দৈনন্দিন জীৱনত কেৱল ছালৰ যত্নই নহয় Oral Hygieneকো কৰক অন্তৰ্ভুক্ত

author img

By ETV Bharat Assamese Desk

Published : Jan 30, 2024, 5:14 PM IST

Include not only skin care but also oral hygiene in self care, know its benefits.

Teeth Care: আমি গোটেই দিনটো যি খাওঁ তাৰ মলি দাঁতত আৱদ্ধ হৈ থাকে । ইয়াৰ ফলত দাঁতৰ সৈতে জড়িত সমস্যা বৃদ্ধি পাব পাৰে তেন্তে ইয়াৰ পৰা পৰিত্ৰাণৰ উপায় কি ?

চেল্ফ কেয়াৰ মানে কেৱল ফেচ মাস্ক লগোৱা আৰু ছালৰ যত্ন লোৱা নহয় ৷ বৰঞ্চ আত্ম-যত্নৰ ক্ষেত্ৰতো মুখৰ স্বাস্থ্যৰ বিশেষ যত্ন লোৱা উচিত ৷ কিন্তু বেছিভাগ মানুহেই নিজৰ যত্নত কেৱল ছালৰ যত্ন অন্তৰ্ভুক্ত কৰে আৰু মুখৰ স্বাস্থ্যক আওকাণ কৰে ৷ নিশা শুবলৈ যোৱাৰ পূৰ্বে কিয় দাঁত ব্ৰাছ কৰিব লাগে আৰু ইয়াৰ কেনেধৰণৰ উপকাৰিতা আছে জানো আহক-

মুখৰ স্বাস্থ্য আৰু আত্ম-যত্নৰ মাজৰ সংযোগ

ভালদৰে নিজক মুখৰ মালিচ দিয়াৰ পৰা আৰম্ভ কৰি ৰাতি খোজ কাঢ়িবলৈ যোৱালৈকে চেল্ফ কেয়াৰত অন্তৰ্ভুক্ত হয় ৷ ইয়াৰ লগকে আমাৰ দাঁতৰ যত্নও সমানে গুৰুত্বপূৰ্ণ ৷ পৰিষ্কাৰ আৰু চিকচিকিয়া দাঁত থাকিলে আপোনাৰ হাঁহি ধুনীয়া হোৱাই নহয়, আপোনাৰ আত্মবিশ্বাসো বৃদ্ধি পায় লগতে আপোনাৰ স্বাস্থ্যও ভালে থাকে ৷

মুখৰ স্বাস্থ্যৰ যত্ন ল’লে আপুনি দাঁতৰ ক্ষয়, মুখৰ দুৰ্গন্ধ আৰু দাঁতৰ গুৰিৰ সমস্যা আঁতৰাই ৰাখিব পাৰে ৷ এই সমস্যাসমূহৰ পৰা আঁতৰি থাকিবলৈ আমাক প্ৰতি নিশা শুবলৈ যোৱাৰ পূৰ্বে ব্ৰাছ কৰাটো খুবেই জৰুৰী ৷

ৰাতি ব্ৰাছ কৰাটো কিয় গুৰুত্বপূৰ্ণ ?

১) দাঁত ক্ষয় হোৱাৰ সম্ভাৱনা কম কৰে

দিনটোৰ ভিতৰত যি খোৱা হয় সেয়া আমাৰ দাঁতত জমা হৈ থাকে ৷ সেয়ে ৰাতি ব্ৰাছ নকৰাকৈ শুলে এই বেক্টেৰিয়াই দাঁতৰ লগতে দাঁতৰ গুড়িৰো ক্ষতি কৰে ৷ আমাৰ দাঁতবোৰ সুস্থ কৰি ৰাখিবলৈ আমি প্ৰতি নিশা শুবলৈ যোৱাৰ আগতে দাঁত ব্ৰাছ কৰিব লাগে ৷ ৰাতি দাঁত ব্ৰাছ কৰি শুলে দাঁত ক্ষয়ৰ সমস্যা ৫০ শতাংশ হ্ৰাস পাব পাৰে ৷

২) মলি জমা হোৱা কম কৰে

ৰাতি ব্ৰাছ কৰাৰ পিছত শুলে দাঁতত মলি জমা নহয়, যাৰ ফলত বেক্টেৰিয়াৰ বৃদ্ধি আৰু বিয়পি পৰাৰ সম্ভাৱনা কম হয় ৷

৩) দাঁতৰ গুৰিৰ ক্ষতিৰ পৰা ৰক্ষা কৰে

মলি আৰু বেক্টেৰিয়া জমা হোৱাৰ বাবে প্ৰায়ে দাঁতৰ আলুৰ অৱনতি ঘটিবলৈ আৰম্ভ কৰে ৷ ইয়াৰ কাৰণে বহুলোকৰ দাঁতৰ পৰা তেজ ওলাবলৈ আৰম্ভ কৰে আৰু মুখৰ দুৰ্গন্ধৰ সমস্যাও আৰম্ভ হয় ৷ এই সমস্যাসমূহৰ সৈতে মোকাবিলা কৰিবলৈ ৰাতি শুবলৈ যোৱাৰ পূৰ্বে দাঁত ব্ৰাছ কৰাটো প্ৰয়োজনীয় ৷

লগতে পঢ়ক: ছালৰ বাবে প্ৰকৃতিৰ এক অমূল্য উপহাৰ এলোভেৰা বা ছালকুঁৱৰী! এনেদৰে কৰক ব্যৱহাৰ

ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.