নগাঁও, 13 মে’ : চি বি এছ চিৰ দশম শ্ৰেণীৰ ফলাফলত সুখ্যাতিৰে উত্তীৰ্ণ অসমৰ টুইংকল আৰু পূৰ্বাশ্ৰী ৷ আজি ঘোষণা কৰা চি বি এছ চিৰ দশম শ্ৰেণীৰ ফলাফলত উজলি উঠিল ধেমাজিৰ টুইংকল বৰগোঁহাই আৰু চতিয়াৰ পূৰ্বাশ্ৰী বৰমুদৈ ৷ ভৱিষ্যতে এগৰাকী সুদক্ষ প্ৰশাসনিক বিষয়া হোৱাৰ সপোন টুইংকল আৰু পূৰ্বাশ্ৰীৰ ৷ নম্বৰৰ পিচত দৌৰাতকৈ শিকিবলৈহে অধ্যয়ন কৰিব লাগে ৷ এই পৰামৰ্শ চি বি এছ চিৰ দশম শ্ৰেণীৰ ফলাফলত সুখ্যাতিৰে উত্তীৰ্ণ হোৱা ধেমাজিৰ টুইংকল বৰগোহাঁইৰ ৷
সোমবাৰে ঘোষিত চি বি এছ চিৰ দশম শ্ৰেণীৰ ফলাফলত সফলতাৰে উত্তীৰ্ণ হৈ উজলি উঠিল পূৰ্বাশ্ৰী বৰমুদৈ আৰু টুইংকল বৰগোহাঁই ৷ ধেমাজি জিলাৰ টুইংকল বৰগোহাঁইয়ে 98.4 শতাংশ নম্বৰ লাভ কৰি উত্তীৰ্ণ হয় ৷ বৰ্তমান নগাঁৱৰ ৰামানুজন ছিনিয়ৰ ছেকেণ্ডেৰী স্কুলত নামভৰ্তি কৰি অধ্যয়ন আৰম্ভ কৰা টুইংকল বৰগোহাঁই ধেমাজি জিলাৰ মাৰ্ডাছ প্ৰাইড বিদ্যালয়ৰ পৰা দশম শ্ৰেণীৰ পৰীক্ষাত অৱতীৰ্ণ হৈছিল ৷
চি বি এছ চিৰ দশম শ্ৰেণীৰ ফলাফলত সুখ্যাতিৰে উত্তীৰ্ণ হোৱা টুইংকল বৰগোহাঁইৰ ভবিষ্যতে এগৰাকী সুদক্ষ প্ৰশাসনিক বিষয়া হোৱাৰ মন ৷ গান গাই ভালপোৱা টুইংকল বৰগোহাঁয়ে ছাত্ৰ-ছাত্ৰীক নম্বৰ লাভ কৰাৰ উদ্দেশ্যে অধ্যয়ন কৰাৰ বিপৰীতে শিক্ষা গ্ৰহণৰ বাবে অধ্যয়ন কৰিবলৈ আহ্বান জনায় ৷ কষ্ট কৰিলে ভাল ফল লাভ কৰাটো নিশ্চিত বুলিও সংবাদ মাধ্যমৰ সন্মুখত উল্লেখ কৰে টুইংকল বৰগোহাঁয়ে ৷
ইফালে নগাঁৱৰ ৰামানুজন ছিনিয়ৰ ছেকেণ্ডেৰী স্কুলতে অধ্যয়নৰত চতিয়াৰ পূৰ্বাশ্ৰী বৰমুদৈয়েও সোমবাৰে ঘোষিত চি বি এছ চিৰ দশম শ্ৰেণীৰ পৰীক্ষাৰ ফালাফলত 98.8 শতাংশ নম্বৰ লাভ কৰি উত্তীৰ্ণ হয় ৷ দশম শ্ৰেণীৰ পৰীক্ষাত সুখ্যাতিৰে উত্তীৰ্ণ হোৱা পূৰ্বাশ্ৰী বৰমুদৈৰো ভৱিষ্যতে এগৰাকী প্ৰশাসনিক বিষয়া অথবা প্ৰৱক্তা হোৱাৰ মন বুলি জানিবলৈ দিয়ে ৷
লগতে পঢ়ক : ব্ৰিটিছ সংসদৰ গুৰুত্বপূৰ্ণ পদবীত লখিমপুৰৰ আয়েশা - Baroness Hazarika Of Coatbridge
