পাকিস্তানৰ নিৰ্বাচনত ৫১ টা সন্ত্ৰাসবাদী আক্ৰমণ; নিহত কমেও ১২

author img

By ANI

Published : Feb 9, 2024, 6:52 AM IST

Updated : Feb 9, 2024, 8:51 AM IST

পাকিস্তানৰ নিৰ্বাচনত সন্ত্ৰাসবাদী আক্ৰমণ

Terrorist Attack in Pakistan : এক বিবৃতিত আইএছপিআৰে কয় যে এই আক্ৰমণত নিৰাপত্তা বাহিনীৰ ১০ গৰাকী কৰ্মীসহ প্ৰায় ১২ গৰাকী লোক নিহত আৰু ৩৯ গৰাকী আহত হয় ।

ইণ্টাৰনেচনেল ডেস্ক, ৯ ফেব্ৰুৱাৰী : বৃহস্পতিবাৰে অনুষ্ঠিত পাকিস্তানৰ সাধাৰণ নিৰ্বাচনত ব্যাপক কূটাঘাতমূলক ঘটনা । ভোটদানৰ মাজতে পাকিস্তানত সংঘটিত হয় ৫১ টা সন্ত্ৰাসবাদী আক্ৰমণৰ ঘটনা । এই আক্ৰমণত দহগৰাকী নিৰাপত্তাৰক্ষীসহ কমেও ১২ গৰাকী লোক নিহত হয় । আহত হয় অতি কমেও ৩৯ গৰাকী লোক । দেশখনৰ সংবাদ মাধ্যম দ্য নিউজ ইণ্টাৰনেচনেলৰ সূত্ৰত এই কথা প্ৰকাশ ।

পাকিস্তানভিত্তিক দৈনিক বাতৰিকাকতখনে সামৰিক বাহিনীৰ মিডিয়া শাখা ইণ্টাৰ-ছাৰ্ভিচেছ পাব্লিক ৰিলেচনছৰ (আইএছপিআৰ) উদ্ধৃতি দি প্ৰকাশ কৰিছে, "নিৰ্বাচনী প্ৰক্ৰিয়াত ব্যাঘাত জন্মোৱাৰ লক্ষ্যৰে ৫১ টা কাপুৰুষোচিত সন্ত্ৰাসবাদী আক্ৰমণৰ ঘটনা সংঘটিত হয় । ইয়াৰে বেছিভাগ কেপি আৰু বেলুচিস্তানত সংঘটিত হয় । কিন্তু এই আক্ৰমণৰ ঘটনা স্বত্ত্বেও দেশৰ সেনাবাহিনীয়ে দৃঢ়তাৰে আৰু কাৰ্যকৰীভাৱে সমগ্ৰ পাকিস্তানত শান্তি আৰু নিৰাপত্তা নিশ্চিত কৰি আছে ।"

  • " class="align-text-top noRightClick twitterSection" data="">

"সক্ৰিয় চোৰাংচোৱা কৌশল আৰু দ্ৰুত পদক্ষেপৰ জৰিয়তে বহুতো সম্ভাৱ্য আক্ৰমণ নিষ্ক্ৰিয় কৰা হয় । ই আমাৰ নাগৰিকসকলৰ গণতান্ত্ৰিক অধিকাৰ সুৰক্ষিত কৰাৰ বাবে আমাৰ নিৰাপত্তা সংস্থাসমূহৰ অটল প্ৰতিশ্ৰুতিক প্ৰকাশ কৰে । আনহাতে, বিভিন্ন অভিযানৰ সময়ত পাঁচটা সন্ত্ৰাসবাদীও নিহত হয় ।" বাতৰিটোত লগতে কোৱা হৈছে ।

আনহাতে, এক বিবৃতিত আইএছপিআৰে কয় যে এই আক্ৰমণত নিৰাপত্তা বাহিনী আৰু আইন প্ৰৱৰ্তনকাৰী সংস্থাৰ ১০ গৰাকী কৰ্মীসহ প্ৰায় ১২ গৰাকী লোক নিহত আৰু ৩৯ গৰাকী আহত হয় ।

তদুপৰি, প্ৰতিবেদন অনুসৰি, প্ৰায় ৬,০০০ সংবেদনশীল ভোটকেন্দ্ৰত ১,৩৭,০০০ সেনা জোৱান আৰু অসামৰিক সশস্ত্ৰ বাহিনী মোতায়েন কৰা হয় আৰু হিংসা প্ৰতিৰোধ কৰিবলৈ ৭,৮০০-তকৈও অধিক কুইক ৰেছপন্স ফ'ৰ্চ দলো (কিউআৰএফ) নিয়োগ কৰা হয় ।

ইফালে বৃহস্পতিবাৰে ডনৰ বাতৰি অনুসৰি, ৰিগিং আৰু চেলুলাৰ আৰু ইণ্টাৰনেট সেৱা বন্ধ কৰাৰ অভিযোগৰ মাজতে পাকিস্তানৰ সাধাৰণ নিৰ্বাচনৰ ভোটগ্ৰহণ সমাপ্ত হয় । ভোটদান প্ৰক্ৰিয়া পুৱা ৮ বজাত আৰম্ভ হয় আৰু সন্ধিয়া ৫ বজাত সামৰণি পৰে । পাকিস্তানৰ নিৰ্বাচন আয়োগে পূৰ্বতেই কৈছিল যে কেৱল ভোটকেন্দ্ৰৰ ভিতৰত ইতিমধ্যে প্ৰৱেশ কৰা লোকসকলৰ বাবেহে এই সময়ৰ ব্যতিক্ৰম হ'ব ।

অৱশ্যে, এই ভোটগ্ৰহণক মুক্ত আৰু নিৰপেক্ষ হিচাপে বিবেচনা কৰা হোৱা নাই । কিয়নো ৰিগিং আৰু ভোটাৰক ভোটদানত বাধা দিয়া সন্দৰ্ভত বহু অভিযোগ উত্থাপন কৰা হৈছে । আনহাতে, এক গুৰুত্বপূৰ্ণ ঘটনাক্ৰমত ফেডাৰেল আভ্যন্তৰীণ মন্ত্ৰালয়ে বৃহস্পতিবাৰে পুৱা সাধাৰণ নিৰ্বাচনৰ সময়ত আইন-শৃংখলা পৰিস্থিতি বৰ্তাই ৰখাৰ বাবে সমগ্ৰ পাকিস্তানত মোবাইল ফোন আৰু ইণ্টাৰনেট সেৱা স্থগিত ৰাখে ।

লগতে পঢ়ক :পাকিস্তানত ৩ মহিলা পোলিং এজেণ্টক তালিবানৰ আক্ৰমণ

Last Updated :Feb 9, 2024, 8:51 AM IST
ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.