পেৰেড অনুষ্ঠানত ভাগ ল’বলৈ অসমৰ পাঁচগৰাকী স্বেচ্ছাসেৱকক নতুন দিল্লীলৈ নিমন্ত্ৰণ

author img

By ETV Bharat Assamese Desk

Published : Jan 26, 2024, 7:39 AM IST

Updated : Jan 26, 2024, 2:02 PM IST

5 volunteers of assam invited as the guest for the republic day parade in 2024

Republic day parade in 2024 : দেশৰ গণৰাজ্য দিৱসত অংশগ্ৰহণৰ বাবে অসমৰ পাঁচগৰাকী স্বেচ্ছাসেৱকক নতুন দিল্লীলৈ নিমন্ত্ৰণ । তেওঁলোক হ’ল পদুমী কলিতা, ইলোৰা ডেকা, তুলসী ছেত্ৰী, মঞ্জলি কুমাৰ, ডলী নেওগ ৷ 75 সংখ্যক গণৰাজ্য দিৱসৰ পেৰেড অনুষ্ঠানলৈ আমন্ত্ৰণ জনোৱা হৈছে উল্লেখিত 5 জনক ৷

তেজপুৰ, 26 জানুৱাৰী: দেশৰ 75 সংখ্যক গণৰাজ্য দিৱসৰ দিনা নতুন দিল্লীৰ কৰ্তব্য পথত গণৰাজ্য দিৱসৰ পেৰেডৰ সাক্ষী হ’বলৈ অসমৰ পৰা আমন্ত্ৰণ জনোৱা হৈছে এটা স্বেচ্ছাসেৱকৰ গোটক ৷ স্বচ্ছতা আৰু অনাময়ৰ সৈতে জড়িত এটা নিষ্ঠাবান স্বচ্ছগ্ৰহীৰ গোটক বিশেষ অতিথি হিচাপে আমন্ত্ৰণ জনোৱা হৈছে । স্বচ্ছ ভাৰত অভিযান (গ্ৰামীণ)ৰ দ্বিতীয় পৰ্যায়ৰ অধীনত নিজৰ অসাধাৰণ অৱদানৰ বাবে স্বীকৃতি লাভ কৰা এই ব্যক্তিসকল বিভিন্ন ক্ষেত্ৰৰ পৰা নিৰ্বাচিত কৰা হৈছে আৰু অনাময় পদক্ষেপৰ সঠিক ৰূপায়ণৰ দিশত এইসকলে অক্লান্তভাৱে কাম কৰি আহিছে ।

5 volunteers of assam invited as the guest for the republic day parade in 2024
অসমৰ পাঁচগৰাকী স্বেচ্ছসেৱকক নতুন দিল্লীলৈ নিমন্ত্ৰণ

চৰকাৰে তেওঁলোকৰ এই প্ৰচেষ্টাক স্বীকাৰ কৰাৰ প্ৰতিশ্ৰুতিৰে এই স্বচ্ছগ্ৰহীসকলক গণৰাজ্য দিৱস উদযাপনৰ সাক্ষী হ’বলৈ আমন্ত্ৰণ জনাই সন্মান জনোৱাৰ ব্যৱস্থা কৰিছে । বিশিষ্ট আমন্ত্ৰিতসকলৰ ভিতৰত আছে অসমৰ নলবাৰী জিলাৰ কৰিয়া গাঁৱৰ নিবাসী পদুমী কলিতা । 2019 চনৰ পৰা পদুমীয়ে স্বচ্ছগ্ৰহী হিচাপে গুৰুত্বপূৰ্ণ ভূমিকা পালন কৰি আহিছে, কাৰ্যক্ষম শৌচাগাৰ নিৰ্মাণ আৰু ৰক্ষণাবেক্ষণৰ ক্ষেত্ৰত সমাজৰ সৈতে সক্ৰিয়ভাৱে জড়িত হৈ আছে ।

