আফগানিস্তানৰ বিৰুদ্ধে প্ৰথমখন এদিনীয়াত দ্বি শতক অৰ্জন শ্ৰীলংকাৰ পাথুম নিশাংকৰ

author img

By ETV Bharat Assamese Desk

Published : Feb 9, 2024, 9:04 PM IST

Pathum Nissanka double hundred

Pathum Nissanka double hundred : শ্ৰীলংকাৰ অ’পেনাৰ পাথুম নিশাংকই আফগানিস্তানৰ বিৰুদ্ধে দ্বি শতক অৰ্জন কৰি ইতিহাসৰ সৃষ্টি কৰিছে। নিশাংক এই কৃতিত্ব অৰ্জন কৰা প্ৰথমগৰাকী শ্ৰীলংকান আৰু বিশ্বৰ দশমগৰাকী খেলুৱৈ হিচাপে পৰিগণিত হৈছে।

স্পৰ্টছ ডেস্ক, 9 ফেব্ৰুৱাৰী : শ্ৰীলংকাৰ পাল্লেকেলে আন্তঃৰাষ্ট্ৰীয় ক্ৰিকেট ষ্টেডিয়ামত শ্ৰীলংকা আৰু আফগানিস্তানৰ মাজত অনুষ্ঠিত হোৱা প্ৰথমখন এদিনীয়া মেচত ইতিহাসৰ সৃষ্টি কৰিছে শ্ৰীলংকাৰ সোঁহতীয়া অ’পেনিং বেটছমেন পাথুম নিশাংকই ৷ এদিনীয়া ক্ৰিকেটত দ্বৈত শতক অৰ্জন কৰা শ্ৰীলংকাৰ প্ৰথমজন বেটছমেন হিচাপে পৰিগণিত হৈছে নিশাংক ৷ আফগানিস্তানৰ বলাৰক নিষ্ঠুৰ প্ৰহাৰ কৰি 139 টা বলত 210 ৰানৰ অপৰাজিত ইনিংছ খেলা নিশাংক এদিনীয়াত দ্বি শতক অৰ্জন কৰা বিশ্বৰ দশমজন খেলুৱৈ হিচাপেো পৰিগণিত হৈছে ৷

দ্বি শতক অৰ্জন কৰা প্ৰথমজন শ্ৰীলংকাৰ খেলুৱৈ-

আফগানিস্তানৰ বিৰুদ্ধে প্ৰথমখন এদিনীয়াত শ্ৰীলংকাক প্ৰথমে বেটিং কৰিবলৈ আমন্ত্ৰণ জনোৱা হৈছিল ৷ ইয়াৰ পিছতে খেলপথাৰত শ্ৰীলংকাৰ অ’পেনাৰ বেটছমেন নিশাংকই ধুমুহাৰ সৃষ্টি কৰে ৷ 139 টা বলৰ মুখামুখি হৈ নিছাংকাই 210 ৰানৰ এক দুৰ্দান্ত ইনিংছ খেলে তেওঁ ৷ এই ইনিংছত তেওঁ 20 টা চাৰি আৰু 8 টা ছয় কোবায় ৷ এই অভিলেখেৰে তেওঁ এদিনীয়াত দ্বি শতক অৰ্জন কৰা প্ৰথমজন শ্ৰীলংকাৰ বেটছমেন হিচাপে পৰিগণিত হয় ৷

নিশাংকই 136 টা বলত দ্বি শতক অৰ্জন কৰে আৰু ভাৰতৰ ঈশান কিষণ আৰু অষ্ট্ৰেলিয়াৰ গ্লেন মেক্সৱেলৰ পিছত দ্বি শতক অৰ্জন কৰা আটাইতকৈ দ্ৰুত খেলুৱৈ হিচাপে পৰিগণিত হয় ৷

200 ৰান সংগ্ৰহ কৰা বিশ্বৰ দহগৰাকী বেটছমেন-

‘গড অৱ ক্ৰিকেট’ শচীন তেণ্ডুলকাৰ এদিনীয়া খেলত দ্বৈত শতক অৰ্জন কৰা বিশ্বৰ প্ৰথমজন খেলুৱৈ ৷ একে সময়তে শ্ৰীলংকাৰ পাথুম নিশাংক এতিয়া এই কৃতিত্ব অৰ্জন কৰা বিশ্বৰ দশমগৰাকী বেটছমেন হিচাপে পৰিগণিত হৈছে ৷ ভাৰতীয় ক্ৰিকেট দলৰ অধিনায়ক ৰোহিত শৰ্মাৰ নামত সৰ্বাধিক 3 টা এদিনীয়া দ্বি শতক আছে, য’ত শ্ৰীলংকাৰ বিৰুদ্ধে এদিনীয়া ক্ৰিকেটত 264 ৰানৰ সৰ্বোত্তম ব্যক্তিগত স্ক’ৰ অন্তৰ্ভুক্ত আছে ৷

এদিনীয়া ক্ৰিকেটত দ্বি শতক অৰ্জন কৰা বেটছমেন-

-শচীন তেণ্ডুলকাৰ (ভাৰত) - 200* বনাম দক্ষিণ আফ্ৰিকা, ফেব্ৰুৱাৰী 2010

-বীৰেন্দ্ৰ ছেহৱাগ (ভাৰত) – 219 বনাম ৱেষ্ট ইণ্ডিজ, ডিচেম্বৰ 2011

-ৰোহিত শৰ্মা (ভাৰত) - 3 বাৰ 264 (সৰ্বোচ্চ) বনাম শ্ৰীলংকা, 209 ৰান বনাম অষ্ট্ৰেলিয়া আৰু 208* বনাম শ্ৰীলংকা

-ক্ৰীছ গেইল (ৱেষ্ট ইণ্ডিজ) – 215 বনাম জিম্বাবৱে, ফেব্ৰুৱাৰী 2015

-মাৰ্টিন গুপটিল (নিউজীলেণ্ড) - 237* বনাম ৱেষ্ট ইণ্ডিজ, মাৰ্চ 2015

-ফখৰ জামান (পাকিস্তান) - 210* বনাম জিম্বাবৱে, জুলাই 2018

-ঈশান কিষণ (ভাৰত) – 210 বনাম বাংলাদেশ, ডিচেম্বৰ 2022

-শুভমন গীল (ভাৰত) – 208 বনাম নিউজীলেণ্ড, জানুৱাৰী 2023

-গ্লেন মেক্সৱেল (অষ্ট্ৰেলিয়া) - 201* বনাম আফগানিস্তান, নৱেম্বৰ 2023 (ক্ৰিকেট বিশ্বকাপ)

-পাথুম নিশাংক (শ্ৰীলংকা) - 210* বনাম আফগানিস্তান, 9 ফেব্ৰুৱাৰী 2024

লগতে পঢ়ক : অনূৰ্ধ্ব ১৯ ক্ৰিকেট বিশ্বকাপৰ ফাইনেলত অষ্ট্ৰেলিয়া; শ্বাসৰুদ্ধকাৰী ছেমি ফাইনেলত ১ উইকেটত পৰাস্ত পাকিস্তান

ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.