দিনৰ অলপ সময়ৰ টোপনিয়েও বৃদ্ধি কৰিব পাৰে আপোনাৰ স্মৃতিশক্তি

author img

By ETV Bharat Assamese Desk

Published : Feb 5, 2024, 4:41 PM IST

Short Naps Can Help You Become Smarter

Short Nap Benefits: স্বাস্থ্যৰ বাবে টোপনি অতি গুৰুত্বপূৰ্ণ । এনে পৰিস্থিতিত ৰাতি ৭-৮ ঘন্টা টোপনি আমাৰ স্বাস্থ্যৰ বাবে অতি প্ৰয়োজনীয় বুলি গণ্য কৰা হয় যদিও কিছুমান স্বাস্থ্য অধ্যয়নত দিনৰ ভাগত কম সময়ৰ বাবে শুলে উপকাৰী বুলি গণ্য কৰা হয় । দিনৰ ভাগত কম সময়ৰ বাবে গ্ৰহণ কৰা টোপনিৰ এই উপকাৰিতাসমূহ জানো আহক-

বহু সময়ত ৰাতি টোপনিৰ অভাৱ বা অত্যধিক ভাগৰুৱা হোৱাৰ বাবে দিনত টোপনি আহি থকাৰ দৰেই অনুভৱ হয় ৷ একে সময়তে কিছুমান মানুহৰ প্ৰতিদিনে কিছু সময় শোৱাৰ অভ্যাসো আছে ৷

টোপনিৰ পৰা সাৰ পোৱাৰ পিছত মানুহে শিথিলতা অনুভৱ কৰে আৰু ব্যক্তিজনে নিজৰ কামবোৰ ভালকৈ কৰিবলৈ সক্ষম হয় ৷ কেৱল এয়াই নহয়, কিছুমান স্বাস্থ্য অধ্যয়নত টোপনিও স্বাস্থ্যৰ বাবে উপকাৰী বুলি কোৱা হৈছে ৷ কিন্তু টোপনিৰ লগত জড়িত এই সুবিধাসমূহ নিৰ্ভৰ কৰে যে এজন ব্যক্তিয়ে দিনটোত কিমান সময়ৰ বাবে শোৱে ৷

দিনত শুব লাগে নে নাই ?

এন চি বি আইত প্ৰকাশিত এক গৱেষণা পত্ৰৰ মতে, দিনৰ ভাগত শুলে মানসিক চাপ দূৰ হোৱাত সহায় হয় ৷ যিয়ে আপোনাক গোটেই দিনটো সতেজ কৰি ৰখাৰ লগতে আপোনাৰ কামবোৰো ভালদৰে সমাধা কৰাটো অতি প্ৰয়োজনীয় ৷ লগতে আপোনাৰ মানসিক স্বাস্থ্য উন্নত কৰাটো সহায় কৰে ৷ এনে পৰিস্থিতিত দিনৰ ভাগত শোৱাটো উপকাৰী বুলি ধৰিব পাৰি ৷

দিনৰ টোপনিয়ে আপোনাক কৰি তুলিব পাৰে স্মাৰ্ট

জনছ হপকিন্স মেডিচিনৰ মতে, দিনটোত ৩০-৯০ মিনিট টোপনি লয় সেইসকল লোকৰ স্মৃতিশক্তি অন্য লোকৰ তুলনাত বেছি হয় ৷ তেওঁলোকৰ শব্দ মনত ৰখাৰ ক্ষমতা বেছি ৷ লগতে তেওঁলোকে কথাবোৰো ভালদৰে বুজিবলৈ সক্ষম হয় ৷

টোপনিৰ উপকাৰিতা

  • হৃদৰোগৰ সম্ভাৱনা কমি যায়
  • ক্লান্তি দূৰ হয়
  • মগজু সক্ৰিয় হৈ থাকে
  • মেজাজ সতেজ হৈ পৰে

মনত ৰাখিব যে, দিনটোত বেছি সময়লৈকে শুলে এই লাভসমূহ লোকচানলৈ পৰিণত হ’ব পাৰে ৷ দিনটোত বেছি সময় শুলে উচ্চ ৰক্তচাপ, হতাশা, অষ্টিঅ’পৰ’ছিছ, ৰোগ প্ৰতিৰোধ ক্ষমতা দুৰ্বল, মেদবহুলতা, কোষ্ঠকাঠিন্য আদি সমস্যাৰ সৃষ্টি হ’ব পাৰে ৷

লগতে পঢ়ক: ফুলকবি নে ব্ৰকলি কোনবিধ আপোনাৰ স্বাস্থ্যৰ বাবে উত্তম ?

ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.