তেওঁৰ প্ৰচেষ্টাসমূহ অনাময় ব্যৱস্থাৰ বাহিৰলৈও বিস্তৃত, ঋতুস্ৰাৱৰ পৰিষ্কাৰ-পৰিচ্ছন্নতা, আৱৰ্জনা ব্যৱস্থাপনা আৰু ৰাজ্যিক পৰ্যায়ৰ পদক্ষেপসমূহৰ প্ৰতি সমৰ্থনৰ সজাগতা কাৰ্যসূচী আদি সামৰি লোৱা হৈছে । নলবাৰী জিলাৰ আন এগৰাকী সক্ৰিয় স্বেচ্ছাসেৱী ইলোৰা ডেকাই 2019 চনৰ পৰা স্বচ্ছ ভাৰত অভিযানৰ দ্বিতীয় পৰ্যায়ত যথেষ্ট অৰিহণা যোগাইছে ।

লক্ষণীয় সাফল্যসমূহৰ ভিতৰত কঠিন আৰু তৰল আৱৰ্জনা ব্যৱস্থাপনাৰ সজাগতা বৃদ্ধি, স্বচ্ছতা হি সেৱা (SHS) কাৰ্যসূচীত সক্ৰিয়ভাৱে অংশগ্ৰহণ আৰু পোষকতা কৰা আদি উল্লেখযোগ্য কামৰ সৈতে ডেকা জড়িত । পুৰণি পুখুৰী গ্ৰাম পঞ্চায়তত দৃষ্টান্তমূলক ভূমিকা গ্ৰহণৰ বাবে স্বীকৃতিপ্ৰাপ্ত তুলসী ছেত্ৰীয়ে আৱৰ্জনা ব্যৱস্থাপনা পদ্ধতিৰ ৰূপান্তৰ ঘটাই স্বচ্ছতা আৰু বহনক্ষমতাৰ সংস্কৃতি গঢ়ি তুলিছে ।

তেওঁৰ ব্যাপক পদ্ধতিত সজাগতা অভিযান, সম্প্ৰদায়ৰ সংযোগ আৰু স্থানীয় কৰ্তৃপক্ষৰ সৈতে সহযোগিতা কৰি দক্ষতাৰে আৱৰ্জনা সংগ্ৰহ আৰু নিষ্কাশন ব্যৱস্থা ৰূপায়ণ জড়িত হৈ আছে । ডিমৰুগুৰি গ্ৰাম পঞ্চায়তৰ প্ৰশংসনীয় স্বচ্ছাগ্ৰহী মঞ্জলি কুমাৰে দায়িত্বশীল আৱৰ্জনা নিষ্কাশনৰ প্ৰথাক প্ৰসাৰিত কৰি নিজৰ স্থানীয় সমাজত পৰিৱৰ্তনশীল প্ৰভাৱ পেলাইছে ।

সজাগতা অভিযানৰ জৰিয়তে তেওঁ আৱৰ্জনাসমূহৰ সঠিক পৃথকীকৰণ আৰু নিষ্কাশনৰ ক্ষেত্ৰত বাসিন্দাসকলক সক্ৰিয়ভাৱে জড়িত কৰে । আনহাতে, কাকপথাৰ গ্ৰাম পঞ্চায়তৰ এগৰাকী নিপুণ স্বচ্ছাগ্ৰহী ডলী নেওগে চেনিটেৰী টয়লেট নিৰ্মাণ সন্দৰ্ভত সজাগতা সৃষ্টিৰ বাবে নিজকে উৎসৰ্গা কৰিছে । তেওঁৰ প্ৰচেষ্টা সজাগতা অভিযানৰ বাহিৰলৈ গৈছে, কিয়নো তেওঁ চৰকাৰী আঁচনিসমূহ, বিশেষকৈ ব্যক্তিগত ঘৰুৱা শৌচাগাৰ (আই এইচ এইচ এল) পদক্ষেপক নেভিগেট কৰাত সম্প্ৰদায়ৰ সদস্যসকলক সক্ৰিয়ভাৱে সহায় কৰে ।

স্বেচ্ছাগ্ৰহীৰ উপৰিও কৃষি, যোগ, মহিলা সাফল্য, পি এম বিশ্বকৰ্মা আদিৰ হিতাধিকাৰী তথা একাধিক ক্ষেত্ৰৰ লোককো গণৰাজ্য দিৱসৰ বাবে বিশেষ অতিথি হিচাপে আমন্ত্ৰণ জনোৱা হৈছে ।

লগতে পঢ়ক: এলাগী হৈ ৰ’ল স্বাধীনতা সংগ্ৰামী, প্ৰশাসনৰ বিৰুদ্ধে ক্ষোভ

Last Updated :Jan 26, 2024, 2:02 PM IST
ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.