ETV Bharat / sports

ভাৰত বনাম ইংলেণ্ড টেষ্ট শৃংখলা, ইংলেণ্ডক ২০০ ৰাণতে বান্ধি ৰখাৰ প্ৰয়াস ভাৰতৰ

author img

By ETV Bharat Assamese Team

Published : Jan 28, 2024, 10:38 AM IST

IND vs ENG 1st Test 4th Day: ভাৰত আৰু ইংলেণ্ডৰ মাজত অনুষ্ঠিত প্ৰথমখন টেষ্টৰ আজি চতুৰ্থ দিন । ইংলেণ্ডে ২০০ ৰাণৰ অগ্ৰগতিৰ দিশে আগবাঢ়িছে । ভাৰতেও ২০০ ৰাণৰ ভিতৰতে ইংলেণ্ডৰ বেটছমেনসকলক আউট কৰাৰ প্ৰচেষ্টা চলাইছে ।

IND vs ENG 1st Test 4th Day
ইংলেণ্ডক ২০০ ৰাণতে বান্ধি ৰখাৰ প্ৰয়াস ভাৰতৰ

স্পৰ্টছ ডেস্ক,২৮ জানুৱাৰী : হায়দৰাবাদৰ ৰাজীৱ গান্ধী আন্তঃৰাষ্ট্ৰীয় ষ্টেডিয়ামত ভাৰত আৰু ইংলেণ্ডৰ মাজত অনুষ্ঠিত হোৱা প্ৰথমখন টেষ্ট এতিয়া ৰোমাঞ্চকৰ হৈ পৰিছে । আজি খেলখনৰ চতুৰ্থ দিন আৰু অলি পোপৰ অপৰাজিত ১৬০ ৰাণৰ বাবে ইংলেণ্ডে প্ৰত্যাৱৰ্তন কৰিছে । প্ৰথম ইনিংছৰ পিচত ইংলেণ্ডক ভাৰতে ১৯০ ৰাণত পিছ পেলাইছিল, কিন্তু তৃতীয় দিনৰ খেলৰ শেষলৈ ইংলেণ্ডে ১২৬ ৰাণৰ অগ্ৰগতি লাভ কৰিছিল । ইংলেণ্ডে আজি ৩১৬ ৰাণৰ সৈতে পুনৰ খেলিবলৈ আৰম্ভ কৰে । অলি পোপ ইতিমধ্যে ১৫০ ৰাণ অতিক্ৰম কৰিছে । দলটোৱে লীড ২০০ৰো অধিক কৰাৰ চেষ্টা অব্যাহত ৰাখিছে ।

ইংলেণ্ড এতিয়াও ভাৰততকৈ ১৬০ ৰাণ আগবাঢ়ি আছে । ইংলেণ্ডৰ অগ্ৰগতি যিমানে বাঢ়িব, ভাৰতৰ বাবে মেচখনত জয়ী হোৱাটো সিমানেই কঠিন হৈ পৰিব । চতুৰ্থ দিনত এই পিটছত বেটিং কৰাটো সহজ নহ'ব আৰু নিশ্চিতভাৱে ভাৰতীয় বেটছমেনসকলে স্পিনাৰৰ বিৰুদ্ধে খেলিবলৈ সমস্যাৰ সন্মুখীন হ'ব । এনে পৰিস্থিতিত, ভাৰতে যিমান সম্ভৱ সোনকালে ইংলেণ্ডক অলআউট কৰাৰ চেষ্টা চলাব । তৃতীয় দিনৰ খেলৰ আৰম্ভণিতে মাত্ৰ ১৫ ৰাণ সংগ্ৰহ কৰি ভাৰতে ইনিংছটো সামৰিবলগীয়া হৈছিল । ভাৰতীয় দলৰ অনুৰাগীসকলে আজি বলাৰৰ পৰা এক উৎকৃষ্ট প্ৰদৰ্শনৰ আশা কৰিছে ।

যদি ইংলেণ্ডে ২০০ৰো অধিক ৰাণৰ অগ্ৰগতি লাভ কৰিবলৈ সক্ষম হয়, তেন্তে ভাৰতৰ বাবে সমস্যা হ'ব । চতুৰ্থ দিনৰ পিচত পিটছখন স্পিনাৰৰ বাবে যথেষ্ট সহায়ক হ'ব । ইংলেণ্ডৰ স্পিনাৰসকলে বিশেষকৈ জ' ৰুটে প্ৰথম ইনিংছত সুন্দৰ বলিং কৰিছিল আৰু তেওঁ ৪ টা গুৰুত্বপূৰ্ণ উইকেট দখল কৰিছিল । সেয়ে ইংলেণ্ডৰ স্পিনাৰৰ সন্মুখত ভাৰতীয় বলাৰসকল প্ৰত্যাহ্বানৰ সন্মুখীন হোৱাৰ সম্ভাৱনা আছে ।

হায়দৰাবাদ টেষ্টৰ তৃতীয় দিনটো সম্পূৰ্ণৰূপে ইংলেণ্ডৰ সোঁহাতৰ বেটছমেন অলি পোপৰ নামত আছিল । পোপে টেষ্ট ক্ৰিকেটৰ পঞ্চম শতক অৰ্জন কৰি ইংলেণ্ডক সংকটৰ পৰা উদ্ধাৰ কৰে আৰু ১৭৮ ৰাণৰ গুৰুত্বপূৰ্ণ অগ্ৰগতি লাভ কৰে । পোপে ২৪৩ টা বলত ১৭৪ ৰাণত এতিয়াও ক্ৰীজত বেটিং কৰি আছে । ভাৰতৰ ওপৰত আটাইতকৈ ডাঙৰ প্ৰত্যাহ্বান হ'ব পোপৰ উইকেট সোনকালে লোৱা ।

লগতে পঢ়ক :অলি পোপৰ দৰ্শনীয় শতকেৰে তৃতীয় দিনা ইংলেণ্ডৰ সংগ্ৰহ 316/6

TAGGED:

IND vs ENG 1st Test Day 4IND vs ENGollie popeIND vs ENG 1st Test 4th Day

Quick Links / Policies

Get Us On

ETV Bharat IOS AppETV Bharat Google App

Please write to us, for media partnership and Ad-sales inquiries. Email: adops@etvbharat.com

ফিচাৰ

কুম্ভ ৰাশিৰ কৰ্মক্ষেত্ৰত প্ৰশংসা লাভ...সিংহ ৰাশিয়ে বিবাদ এৰাই চলক...কি কয় আপোনাৰ দিনটোৰ ৰাশিফলে - Daily Horoscope For 11th June

বৃশ্চিক ৰাশিৰ সৌভাগ্য দুৱাৰ মুকলি...বৃষ ৰাশিয়ে ধনৰ লেন-দেন কৰোঁতে হওক সাৱধান...কেনে যাব আপোনাৰ এই সপ্তাহটো - Weekly Horoscope

আপোনাৰ আপোনজনক সদায় মৰমেৰে ৰাখক.... কিয় জানেনে ? - World Caring Day

কেঁচা জলকীয়া: মাত্ৰ ২ টকাতে নিয়ন্ত্ৰণ হ’ব ডায়েবেটিছ - Diabetes will be controlled in just 2 rupees

ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.