ন্যায়াধীশ বিজয় বিষ্ণয়ক গুৱাহাটী উচ্চ ন্যায়ালয়ৰ মুখ্য ন্যায়াধীশ হিচাপে নিযুক্তি

author img

By ETV Bharat Assamese Desk

Published : Feb 3, 2024, 3:53 PM IST

justice-vijay-bishnoi appointed-as-chief-justice-of-gauhati-high court

Justice Vijay Bishnoi: গুৱাহাটী উচ্চ ন্যায়ালয়ৰ মুখ্য ন্যায়াধীশ হিচাপে নিযুক্তি দিয়া হ’ল ন্যায়াধীশ বিজয় বিষ্ণয়ক ৷

গুৱাহাটী, ৩ ফেব্ৰুৱাৰী : ন্যায়াধীশ বিজয় বিষ্ণয়ক গুৱাহাটী উচ্চ ন্যায়ালয়ৰ মুখ্য ন্যায়াধীশ হিচাপে নিযুক্তি দিয়া হৈছে । ২ ফেব্ৰুৱাৰীৰ পৰা কাৰ্যকৰী হোৱাকৈ ন্যয়াধীশ বিজয় বিষ্ণয়ক গুৱাহাটী উচ্চ ন্যায়ালয়ৰ মুখ্য ন্যায়াধীশ হিচাপে নিযুক্তি দিয়া হৈছে । উল্লেখ্য যে, গুৱাহাটী উচ্চ ন্যায়ালয়ৰ মুখ্য ন্যায়াধীশ হিচাপে নিযুক্তি দিয়া বিজয় বিষ্ণয় ৰাজস্থানৰ উচ্চ ন্যায়ালয়ৰ ন্যায়াধীশ হিচাপে কৰ্মৰত আছিল ।

justice-vijay-bishnoi appointed-as-chief-justice-of-gauhati-high court
মুখ্য ন্যায়াধীশ নিযুক্তি

উল্লেখ্য যে, ন্যায়াধীশ সন্দীপ মেহতাক উচ্চতম ন্যায়ালয়লৈ পদোন্নীত কৰাৰ ফলত সৃষ্টি হোৱা খালী পদ পূৰণৰ বাবে গুৱাহাটী উচ্চ ন্যায়ালয়ৰ মুখ্য ন্যায়াধীশ হিচাপে ন্যায়াধীশ বিজয় বিষ্ণয়ক নিযুক্তি দিয়াৰ পৰামৰ্শ আগবঢ়াইছিল উচ্চতম ন্যায়ালয়ৰ কলেজিয়ামে । মুখ্য ন্যায়াধীশ নিৰ্বাচনৰ ক্ষেত্ৰত বিভিন্ন উচ্চ ন্যায়ালয়ৰ ন্যায্য প্ৰতিনিধিত্বৰ ওপৰত গুৰুত্ব আৰোপ কৰা কাৰ্যবিধিৰ স্মাৰকপত্ৰ অনুসৰি এই পৰামৰ্শ দিয়া হৈছিল ।

উচ্চতম ন্যায়ালয়ৰ কলেজিয়ামে প্ৰাৰ্থী বিষ্ণয়ক সকলো দিশ পৰ্যালোচনা কৰি ন্যায়াধীশ ৰূপে নিযুক্তিত অনুমোদন জনাইছিল । ৰাজস্থান উচ্চ ন্যায়ালয়ৰ জ্যেষ্ঠ ন্যায়াধীশ হিচাপে কাৰ্যনিৰ্বাহ কৰি থকা ন্যায়াধীশ বিষ্ণয়ে পূৰ্বে ৰাজস্থান উচ্চ ন্যায়ালয় আৰু যোধপুৰৰ কেন্দ্ৰীয় প্ৰশাসনিক ন্যায়াধিকৰণত দেৱানী, অপৰাধমূলক, সাংবিধানিক, সেৱা আৰু নিৰ্বাচনী গোচৰত বিশেষজ্ঞতাৰে আইন চৰ্চা কৰিছিল । তেওঁক নিযুক্তিৰ পৰামৰ্শ দিয়াৰ আনুষ্ঠানিক প্ৰস্তাৱ কলেজিয়ামে দিছিল, য’ত মুখ্য ন্যায়াধীশ ডি ৱাই চন্দ্ৰচুড়, ন্যায়াধীশ সঞ্জীৱ খান্না আৰু ন্যায়াধীশ বি আৰ গাভাই আছিল ।

শীৰ্ষ ন্যায়ালয়ৰ ৱেবছাইটত প্ৰকাশিত এক বিবৃতিত এছ চি কলেজিয়ামে উল্লেখ কৰিছিল- "উচ্চ ন্যায়ালয়ৰ ন্যায়াধীশ হিচাপে তেওঁৰ প্ৰায় এঘাৰ বছৰৰ কাৰ্যকালত, তেওঁ 652 টা প্ৰতিবেদিত ৰায় ৰচনা কৰিছে"। তেওঁ ৰাজস্থান উচ্চ ন্যায়ালয়ত ন্যায় প্ৰদানৰ ক্ষেত্ৰত ব্যাপক অভিজ্ঞতা লাভ কৰিছে । তেওঁ বাৰ আৰু বিচাৰপীঠত পেছাদাৰী নৈতিকতাৰ এক উচ্চ ক্ৰম বজাই ৰাখিছে আৰু তেওঁৰ আচৰণ আৰু সততা নিন্দাৰ বাহিৰত বুলিও উল্লেখ আছিল ।

লগতে পঢ়ক : মাইক্ৰ'ফাইনেন্স ঋণ মাফ, চৰকাৰক পুনৰ কটাক্ষ অখিল গগৈৰ

ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.