৪৩ বছৰ বয়সত অষ্ট্ৰেলিয়ান অ’পেনত জয়ী হোৱা ৰোহন বোপান্নাৰ ফিটনেছৰ আঁৰৰ ৰহস্য কি ?

author img

By ETV Bharat Assamese Desk

Published : Jan 29, 2024, 3:55 PM IST

what is the secret of tennis player Rohan Bopanna Fitness, who won the Australian Open at the age of 43

Rohan Bopanna: ভাৰতলৈ গৌৰৱ কঢ়িয়াই অনা ৰোহন বোপান্নাই ৪৩ বছৰ বয়সত অষ্ট্ৰেলিয়ান অ’পেন মেনচ ডাবল খিতাপ দখল কৰে । এই বয়সতো তেওঁৰ ফিটনেছৰ মূল ৰহস্য কি জানো আহক-

৪৩ বছৰ বয়সতো নিজকে ফিট কৰি ৰখাটো এটা ডাঙৰ কথা আৰু এই ফিটনেছৰ সৈতে দেশৰ বাবে জয়ী হোৱাটো আৰু ডাঙৰ কাম হৈ পৰে ৷ এই কাম সম্পূৰ্ণ কৰি দেশখনলৈ গৌৰৱ কঢ়িয়াই অনা টেনিছ খেলুৱৈ ৰোহন বোপান্নাই সহযোগী মেথিউ এবডেনৰ সৈতে প্ৰথমটো অষ্ট্ৰেলিয়ান অ’পেন পুৰুষৰ ডাবলছ খিতাপ জয় কৰি ইতিহাস সৃষ্টি কৰিছে ৷ ৪৩ বছৰ বয়সত ইমান ডাঙৰ জয় আৰু ফিটনেছৰ ৰহস্য বৰ্ণনা কৰি ৰোহনে বহু কথা শ্বেয়াৰ কৰিলে ৷ তেওঁৰ ফিটনেছৰ ৰহস্য কি জানো আহক-

যোগাসন অন্তৰ্ভুক্ত কৰা হৈছিল

এক সাক্ষাৎকাৰত ৰোহনে কয় যে, ২০১৯ চনৰ মাজভাগৰ পৰা তেওঁৰ আঁঠুৰ বিষ হ’বলৈ আৰম্ভ কৰিছিল ৷ সেইবাবেই ক’ৰোনা মহামাৰীৰ সময়ত তেওঁ যোগাসন কৰিবলৈ আৰম্ভ কৰে ৷ প্ৰথমাৱস্থাত তেওঁ অনুভৱ কৰিছিল যে ইয়াৰ প্ৰভাৱ লেহেমীয়া, কিন্তু পিছত তেওঁ ইয়াৰ প্ৰভাৱ লক্ষ্য কৰি শক্তিশালী হৈ উঠিছিল ৷

বেলেন্স ডায়েট

তেওঁৰ খাদ্যাভ্যাসৰ বিষয়ে বৰ্ণনা কৰি কয় যে, তেওঁৰ খাদ্যাভ্যাসত তেনেকুৱা একো নাই ৷ তেওঁ মাত্ৰ নিজৰ খাদ্যাভ্যাস সুষম কৰি ৰাখে ৷ সঠিক পৰিমাণত আৰু সঠিক সময়ত ডায়েট লোৱাটোৱেই তেওঁৰ ফিটনেছ মন্ত্ৰ ৷ যদি আপুনিও ৰোহনৰ দৰে বয়স বৃদ্ধি হোৱাৰ পিছতো নিজকে ফিট তথা এক্টিভ কৰি ৰাখিব বিচাৰে তেন্তে তেওঁৰ ফিটনেছ মন্ত্ৰ অনুসৰণ কৰিব পাৰে ৷

আপোনাৰ শৰীৰৰ প্ৰয়োজনীয়তা বুজি লওক

ইণ্ডিয়ান এক্সপ্ৰেছক দিয়া এই সাক্ষাৎকাৰত ৰোহনে কয় যে, তেওঁ সদায় নিজৰ শৰীৰৰ কথা শুনি থাকে আৰু সেই অনুসৰি সকলো কাম কৰে ৷ তেওঁ জানে যে তেওঁৰ শৰীৰক কিমান জিৰণিৰ প্ৰয়োজন বা কিমান অতিৰিক্ত অনুশীলনৰ প্ৰয়োজন ৷ শেষত তেওঁ কয়, ‘শেহতীয়াকৈ মই মোৰ গতিশীলতা আৰু আৰোগ্যৰ ওপৰত গুৰুত্ব দিবলৈ আৰম্ভ কৰিছো ৷ নিজৰ ওপৰত বিনিয়োগ কৰাটো এজন খেলুৱৈ হোৱাৰ এক গুৰুত্বপূৰ্ণ অংশ ৷

লগতে পঢ়ক: ব্ৰাজিলৰ বিখ্যাত পপ গায়ক ডেনি লী আৰু নাই, লিপ’ছাকশ্যন অস্ত্ৰোপচাৰেই হৈ পৰিল মৃত্যুৰ কাৰণ

ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.