ICSI ৰ জৰিয়তে ৩০ বছৰ পূৰ্বে মুম্বাইত জন্ম হৈছিল প্ৰথম সন্তান, এতিয়া তেওঁ পিতৃ

author img

By ETV Bharat Assamese Desk

Published : Feb 2, 2024, 4:11 PM IST

ICSI baby turns dad at same hospital in Mumbai

Difference between IVF and ICSI: আইচিএছআই (Intra cytoplasmic Sperm Injection)ৰ জৰিয়তে ৩০ বছৰ পূৰ্বে জন্ম হৈছিল এটি সন্তান ৷ এতিয়া ৩০ বছৰৰ পিচত সেই সন্তানটো এটি সন্তানৰ পিতৃ হৈ পৰিছে । IVF আৰু ICSI ৰ মাজত কি পাৰ্থক্য আছে জানি লওক ৷

এই পৃথিৱীত যিকোনো বস্তু সম্ভৱ হ’ব পাৰে । আজি আমি আপোনাক মুম্বাইৰ এটা ঘটনাৰ বিষয়ে জনাম, যিটোৱে এই কথাষাৰ সত্য বুলি প্ৰমাণ কৰিব । এই কাহিনীটো চেম্বুৰত বাস কৰা এটা দম্পতীৰ বিষয়ে । যিয়ে ৩০ বছৰ পূৰ্বে ICSIৰ জৰিয়তে এটি সন্তান জন্ম দিছিল । এই শিশুটিৰ নাম ৰাখিছিল লভ সিং । লভ সিং হৈছে ভাৰতৰ প্ৰথম ICSI (ইণ্ট্ৰাচাইট’প্লাজমিক স্পাৰ্ম ইনজেকচন) শিশু । ‘টাইমছ অৱ ইণ্ডিয়া’ত প্ৰকাশিত বাতৰি অনুসৰি লভ সিং পেছাত এজন সম্পত্তি ব্যৱসায়ী । এতিয়া ২৮ জানুৱাৰীত তেওঁৰ পত্নীয়ে এটি পুত্ৰ সন্তান জন্ম দিছে । তেওঁৰ পুত্ৰৰ জন্ম হৈছিল পেদ্দাৰ ৰোডৰ জছলক হাস্পতালত । এইখনেই সেই চিকিৎসালয় য’ত লভ সিঙৰ জন্ম হৈছিল ।

ICSI ৰ জৰিয়তে জন্ম হোৱা প্ৰথম সন্তান লভ সিং

তেওঁলোকৰ বিশেষ চিকিৎসক ফিৰোজা পাৰিখক শ্ৰদ্ধা জনাই লভ সিং আৰু তেওঁৰ পত্নী হাৰ্লিনে লভ সিঙৰ জন্ম হোৱা চিকিৎসালয়খনতে সন্তান জন্ম দিয়াৰ সিদ্ধান্ত লয় । ভাৰতলৈ ICSI কৌশল আনি পিতৃ-মাতৃৰ চিকিৎসা কৰা চিকিৎসক আছিল ফিৰোজা পাৰিখ । চিকিৎসক পাৰিখ লভৰ জন্মদিনৰ পাৰ্টি আৰু বিয়াত অংশ লৈছিল । এই গোটেই বিষয়টোৰ কথা কওঁতে লভে ক’লে যে তেওঁৰ পত্নীয়ে স্বাভাৱিকভাৱে গৰ্ভধাৰণ কৰিছে । উল্লেখ্য যে, লভ সিং আছিল দক্ষিণ এছিয়াৰ প্ৰথম ICSI সন্তান । বৰ্তমান লভে পিতৃ হোৱাৰ আনন্দ উপভোগ কৰি আছে । আনহাতে পৰিয়ালটোত উৎসৱমুখৰ পৰিৱেশে বিৰাজ কৰিছে ।

ICSI আৰু IVF ৰ মাজত পাৰ্থক্য কি ?

