হেলিকপ্টাৰ দুৰ্ঘটনাত মৃত্যু চিলিৰ প্ৰাক্তন ৰাষ্ট্ৰপতি পিনেৰাৰ

author img

By ANI

Published : Feb 7, 2024, 7:30 AM IST

Updated : Feb 7, 2024, 10:03 AM IST

Former President of Chile Sebastian Pinera dies in helicopter crash

Former President of Chile dies in helicopter crash: চিলিৰ প্ৰাক্তন ৰাষ্ট্ৰপতি চেবাষ্টিয়ান পিনেৰাৰ মৃত্যু ৷ মঙলবাৰে বিয়লি দেশখনৰ দক্ষিণ অংশত সংঘটিত হোৱা এক হেলিকপ্টাৰ দুৰ্ঘটনাত পিনেৰাৰ মৃত্যু ঘটে । মৃত্যুৰ সময়ত ৰাষ্ট্ৰপতিগৰাকীৰ বয়স আছিল 74 ৷

ইণ্টাৰনেশ্যনেল ডেস্ক, 7 ফেব্ৰুৱাৰী : বিমান দুৰ্ঘটনাত পতিত হৈ মৃত্যু ঘটিছে চিলিৰ প্ৰাক্তন ৰাষ্ট্ৰপতিৰ ৷ চিলিৰ প্ৰাক্তন ৰাষ্ট্ৰপতি চেবাষ্টিয়ান পিনেৰাৰ কাৰ্যালয়ৰ পৰা প্ৰকাশিত এক বিবৃতিত মঙলবাৰে বিয়লি দেশখনৰ দক্ষিণ অংশত সংঘটিত হোৱা এক হেলিকপ্টাৰ দুৰ্ঘটনাত পিনেৰাৰ মৃত্যু ঘটে বুলি জনায় । মৃত্যুৰ সময়ত ৰাষ্ট্ৰপতিগৰাকীৰ বয়স আছিল 74 ৷

পিনেৰাৰ কাৰ্যালয়ৰ পৰা প্ৰকাশিত বিবৃতিটোত কোৱা হৈছে, 'আমি গভীৰ দুখৰ সৈতে চিলি গণৰাজ্যৰ প্ৰাক্তন ৰাষ্ট্ৰপতিগৰাকীৰ মৃত্যুৰ কথা ঘোষণা কৰিছো ৷ 74 বছৰীয়া পিনেৰাৰ মৃত্যু চেণ্টিয়াগোৰ পৰা প্ৰায় 920 কিলোমিটাৰ (570 মাইল) দক্ষিণে থকা আমোদ-প্ৰমোদৰ স্থান লাগো ৰেংকোত হয় বুলি জনায় ।

দুৰ্ঘটনাগ্ৰস্ত হোৱা হেলিকপ্টাৰখনত চাৰিজন লোক আছিল বুলি চৰকাৰৰ জৰুৰীকালীন সংস্থা সেনাপ্ৰেডে জানিবলৈ দিয়ে । ইয়াৰে তিনিজন আঘাতপ্ৰাপ্ত হোৱা বুলি সংস্থাটোৱে লগতে কয় । চিলিৰ গৃহ দপ্তৰৰ মন্ত্ৰী কেৰ’লিনা টোহাই কয় যে ঘটৱনাস্থলীত উদ্ধাৰ চলোৱা দলে পিনেৰাৰ মৃতদেহ উদ্ধাৰ কৰিছে আৰু চৰকাৰে ৰাষ্ট্ৰীয় শোকৰ সময় ঘোষণা কৰিব ।

সংবাদ মাধ্যমৰ আগত প্ৰকাশ কৰা মন্তব্যত টোহাই কয় চিলিৰ প্ৰাক্তন ৰাষ্ট্ৰপতিগৰাকীক তেওঁৰ প্ৰাপ্য সকলো সন্মান আৰু গণতান্ত্ৰিক স্বীকৃতি প্ৰদান কৰা হ’ব । প্ৰয়াত প্ৰাক্তন ৰাষ্ট্ৰপতিগৰাকীক সুঁৱৰি টোহাই কয়, “ৰাষ্ট্ৰপতি পিনেৰাই আমাক শাসন কৰিছিল আৰু তেওঁ জনসেৱাৰ বাবে নিজৰ জীৱনটো যিদৰে উৎসৰ্গা কৰিছিল, সেই কথা আমি সদায়ে মনত ৰাখিম ।”

  • " class="align-text-top noRightClick twitterSection" data="">

স্থানীয় সংবাদ মাধ্যমে লাগো ৰেংকোত দুৰ্ঘটনাস্থলীৰ ওচৰত প্ৰচণ্ড বৰষুণ আৰু বতাহৰ ছবি দেখুৱাইছে । আৰ্জেণ্টিনাৰ ৰাষ্ট্ৰপতিত্বই পিনেৰাৰ পৰিয়াললৈ সমবেদনা জ্ঞাপন কৰে বুলি এক বিবৃতিত প্ৰকাশ পাইছে ।

লগতে পঢ়ক: চিলিত বিধ্বংসী বনজুই, মৃতকৰ সংখ্যা ১২২ গৰাকীলৈ বৃদ্ধি

Last Updated :Feb 7, 2024, 10:03 AM IST
ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.