আমেৰিকাত পাঁচ সপ্তাহৰ এইচ1বি ভিছা নৱীকৰণ অভিযান আৰম্ভ

author img

By ETV Bharat Assamese Desk

Published : Jan 30, 2024, 1:39 PM IST

আমেৰিকাত পাঁচ সপ্তাহৰ এইচ1বি ভিছা নৱীকৰণ অভিযান

H1B Visas Renewal Drive : পৰৱৰ্তী পাঁচ সপ্তাহত এই পাইলট প্ৰজেক্টৰ বাবে মুঠ 20,000 আবেদন গ্ৰহণ কৰা হ'ব । শেহতীয়াকৈ এইচ-1বি বিশেষ জীৱিকা ভিছা লাভ কৰা কৰ্মচাৰীসকলৰ মাজত ভাৰত আৰু কানাডাৰ কনছুলেটত ইয়াক সমানে বিতৰণ কৰা হ'ব ।

ইণ্টাৰনেচনেল ডেস্ক, ৩০ জানুৱাৰী : ভাৰতীয় নাগৰিকসহ এইচ1বি কৰ্মচাৰীসকলে আমেৰিকা এৰি নোযোৱাকৈ তেওঁলোকৰ ভিছা নৱীকৰণৰ বাবে আবেদন কৰা আৰম্ভ কৰিব পাৰিব । প্ৰায় দুটা দশকৰ পিছত এক গুৰুত্বপূৰ্ণ পৰিৱৰ্তনত আমেৰিকাই এই প্ৰক্ৰিয়া আৰম্ভ কৰিছে ।

20,000 লৈকে এনে যোগ্য অনা-অভিবাসী কৰ্মচাৰীয়ে ঘৰুৱাভাৱে তেওঁলোকৰ এইচ-1বি ভিছা নৱীকৰণ কৰিব পাৰিব । উল্লেখ্য যে প্ৰধানমন্ত্ৰী নৰেন্দ্ৰ মোদীৰ আমেৰিকা ভ্ৰমণৰ সময়ত ভাৰতীয় নাগৰিকসহ কিছু আবেদন ভিত্তিক অস্থায়ী ৱৰ্ক ভিছাৰ দেশীয় নৱীকৰণৰ পাইলট কাৰ্যসূচীৰ বিষয়ে আমেৰিকাৰ গৃহ বিভাগে ঘোষণা কৰিছিল ।

এই ভ্ৰমণকালত প্ৰধানমন্ত্ৰী মোদীয়ে ভাৰতীয় আমেৰিকান সম্প্ৰদায়ৰ এক অনুষ্ঠানত ৱাশ্বিংটনত ঘোষণা কৰিছিল যে আমেৰিকাই এইচ-1বি ভিছা নৱীকৰণৰ কাম আৰম্ভ কৰিব । আনহাতে, এই ভ্ৰমণৰ পিছত হোৱাইট হাউছে প্ৰকাশ কৰা এক যুটীয়া বিবৃতিত এই কাম আৰম্ভ হোৱাৰ কথা উল্লেখ কৰে । এই প্ৰক্ৰিয়াই ভিছা প্ৰক্ৰিয়াবোৰ সুশৃংখল কৰিবলৈ আৰু অস্থায়ী ভিছাধাৰকসকলৰ সুবিধাৰ বাবে দুয়োখন দেশৰ প্ৰতিশ্ৰুতিৰ ইঙ্গিত দিয়ে ।

পৰৱৰ্তী পাঁচ সপ্তাহত এই পাইলট প্ৰজেক্টৰ বাবে মুঠ 20,000 আবেদন গ্ৰহণ কৰা হ'ব । শেহতীয়াকৈ এইচ-1বি বিশেষ জীৱিকা ভিছা লাভ কৰা কৰ্মচাৰীসকলৰ মাজত ভাৰত আৰু কানাডাৰ কনছুলেটত ইয়াক সমানে বিতৰণ কৰা হ'ব ।

পাইলট প্ৰজেক্টৰ মুকলিৰ পূৰ্বে গৃহ বিভাগে প্ৰকাশ কৰা এটা ৱেবছাইটত ভিছাধাৰকসকলক তেওঁলোকৰ যোগ্যতা নিশ্চিত কৰিবলৈ অনুমতি দিয়া হয় । আবেদনকাৰীসকলে সংস্থাটোৰ ৱেবছাইটত বিগত সপ্তাহলৈকে ভিছাৰ বাবে আবেদন-পত্ৰ পূৰণ কৰিব পাৰে বুলি উল্লেলখ কৰা হৈছিল । অৱশ্যে সোমবাৰলৈকে সেয়া দাখিল কৰিব পৰা হোৱা নাই ।

লগতে পঢ়ক :গাজাৰ পৰা ইজৰাইলী সৈন্য প্ৰত্যাহাৰ নোহোৱা পৰ্যন্ত হামাছে গ্ৰহণ নকৰে কোনো চুক্তি

ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.