দেশজুৰি যিমানেই তাপমাত্ৰা বৃদ্ধি হৈছে সিমানেই এগৰাকী লোক স্বাস্থ্যৱান আৰু ফিট হৈ থকাটো প্ৰত্যাহ্বানজনক হৈ পৰিছে । উৎকট গৰমৰ ফলত বহু লোক হিটষ্ট্ৰোকত আক্ৰান্ত হৈছে ৷ এই গৰমৰ পৰা পৰিত্ৰাণ পোৱাৰ লগতে নিজকে নিৰোগী ৰাখিবলৈ খোৱা-বোৱাত গুৰুত্ব দিয়াটো অত্যন্ত প্ৰয়োজনীয় ৷
আমলখি আমাৰ সকলোৰে পৰিচিত এবিধ ঔষধিযুক্ত ফল ৷ এই ফলবিধক ভাৰতীয় গুজবেৰী বুলিও জনা যায় ৷ গ্ৰীষ্মকালত এই আমলখিয়ে আপোনাৰ শৰীৰটোক নিৰোগী কৰাৰ লগতে ওজন হ্ৰাস কৰাটো সহায় কৰিব ৷ ভিটামিন চি আৰু বিভিন্ন এণ্টিঅক্সিডেণ্টেৰে সমৃদ্ধ আমলখিয়ে ৰোগ প্ৰতিৰোধ ক্ষমতা বৃদ্ধি কৰে ৷ সেয়েহে গ্ৰীষ্মকালীন আহাৰত এই ছুপাৰফুড আমলখি আপোনাৰ খাদ্যত অন্তৰ্ভুক্ত কৰক ৷
আমলখিৰে প্ৰস্তুত কৰিব পৰা 5 বিধ বিশেষ ব্যঞ্জন:
আমলখিৰ স্মুথি:
হাইড্ৰেটিং আৰু ডিটক্সিফাইং স্মুথিৰ বাবে সতেজ আমলখি, পালেং শাক, তিয়ঁহ আৰু অলপ নাৰিকল পানী একেলগে মিহলি কৰক। এই সেউজীয়া স্মুথিটো কেৱল সুস্বাদু নহয় ই পুষ্টিকৰ ৷ ই আপোনাৰ ভোকৰ বঢ়োৱাৰ লগতে আপোনাৰ শৰীৰটোক সতেজ কৰি ৰাখিব ।
মচলাযুক্ত আমলখিৰ ছালাড:
ই এক সুস্বাদু গ্ৰীষ্মকালীন ছালাড ৷ এই ছালাডৰ বাবে তিয়ঁহ, বিলাহী, পিঁয়াজ আৰু চাট মচলাৰ সৈতে আমলখি মিহলি কৰক ৷ ই হজম বৃদ্ধি কৰাত সহায় কৰে ।
পানীত আমলখি মিহলি কৰি খাওঁক:
সতেজ আমলখি টুকুৰা কৰক আৰু ইয়াক পদিনা পাতৰ সৈতে ঠাণ্ডা পানীৰ এটা জগত ৰাখক । ইয়াক কেইঘণ্টামানৰ বাবে ৰেফ্ৰিজেৰেটৰত থৈ দিয়ক ৷ এই পানীয়ই আপোনাৰ পিয়াহ দূৰ কৰাৰ লগতে ওজন হ্ৰাস কৰাতো সহায় কৰে ৷
আমলখিৰ চৰবত:
মৌ আৰু নেমুৰ ৰসৰ সৈতে আমলখি মিহলি কৰি চৰবত তৈয়াৰ কৰক ৷ এই চৰবতে আপোনাৰ মিঠা খাদ্য খোৱাত নিয়ন্ত্ৰণ কৰে। এই চৰবতে কেৱল সতেজতাই নহয়, সামগ্ৰিক স্বাস্থ্যৰ বাবে পুষ্টিৰে পৰিপূৰ্ণ ।
আমলখি চিয়া পুডিং:
এক পুষ্টিকৰ আৰু ভৰ্তি পুডিং প্ৰস্তুত কৰিবলৈ তিয়াই থোৱা চিয়া ছীডৰ লগত আমলখি, গাখীৰ আৰু সামান্য পৰিমাণৰ ভেনিলা এক্সট্ৰেক্ট মিহলি কৰক ৷ ই গ্ৰীষ্মকালত আপোনাৰ বাবে সুস্বাদু আৰু স্বাস্থ্যকৰ জলপান হ'ব । প্ৰ'টিন সমৃদ্ধ চিয়া ছীড আৰু ভিটামিন সমৃদ্ধ আমলখিৰ সংমিশ্ৰণে আপোনাক গোটেই দিনটো উদ্যমী কৰি ৰাখিব ।
লগতে পঢ়ক: আপোনাৰ শৰীৰত এইকেইটা লক্ষণে দেখা দিছে যদি পৰ্যাপ্ত পানী খাওঁক - Symptoms Of Dehydration
