এগৰাকী লোকে কিমানগৰাকী যৌন সংগীৰ লগত সম্পৰ্ক স্থাপন কৰিব পাৰে ? বিশ্ব জনসংখ্যা সমীক্ষাত প্ৰকাশিত যৌন সংগীৰ 2024 ৰেংকিঙৰ পোহৰলৈ আহিছে গুৰুত্বপূৰ্ণ তথ্য ৷ ৰেংকিঙৰ বাবে কৰা জৰীপত 46 খন দেশৰ ভিতৰত ভাৰতে 46তম স্থান লাভ কৰিছে ।
প্ৰতিবেদন অনুসৰি, ভাৰতীয়সকলৰ জীৱনকালত গড়ে তিনিজন যৌন সংগী আছে । তুৰ্কী এই ৰেংকিঙৰ শীৰ্ষত আছে । তুৰস্কৰ লোকসকলৰ জীৱনকালত গড়ে 14.5 জন যৌন সংগী আছে ৷
এয়া সাধাৰণতে বিবাহৰ পূৰ্বে যৌন সম্পৰ্কৰ পৰা বিৰত থাকিবলৈ অথবা সামাজিক আৰু সাংস্কৃতিক পছন্দৰ বাবে হয় । ভাৰতত, বহুলোকে কঠোৰভাৱে বিবাহৰ নিয়ম অনুসৰণ কৰে, সেয়েহে সাধাৰণতে এজন ব্যক্তিৰ জীৱনকালত তিনিজন যৌন সংগী থাকে । হংকং, ভিয়েটনাম আৰু চীনত বাস কৰা লোকসকলৰ জীৱনকালত চাৰিজনতকৈ কম যৌন সংগী থাকে ।
গুজৰাট কেন্দ্ৰীয় বিশ্ববিদ্যালয়ৰ সামাজিক উন্নয়ন বিভাগৰ অধীনস্থ সমাজ বিজ্ঞান বিদ্যালয়ৰ সহযোগী অধ্যাপক সুভাষ কুমাৰে এই প্ৰসংগত কয় যে, এজন ব্যক্তিৰ শৈশৱৰ পৰা জীৱনত পোৱা বিভিন্ন ঘাট-প্ৰতিঘাটৰ বাবে এক বা একাধিক যৌন সংগী থাকে ৷
তালিকা অনুসৰি,
তুৰ্কীত গড়ে 14.52 গৰাকী
অষ্ট্ৰেলিয়াত গড়ে 13.33 গৰাকী
নিউজিলেণ্ডত গড়ে 13.24 গৰাকী
আইচলেণ্ডত গড়ে 13.5 গৰাকী
দক্ষিণ আফ্ৰিকাত গড়ে 12.56 গৰাকী
ফিনলেণ্ডত গড়ে 12.47 গৰাকী
ন’ৰৱেত গড়ে 12.18 গৰাকী
ইটালীত গড়ে 11.89 গৰাকী
ছুইডেনত গড়ে 11.810 গৰাকী
চুইজাৰলেণ্ডত গড়ে 11.1 গৰাকী
সুভাষ কুমাৰে ইটিভি ভাৰতক কয় যে, সাধাৰণতে ভাৰতীয় সমাজ ব্যৱস্থাই এজন ব্যক্তিক তেওঁৰ জীৱনত একাধিক যৌন সংগী ৰাখিবলৈ অনুমতি নিদিয়ে । ভাৰতে ৰেংকিঙত নিন্মস্থান লাভ কৰাটো এক ইতিবাচক লক্ষণ ৷ ভাৰতীয় সাংস্কৃতিক আৰু সামাজিক নিয়মবোৰ অতি উচ্চ মূল্যবোধৰ ।
লগতে কুমাৰে কয় যে, মানসিক আৰু শাৰীৰিক সমস্যাৰ বাবে, এজন ব্যক্তিৰ জীৱনত একাধিক যৌন সংগী থাকিব পাৰে ৷ উদ্বেগ, হতাশা, কেৰিয়াৰৰ প্ৰত্যাহ্বানেই হৈছে জীৱনৰ মুখ্য সমস্যা । ভাৰতৰ সৰু চহৰৰ লোকসকলে বিবাহৰ পূৰ্বে যৌন সম্পৰ্কত লিপ্ত নহয় ।
আনহাতে, মহানগৰসমূহত লোকসকল পশ্চিমীয়া সংস্কৃতিৰ সৈতে অধিক পৰিচিত । নয়ডাৰ জয়পী চিকিৎসালয়ৰ নিদানিক মনোবিজ্ঞানী ডাঃ প্ৰিয়ংকা শ্ৰীবাস্তৱেও ভাৰতে ৰেংকিঙত নিম্নস্থান লাভ কৰাক ভাৰতীয় মূল্যবোধ আৰু সংস্কৃতিৰ কৃতিত্ব বুলি আখ্যা দিয়ে ৷