বিশ্ব সংগীত দিৱস 2025: আপুনি জানেনে ? দৈনন্দিন সংগীত শুনাৰ এই আশ্চৰ্যজনক উপকাৰিতাসমূহ
প্ৰতি বছৰে ২১ জুনত বিশ্ব সংগীত দিৱস পালন কৰা হয় । সংগীতে কেৱল মনোৰঞ্জন প্ৰদান কৰাই নহয় ই এক প্ৰকাৰৰ থেৰাপীও-
Published : June 21, 2025 at 5:02 AM IST
সংগীত প্ৰতিটো পৰিস্থিতিৰ সংগী-সুখ, দুখ, মানসিক চাপ, উদযাপনত সদায় আমাৰ এক সংগীস্বৰূপ হৈ আছে ৷ সংগীতে এক বেলেগ ধৰণৰ শান্তি প্ৰদান কৰে ৷ সংগীতক বহু ৰোগৰ চিকিৎসা হিচাপেও ইতিমধ্যে ব্যৱহাৰ কৰি অহা হৈছে ৷ সংগীতক পৃথিৱীৰ আটাইতকৈ সহজ আৰু শ্ৰেষ্ঠ ভাষা বুলি গণ্য কৰা হয় ৷
প্ৰতি বছৰে ২১ জুনত বিশ্ব সংগীত দিৱস পালন কৰা হয় ৷ এই দিনটো সংগীত প্ৰেমীসকলৰ বাবে কেৱল উৎসৱমুখৰ অনুষ্ঠান নহয়, ই আমাক সোঁৱৰাই দিয়াৰ কাম কৰে যে সংগীতে আমাৰ জীৱনত কিমান গুৰুত্বপূৰ্ণ ভূমিকা পালন কৰে ৷ সংগীত কেৱল মনোৰঞ্জনৰ মাধ্যমেই নহয়, ই আমাৰ মানসিক, শাৰীৰিক আৰু আৱেগিক স্বাস্থ্যৰ ওপৰতো প্ৰভাৱ পেলোৱাত সহায় ৷
১৯৮২ চনত ফ্ৰান্সত আৰম্ভ হৈছিল সংগীত দিৱস, যাক ‘Fête de la Musique’ বুলিও কোৱা হয় ৷ বৰ্তমান ই এক বিশ্বব্যাপী উদযাপিত হোৱা এটি বিশেষ দিৱস হিচাপে পৰিণত হৈছে যিটো ১২০ খনতকৈও অধিক দেশত উদযাপন কৰা হয় ৷ সংগীতে আমাৰ জীৱন কেনেদৰে সমৃদ্ধ কৰে আৰু ইয়াৰ উপকাৰিতা কি কি সেয়া আজি জানো আহক-
১/ মানসিক স্বাস্থ্যৰ বাবে আশীৰ্বাদস্বৰূপ
- সংগীতে আমাৰ মগজুত ইতিবাচক প্ৰভাৱ পেলায় ৷ প্ৰিয় গীত এটা শুনিলে আমাৰ মগজুৱে ড’পামিন নামৰ ৰাসায়নিক পদাৰ্থ নিৰ্গত কৰে যিয়ে আমাক সুখী অনুভৱ কৰে ৷
- মানসিক চাপ, উদ্বেগ আৰু হতাশা হ্ৰাস কৰাত সহায় কৰে ৷
- ধ্যান সংগীত বা শাস্ত্ৰীয় সংগীত শুনিলে মানসিক শান্তি পোৱা যায় ৷
- মানসিক বিকাৰৰ চিকিৎসা হিচাপে সংগীত ব্যৱহাৰ কৰা হয় ৷
২/ আৱেগ প্ৰকাশৰ মাধ্যম
- শব্দ চুটি হ’লে সংগীত আমাৰ অনুভৱ প্ৰকাশৰ মাধ্যম হৈ পৰে ৷
- প্ৰেম, দুখ, উদযাপন, দেশপ্ৰেম—সংগীতত প্ৰতিটো আৱেগ প্ৰকাশিত হয় ৷
- সংগীতে আমাক নিজৰ লগত সংযোগ কৰি আত্মনিৰীক্ষণৰ সুযোগ দিয়ে ৷
- গীতৰ জৰিয়তে আমি আমাৰ অভিজ্ঞতা ভাগ কৰিব পাৰো ৷
৩/ শাৰীৰিক স্বাস্থ্যৰ ওপৰত ইতিবাচক প্ৰভাৱ
- বহুতে নাজানে যে সংগীত শুনিলে আমাৰ শৰীৰতো প্ৰভাৱ পৰে ৷
- লাহে লাহে আৰু সুৰীয়া সংগীত শুনিলে হৃদস্পন্দন নিয়ন্ত্ৰণ হয় ৷
- ৰক্তচাপৰ ভাৰসাম্য ৰক্ষা কৰাত সহায় কৰে ৷