ICSI- পৃথিৱীত বহুতো দম্পতী আছে যিয়ে পিতৃ-মাতৃ হোৱাৰ আনন্দৰ পৰা বঞ্চিত হ’বলগীয়া হয় । পুৰুষৰ বন্ধ্যাৰ বাবে মানুহৰ মাজত ব্যৱহাৰ কৰা আটাইতকৈ সাধাৰণ চিকিৎসা হ’ল আইচিএছআই (Intracytoplasmic Sperm Injection)।

যি দম্পতীৰ আইভিএফ চিকিৎসা বিফল হয় তেওঁলোকক ICSI দিয়া হয় ।

পুৰুষৰ শুক্ৰাণুৰ সংখ্যা আইচিএছআইৰ জৰিয়তে বৃদ্ধি পায় ।

আইভিএফ চিকিৎসা কৰা মহিলাসকলৰো আইচিএছআইৰ জৰিয়তে চিকিৎসা কৰা হয় ।

IVF- IVF হৈছে এনে এক চিকিৎসা কৌশল যাৰ সহায়ত বন্ধ্যা দম্পতীয়ে সন্তান জন্ম দিব পাৰে । ইয়াত মহিলাৰ ডিম্ব আৰু পুৰুষৰ শুক্ৰাণু শৰীৰৰ পৰা উলিয়াই দিয়া হয় । এইবোৰ পৰীক্ষাগাৰত মিহলাই ভ্ৰূণ প্ৰস্তুত কৰা হয় । ইয়াৰ পিচত এই ভ্ৰূণ মহিলাগৰাকীৰ জৰায়ুত সংস্থাপন কৰা হয় । আইভিএফৰ সফলতাৰ হাৰ ভাল আৰু ইয়াৰ সহায়ত বহু বন্ধ্যা দম্পতী পিতৃ-মাতৃ হোৱাৰ সৌভাগ্য লাভ কৰে । আইভিএফ অৰ্থাৎ ইন ভিট্ৰ’ ফাৰ্টিলাইজেশ্যন হৈছে এক অতি সফল প্ৰজনন কৌশল যাৰ জৰিয়তে বহু দম্পতীয়ে গৰ্ভাৱস্থাৰ সফলতা লাভ কৰিছে । আইভিএফ চক্ৰ আৰম্ভ কৰাৰ পৰা গৰ্ভাৱস্থাৰ পৰীক্ষা পজিটিভ হোৱালৈকে সাধাৰণতে ৪ৰ পৰা ৬ সপ্তাহৰ সময় লাগে ।

আইভিএফৰ খৰচ চিকিৎসালয়, চহৰ আৰু চিকিৎসাৰ ধৰণৰ ওপৰত নিৰ্ভৰ কৰে । সাধাৰণতে ভাৰতত আইভিএফ কৰাৰ খৰচ ১.৫ লাখৰ পৰা ২ লাখ টকাৰ ভিতৰত হয় । কিন্তু যদি কেইবাবাৰো চেষ্টা কৰিবলগীয়া হয় তেন্তে এই খৰচ ২-৫ লাখ টকালৈ বৃদ্ধি পাব পাৰে । মহিলাৰ বয়স - ৩০ৰ পৰা ৩৫ বছৰ আইভিএফৰ বাবে সৰ্বাধিক উপযোগী বুলি গণ্য কৰা হয় কাৰণ এই বয়সত ডিম্বৰ গুণগত মান উন্নত হয় । পুৰুষৰ বয়স - পুৰুষৰ ৪০-৪৫ বছৰ বয়স IVFৰ বাবে উপযোগী কাৰণ এই বয়সলৈকে শুক্ৰাণুৰ মানদণ্ড ভাল হৈ থাকে । ঋতুস্ৰাৱৰ সঠিক সময় - আইভিএফ প্ৰক্ৰিয়াৰ বাবে আটাইতকৈ উপযুক্ত সময় হ’ল ঋতুস্ৰাৱৰ দশম দিনৰ পৰা ২০ দিনৰ ভিতৰত ।

লগতে পঢ়ক: ছাৰ্ভাইকেল কেন্সাৰে প্ৰাণ কাঢ়িলে পুনম পাণ্ডেৰ

ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.