পানী খোৱাটো স্বাস্থ্যৰ বাবে অতি উত্তম, কিন্তু লেতেৰা বটলত পানী খালে আপুনি বিভিন্ন ৰোগত ভুগিব পাৰে ৷ সততে মানুহে পানী জমা কৰিবলৈ প্লাষ্টিক আৰু ষ্টীলৰ বটল ব্যৱহাৰ কৰে কিন্তু ইয়াক সময়ে সময়ে পৰিষ্কাৰ কৰাটো অতি কঠিন ৷ কিন্তু আপুনি জানেনে যে ইয়াক যদি ভালদৰে পৰিষ্কাৰ কৰা নহয় তেন্তে ইয়াত লুকাই থকা বীজাণুৱে আপোনাক কিমান অসুস্থ কৰি তুলিব পাৰে ৷ এনে পৰিস্থিতিত আমি আপোনাক কিছুমান স্মাৰ্ট টিপছ আৰু ট্ৰিক্স ক’বলৈ ওলাইছো, যাৰ সহায়ত আপুনি পানীৰ বটল সহজে পৰিষ্কাৰ কৰিব পাৰিব ৷
গৰম পানী আৰু বেকিং চোডা
পানীৰ বটল ভালদৰে পৰিষ্কাৰ নকৰিলে আঠাযুক্ত হৈ পৰে ৷ ইয়াক পৰিষ্কাৰ কৰিবলৈ গৰম পানী আৰু বেকিং চোডা ব্যৱহাৰ কৰিব পাৰে ৷ ইয়াৰ বাবে এটা ডাঙৰ পাত্ৰত গৰম পানী লওক ৷ তাত নিমখ আৰু বেকিং চোডা দিয়ক ৷ দ্ৰৱটো ভালদৰে বিট কৰি পানীৰ বটলবোৰ এই পানীত ১০ মিনিট ডুবাই ৰাখিব ৷ তাৰ পিছত চাফা কৰা স্ক্ৰাবেৰে ঘঁহি মলি পৰিষ্কাৰ কৰক ৷
ভিনেগাৰ আৰু পানী
বটলৰ পৰা জেদী দাগ আঁতৰাবলৈ ভিনেগাৰ ব্যৱহাৰ কৰিব পাৰে ৷ ইয়াৰ বাবে এটা বাটিত গৰম পানী লৈ তাত ভিনেগাৰ দিব ৷ এই পাতল দ্ৰৱটো বটল আৰু কেপবোৰত লগাই ১৫-২০ মিনিট ৰাখিব, তাৰ পিছত পৰিষ্কাৰ পানীৰে ভালদৰে ধুই কিছু সময় ৰাখি শুকুৱাই ল’ব ৷
বেকিং চোডা আৰু নেমুৰ ৰস
এটা বাটিত বেকিং চোডা আৰু নেমুৰ ৰস সমান পৰিমাণে লওক ৷ এতিয়া তাত গৰম পানী দিব ৷ এই দ্ৰব্যত বটল কেইটা কিছু সময় তিয়াই থওক ৷ তাৰ পিছত ভালদৰে পৰিষ্কাৰ কৰি লওক ৷ বটলবোৰ ধুই পৰিষ্কাৰ কৰি ব্যৱহাৰ কৰাৰ পূৰ্বে শুকুৱাবলৈ দিব ৷
নেমু আৰু নিমৰ পানী
ইয়াৰ বাবে এটা ডাঙৰ পাত্ৰত পানী লওক ৷ তাত পৰিষ্কাৰ নিমপাত আৰু নেমুৰ টুকুৰা দিব, এই মিশ্ৰণটো ভালদৰে উতলাই লওক ৷ এতিয়া জুইখিনি বন্ধ কৰি এই পানীত কাঁচ আৰু ষ্টীলৰ বটল ২০ মিনিট মান সময় ৰাখিব ৷ ইয়াৰ পিছত বটলবোৰ চাবোন ব্যৱহাৰ কৰি ধুব৷ ইয়াৰ দ্বাৰা বীজাণু দূৰ হয় ৷
পেষ্টেৰে পৰিষ্কাৰ কৰক
বটলত জমা হোৱা মলি পৰিষ্কাৰ কৰাটো অতি কঠিন কাম ৷ ইয়াৰ বাবে ভিনেগাৰ, বেকিং চোডা, নেমুৰ ৰস আৰু নিমখৰ পেষ্ট প্ৰস্তুত কৰক ৷ বটলত লগাওক, ১৫ মিনিটমান পিছত ডিচ ৱাছেৰে পৰিষ্কাৰ কৰক ৷ বটলটো শুকোৱাৰ পিছতহে ব্যৱহাৰ কৰিব ৷
লগতে পঢ়ক: ঠাণ্ডাৰ দিনতো হৃদযন্ত্ৰক সুস্থ কৰি ৰখাৰ ৬টা সহজ পদ্ধতি