- কিছু ব্যায়াম কৰাৰ সময়ত সংগীতে শক্তি আৰু প্ৰেৰণা বৃদ্ধি কৰে ৷
- শিশুৰ বিকাশ আৰু বৃদ্ধৰ স্মৃতিশক্তি উন্নত কৰাৰ বাবেও সংগীত উপযোগী বুলি বিবেচিত হয় ৷
৪/ টোপনি ভাল হয়
- অনিদ্ৰাৰ সমস্যাত ভোগা লোকৰ বাবে সংগীত হৈছে এক ঔষধ ৷
- শান্তিপূৰ্ণ সংগীতে (যেনে প্ৰকৃতিৰ শব্দ বা কোমল বাদ্যযন্ত্ৰ) সোনকালে টোপনি অহাত সহায় কৰে ৷
- নিদ্ৰাৰ মানদণ্ড উন্নত হয় আৰু পিছদিনা শোৱাৰ পৰা উঠাৰ পিচত সতেজ অনুভৱ কৰে ৷
৫/ সৃষ্টিশীলতা আৰু স্মৃতিশক্তি বৃদ্ধি
- সংগীতে মগজুৰ কাৰ্যক্ষমতা বৃদ্ধি কৰে ৷
- অধ্যয়নৰ সময়ত কোমল সংগীতে একাগ্ৰতাত সহায় কৰে ৷
- শিশুৰ সংগীত শিকিলে তেওঁলোকৰ গাণিতিক আৰু ভাষিক ক্ষমতা বৃদ্ধি পায় ৷
- বিশেষকৈ এলঝেইমাৰ বা ডিমেনচিয়া ৰোগত আক্ৰান্ত লোকৰ স্মৃতিশক্তি উন্নত কৰাত সহায় কৰে ৷
৬/ সামাজিক বন্ধন আৰু সাংস্কৃতিক পৰিচয়
- সংগীত সামাজিক সম্প্ৰীতিৰ মাধ্যম ৷
- উৎসৱ, অনুষ্ঠান, বিবাহ আদি অনুষ্ঠানত সংগীতে মানুহক সংযোগ কৰে ৷
- ই আমাৰ সংস্কৃতি আৰু পৰম্পৰাক প্ৰজন্মৰ পৰা প্ৰজন্মলৈ আগবঢ়াই নিয়াৰ এক মাধ্যম ৷
- লোকসংগীত আৰু শাস্ত্ৰীয় সংগীতে আমাৰ দেশৰ বৈচিত্ৰ্য প্ৰতিফলিত কৰে ৷
৭/ চিকিৎসা পদ্ধতি হিচাপে সংগীত (Music Therapy)
- আজিকালি "Music Therapy" চিকিৎসকে বিভিন্ন মানসিক আৰু শাৰীৰিক ৰোগৰ চিকিৎসাত ব্যৱহাৰ কৰি আহিছে ৷
- শিশুৰ কৰ্কট ৰোগ, বিষ নিয়ন্ত্ৰণ, বিকাশৰ বিকাৰত সংগীত চিকিৎসা ব্যৱহাৰ কৰা হয় ৷
- এই থেৰাপীয়ে ৰোগীক সকাহ দিয়াই নহয় চিকিৎসাৰ প্ৰভাৱো বৃদ্ধি কৰে ৷
৮/ আত্মাক শান্তি দিয়ে
- "সংগীত হৈছে আত্মাৰ পৰা অহা ভাষা যাক শব্দৰ প্ৰয়োজন নাই ৷"
- ভজন, কীৰ্তন, চুফী সংগীত আদিৰ দৰে সংগীতে আমাক ভগৱানৰ লগত সংযোগ কৰে ৷
- ই ধ্যান আৰু আধ্যাত্মিক বৃদ্ধিত সহায় কৰে ৷
- নিসংগতাত সংগী হৈ পৰে, আৰু দুখত প্ৰকৃত সহযোগী হৈ পৰে ৷
উপসংহাৰ
বিশ্ব সংগীত দিৱস ২০২৫ কেৱল মাত্ৰ সংগীতক উদযাপন কৰা এটা দিনেই নহয়, সংগীতে আমাৰ জীৱনত কেনে প্ৰভাৱ পেলায় সেয়া বুজিবলৈ এক সুযোগ ৷ জীৱনৰ প্ৰতিটো ছাঁতে সংগীতৰ ভূমিকা আছে—সুখ হওক বা দুখ, সফলতা হওক বা বিফল হওক ৷
আজিৰ দিনটোত আমি কেৱল গান শুনাই নহয় ইয়াৰ শলাগ লোৱা উচিত আৰু ইয়াক আমাৰ জীৱনশৈলীৰ এক অপৰিহাৰ্য উপাদান হিচাপে অন্তৰ্ভুক্ত কৰা উচিত ৷ কাৰণ সংগীত কেৱল শব্দ নহয়, ই আৱেগ, নিৰাময় আৰু লগতে আত্মাৰ শক্তি ৷
লগতে পঢ়ক
