৰীত উচ্চ ৰক্তচাপত আক্ৰান্ত হৈছিল লেন্স নায়ক নিত্যানন্দ দেউৰী । ততাতৈয়াকৈ তেওঁক লখিমপুৰ মেডিকেল কলেজত ভৰ্তি কৰোৱাৰ পাচত উন্নত চিকিৎসাৰ বাবে ডিব্ৰুগড় লৈ নিয়া হৈছিল ।

Lance Naik Nityananda Deori passes away in Lakhimpur
লেন্স নায়ক নিত্যানন্দ দেউৰীৰ দেহাৱসান

ডিব্ৰুগড়ত তেওঁক চিকিৎসা চলি থকাৰ মাজতে শুকুৰবাৰে নিশা হাৰ মানে নিয়তিৰ ওচৰত । শনিবাৰে তেওঁৰ নশ্বৰদেহ লখিমপুৰ আৰক্ষী অধীক্ষকৰ কাৰ্যালয়লৈ অনা হয় । আৰক্ষী বিভাগে তেওঁক যথাৰীতি বিভাগীয় মৰ্যাদাৰে শেষ শ্ৰদ্ধা জ্ঞাপন কৰে । তাৰ পাচতে তেওঁৰ মৃতদেহ বিহপুৰীয়াৰ স্বগৃহলৈ লৈ যোৱা হয় ।

উল্লেখ্য যে শেহতীয়াকৈ তেওঁক জিলাখনৰ নাৰায়ণপুৰ থানাত নিয়োগ কৰা হৈছিল । যোৱা এক জানুৱাৰীত তেওঁ নাৰায়ণপুৰ থানাত যোগদান কৰিবলৈ গৈ ঘুৰি আহিবলৈ লওতেই উচ্চ ৰক্তচাপত আক্ৰান্ত হৈ পৰে । নিত্যানন্দ দেউৰীৰ বিয়োগত সমগ্ৰ জিলাখনত গভীৰ শোকৰ ছাঁ পৰে । অতি অমায়িক সৰবৰহী ব্যক্তি নিত্যানন্দ দেউৰীৰ মৃত্যুত বিভাগীয় লোকৰ লগতে ৰাইজেও শোক প্রকাশ কৰে । মৃত্যুৰ সময়ত পত্নীসহ দুই পুত্র সন্তানক ইহ সংসাৰত এৰি থৈ যায় নিত্যানন্দ দেউৰীয়ে ।

Lance Naik Nityananda Deori passes away in Lakhimpur
লেন্স নায়ক নিত্যানন্দ দেউৰীৰ দেহাৱসান

উল্লেখ্য যে, বিগত ২০০৬ চনত তেওঁ ধেমাজি জিলাত অসম আৰক্ষীৰ ২২ নম্বৰ বেটেলিয়নত কনিষ্টবল হিচাপে নিযুক্তি লাভ কৰিছিল ৷ পৰৱৰ্তী সময়ত তেওঁ কামাণ্ডোৰ প্ৰশিক্ষণ গ্রহণ কৰিছিল । ২০০৮ চনত তেওঁ দিল্লীত এনএছজি ৰ প্ৰশিক্ষণ গ্রহণ কৰে । তাৰ পিচত তেওঁ ঘুৰি আহি গুৱাহাটীৰ কাহিলীপাৰাৰ আৰক্ষীৰ বিশেষ শাখাত যোগদান কৰে । প্ৰায় দুটা বছৰ তাত কৰ্মৰত হৈ থকাৰ পাচত তেওঁ লখিমপুৰ লৈ আহে আৰু জিলাৰ আৰক্ষীৰ বিশেষ শাখাত যোগদান কৰে ।

জিলাৰ আৰক্ষী অধীক্ষকৰ কাৰ্য্যালয়, বগা নদী থানা আদিত কৰ্মৰত হৈ থকাৰ পাচত তেওঁ ক শেহতীয়া কৈ জিলাখনৰ নাৰায়ণপুৰ থানাত নিয়োগ কৰা হৈছিল । তেওঁৰ পিতৃও আৰক্ষী বিভাগত নিযুক্ত আছিল আৰু আততায়ীৰ গুলীত প্ৰাণ হেৰুৱাইছিল । পিতৃৰ মৃত্যুৰ পাচত আৰক্ষী বিভাগত নিত্যানন্দই নিযুক্তি লাভ কৰে আৰু শেহতীয়া কৈ উচ্চ ৰক্তচাপত আক্ৰান্ত হৈ প্ৰাণ হেৰুৱাৱলগীয়া হয় ।

লগতে পঢ়ক: ডিব্ৰুগড়ৰ জ্যেষ্ঠ সাংবাদিক সঞ্জীৱ নন্দীৰ মৃত্যু

ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.