পুত্ৰ অকায়ৰ জন্মৰ পিছত প্ৰথমবাৰৰ বাবে দেখা গ’ল বিৰাট কোহলীক, লণ্ডনৰ পৰা আহিল বিৰাটৰ ফটো

author img

By ETV Bharat Assamese Team

Published : Feb 21, 2024, 2:25 PM IST

Virat Kohli Spotted in London after welcoming son Akaay with Anushka Sharma, see viral pic

Virat Kohli Spotted in London: অনুষ্কা শৰ্মা আৰু বিৰাট কোহলীয়ে শেহতীয়াকৈ পুত্ৰ অকায়ক আদৰণি জনাইছিল, তাৰ পিছত বিