আমি নিজৰ শাৰীৰিক স্বাস্থ্যৰ প্ৰতি যিমান যত্ন লওঁ, ছালৰ যত্ন লোৱাটোও গুৰুত্বপূৰ্ণ ৷ ছালখনক সুস্থ কৰি ৰখাত কলাজেনে গুৰুত্বপূৰ্ণ ভূমিকা পালন কৰে ৷ আচলতে ই এক প্ৰকাৰৰ প্ৰাকৃতিক প্ৰ’টিন – যি আমাৰ শৰীৰত প্ৰাকৃতিকভাৱে পোৱা যায় ৷ কেৱল ছালৰ বাবেই নহয় চুলি, নখ আৰু হাড়ৰ বাবেও কলাজেন অতি গুৰুত্বপূৰ্ণ ৷
কলাজেনৰ অভাৱত ব্ৰণ, পিম্পল আৰু বয়স বৃদ্ধিৰ দৰে সমস্যা আমাৰ ছালত দেখা দিবলৈ আৰম্ভ কৰে ৷ কলাজেনৰ পৰিমাণ বজাই ৰাখিবলৈ আমাৰ খাদ্যাভ্যাসৰ যত্ন লোৱাটো অতি গুৰুত্বপূৰ্ণ ৷ ইয়াৰ লগতে আপুনি কিছুমান বিশেষ টিপছ মানি আপোনাৰ শৰীৰত কলাজেনৰ পৰিমাণ বজাই ৰাখিব পাৰে ৷
ৰেটিনলৰ ব্যৱহাৰ
ৰেটিনলে ছালত কলাজেন উৎপাদন বৃদ্ধি কৰে ৷ ইয়াৰ বাবে আমাৰ ছালত মিহি ৰেখা আৰু বলিৰেখা কমিবলৈ আৰম্ভ কৰে ৷ ই ছালৰ কোষ বৃদ্ধি কৰে, যাৰ ফলত ছালত কলাজেনৰ উৎপাদন বৃদ্ধি পায় ৷ গতিকে আপোনাৰ ছালৰ যত্নৰ ক্ষেত্ৰত নিশ্চিতভাৱে ৰেটিনল ব্যৱহাৰ কৰক ৷
ভিটামিন চি সমৃদ্ধ খাদ্য
ছালত কলাজেনৰ মাত্ৰা বৃদ্ধি কৰিবলৈ বেৰী, টেঙা ফল, সেউজীয়া শাক-পাচলি আদি আপোনাৰ খাদ্য তালিকাত অন্তৰ্ভুক্ত কৰক ৷ এই খাদ্যত প্ৰচুৰ পৰিমাণে ভিটামিন চি থাকে যিয়ে আপোনাৰ ছালত কলাজেনৰ মাত্ৰা বৃদ্ধি কৰাত সহায় কৰে ৷
ব্যায়াম কৰক
পাব মেড চেণ্ট্ৰেলৰ(PubMed) গৱেষণাৰ মতে, ব্যায়াম কৰিলে ছালৰ টেক্সচাৰ উন্নত হয় ৷ ইয়াৰ ফলত মুখমণ্ডলত ৰক্ত সঞ্চালন বৃদ্ধি পায় আৰু ছালত সঠিকভাৱে অক্সিজেন প্ৰবাহিত হয় আৰু কলাজেনৰ পৰিমাণ বৃদ্ধি কৰে ৷
প্ৰ’টিনযুক্ত খাদ্য
নন-ভেজ খাদ্যত প্ৰ’টিনৰ অভাৱ নহয় ৷ কিন্তু বহুতো নিৰামিষ খাদ্যও আছে, য’ত এইবোৰতকৈ বেছি প্ৰ’টিন থাকে ৷ পৰ্যাপ্ত পৰিমাণৰ প্ৰ’টিন সেৱনে নতুন মাংসপেশী গঠনত সহায় কৰে ৷ ইয়াৰ ফলত কলাজেন উৎপাদনতো সহায় হয় ৷ প্ৰ’টিন সমৃদ্ধ খাদ্যই আপোনাৰ ছালৰ সমস্যাতৰ সৃষ্টি নকৰে ৷ গাখীৰ আৰু ইয়াৰ উৎপাদিত সামগ্ৰীসমূহ আপোনাৰ খাদ্য তালিকাত অন্তৰ্ভুক্ত কৰক ৷
সম্পূৰ্ণ টোপনি
টোপনিৰ অভাৱেও ছালৰ সমস্যাৰ সৃষ্টি কৰিব পাৰে ৷ সঠিক নুশুৱাৰ ফলত ইয়াৰ চিধা প্ৰভাৱ আমাৰ ছালত পৰে ৷ ইয়াৰ লগতে কলাজেন উৎপাদনো কমি যায় ৷ কিন্তু বয়স বৃদ্ধিয়ে কলাজেন উৎপাদনতো প্ৰভাৱ পেলাব পাৰে ৷ যদি আপুনি ভালদৰে টোপনি নামাৰে তেন্তে ষ্ট্ৰেছ হৰম’ন কৰ্টিছল বৃদ্ধি পায় ৷ যিয়ে কলাজেনৰ উৎপাদন হ্ৰাস কৰিব পাৰে ৷
লগতে পঢ়ক: হোলী খেলাৰ সময়ত চকু-কাণ-মুখত ৰং সোমালে তাৎক্ষণিকভাৱে গ্ৰহণ কৰক এই ব্যৱস্থা - Holi Health Care
