স্পৰ্টছ ডেস্ক,১৩ ফেব্ৰুৱাৰী : ১৫ ফেব্ৰুৱাৰীত ভাৰত আৰু ইংলেণ্ডৰ মাজত ৰাজকোটত তৃতীয়খন টেষ্ট অনুষ্ঠিত হ'ব । তাৰ পূৰ্বে ভাৰতীয় দল আৰু ইংলেণ্ড দল ৰাজকোটত উপস্থিত হৈছে । সোমবাৰে আবু ধাবিৰ পৰা পোনে পোনে ইংলেণ্ড দলটো ৰাজকোটত উপস্থিত হয় । কিন্তু ভাৰতত উপস্থিত হোৱাৰ পিচতে ভিছা সম্পৰ্কীয় সমস্যাৰ সন্মুখীন হৈছে ইংলেণ্ড দলৰ স্পিনাৰ ৰেহান আহমেদ ।
উল্লেখ্য যে দ্বিতীয় আৰু তৃতীয় টেষ্টৰ মাজত দীঘলীয়া বিৰতিৰ কথা বিবেচনা কৰি ইংলেণ্ডৰ দলটোৱে তেওঁলোকৰ পৰিয়ালৰ সৈতে সময় কটোৱাৰ বাবে আবু ধাবিলৈ উৰা মাৰিছিল । সোমবাৰে দলটো আবু ধাবিৰ পৰা পোনে পোনে ৰাজকোট বিমানবন্দৰত অৱতৰণ কৰে । কিন্তু লেগ স্পিনাৰ ৰেহান আহমেদক আবু ধাবিৰ পৰা উভতি অহাৰ সময়ত পৰ্যাপ্ত কাগজপত্ৰৰ বাবে ৰাজকোটৰ হীৰাচাৰ বিমানবন্দৰৰ পৰা প্ৰস্থান কৰাত বাধা দিয়া হৈছিল ।
সূত্ৰৰ মতে যোৱা ৩০ দিনত দ্বিতীয়বাৰৰ বাবে ইউএইৰ পৰা উৰা মাৰিবলৈ যোৱাৰ সময়ত মাল্টি-এণ্ট্ৰি ভিছাৰ অভাৱৰ বাবে আহমেদক হীৰাচাৰ বিমানবন্দৰৰ পৰা প্ৰস্থান কৰাত বাধা দিয়া হৈছিল । ভাৰতত কেৱল এটা প্ৰৱেশৰ বাবে ভিছা আছিল । যাৰ বাবে স্পিনাৰজনক বিমানবন্দৰ কৰ্তৃপক্ষই ৰখাইছিল । ফলত ইংলেণ্ডৰ দলটোৱে প্ৰয়োজনীয় আনুষ্ঠানিকতা সম্পূৰ্ণ নোহোৱালৈকে আবেলি বিমানবন্দৰতে অপেক্ষা কৰিবলৈ বাধ্য হয় ৰেহান আহমেদ ।
ইফালে ৰাজকোটত স্থানীয় কৰ্তৃপক্ষৰ সহায়ত ৰেহান আহমেদক যিমান সম্ভৱ সোনকালে দুদিনীয়া ভিছাৰ অনুমতি দিয়া হয় আৰু খেলখন আৰম্ভ হোৱাৰ পূৰ্বে বাকী থকা কাগজপত্ৰ সময়মতে সম্পূৰ্ণ কৰা হ'ব । ৰেহানে এতিয়ালৈকে শৃংখলাটোৰ প্ৰথম দুখন টেষ্টত ৩৬.৩৭ গড়ে ৮ টা উইকেট দখল কৰিছে আৰু ৭০ ৰাণ সংগ্ৰহ কৰিছে । তাৰ ভিতৰত দ্বিতীয় টেষ্টত ৩ নম্বৰত বেটিং কৰি ২৩ ৰাণৰ ইনিংছ খেলিছিল ।
উল্লেখ্য যে যোৱা মাহত টেষ্ট শৃংখলা আৰম্ভ হোৱাৰ পূৰ্বে ভিছাৰ সমস্যাৰ বাবে ইংলেণ্ডৰ স্পিনাৰ ছোৱেইব বছিৰকো বাধা দিয়া হৈছিল । পিচত তেওঁ আবু ধাবিৰ পৰা ইংলেণ্ডলৈ উভতি আহিব লগা হৈছিল । অৱশ্যে, সমস্যাটো কিছুদিনৰ ভিতৰতে সমাধান কৰা হয় আৰু বছিৰ বিশাখাপট্টনম টেষ্টত ইংলেণ্ডৰ প্লেয়িং একাদশৰ অংশ হয় ।
লগতে পঢ়ক :পাকিস্তানৰ ক্ৰিকেট অনুৰাগীক কীব’ৰ্ড যোদ্ধা আখ্যা ইৰফান পাঠানৰ
