ETV Bharat / state

আম খাই ভাল পায় নেকি ? তেনেহ’লে সাৱধান হওক ! - Carbide used Mangoes Seized

author img

By ETV Bharat Assamese Team

Published : May 22, 2024, 7:59 PM IST

Updated : May 22, 2024, 8:11 PM IST

Carbide used Mangoes Seized : আপোনাৰো প্ৰিয় ফল আম নেকি ? তেন্তে বজাৰত আম ক্ৰয় কৰাৰ পূৰ্বে সাৱধান হওক ৷ খাদ্য সুৰক্ষা বিভাগৰ অভিযানত ফাঁচী বজাৰত ওলাল কাৰ্বাইডযুক্ত আম ৷

Carbide used Mangoes Seized In Fancy Bazar Crackdown by Food Safety department
ফাঁচি বজাৰত খাদ্য সুৰক্ষা বিভাগৰ অভিযান (Etv bharat assam)

ফাঁচি বজাৰত খাদ্য সুৰক্ষা বিভাগৰ অভিযান (Etv bharat assam)

গুৱাহাটী, 22 মে': সাৱধান ! দেখাত ধুনীয়া যেন লগা পকা আম ক্ৰয় কৰিবলৈ যাওঁতে সাৱধান হওক । অন্যথা আমৰ নামত অখাদ্য ক্ৰয় কৰিব আপুনি । যিয়ে শৰীৰত বিৰূপ প্ৰভাৱ পেলাব পাৰে । কাৰণ খাদ্য সুৰক্ষা বিভাগৰ অভিযানত ধৰা পৰিছে কাৰ্বাইডযুক্ত আম ।

বুধবাৰে কাৰ্বাইডযুক্ত ফলৰ বিৰুদ্ধে গুৱাহাটীত খাদ্য সুৰক্ষা বিভাগে অভিযান চলায় । গুৱাহাটীৰ ফাঁচী বজাৰত অভিযান চলাই খাদ্য সুৰক্ষা বিভাগে জব্দ কৰে কাৰ্বাইডযুক্ত এক কুইণ্টলৰো অধিক আম । জব্দ কৰা কাৰ্বাইডযুক্ত আমখিনি নষ্ট কৰে খাদ্য সুৰক্ষা বিভাগে ।

উল্লেখ্য যে, বুধবাৰে খাদ্য সুৰক্ষা বিভাগৰ এটা দলে গুৱাহাটীৰ ফাঁচী বজাৰৰ ফলৰ বজাৰত অভিযান চলায় । ফাঁচী বজাৰৰ প্ৰতিখন দোকানত অভিযান চলাই খাদ্য সুৰক্ষা বিভাগৰ দলটোৱে । কামৰূপ মহানগৰ জিলাৰ খাদ্য সুৰক্ষা জিলা প্ৰশাসনৰ দলটোৱে বিভিন্ন ফলৰ দোকান পৰিদৰ্শন কৰি কৃত্ৰিমভাৱে পকোৱা আম, কল আদি ফলৰ ক্ষেত্রত অভিযান চলায় ।

পৰিদৰ্শনৰ সময়ত অভিযানকাৰী দলটোৱে জমা কৰি থোৱা বৃহৎ পৰিমাণৰ কাৰ্বাইডযুক্ত আম জব্দ কৰাৰ লগতে নষ্ট কৰি পেলায় । অভিযানকাৰী দলটোৱে এক কুইন্টলৰো অধিক কাৰ্বাইডযুক্ত আম জব্দ কৰি নষ্ট কৰে বুলি জানিব পৰা গৈছে ।

উল্লেখ্য কৰা প্ৰয়োজন যে ফলত ব্যৱহাৰ কৰা কাৰ্বাইড মানৱ শৰীৰৰ বাবে অত্যন্ত অপকাৰী যদিও মুনাফা লাভৰ বাবে অসাধু ব্যৱসায়ীসকলে এই কাৰ্বাইডযুক্ত ফল বজাৰত বিক্ৰী কৰি আহিছে । খাদ্য সুৰক্ষা বিভাগে নিয়মীয়াভাবে অভিযান নচলোৱাৰ সুযোগতে অসাধু ব্যৱসায়ীসকলে এনেদৰে কাৰ্বাইডযুক্ত ফল বজাৰত মেলি দিবলৈ সক্ষম হৈছে ।

লগতে পঢ়ক: কেঁচা নে পকা ! কোনবিধ আম স্বাস্থ্যৰ পক্ষে উত্তম জানেনে ? - Raw Mango vs Ripe Mango

Last Updated : May 22, 2024, 8:11 PM IST
ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.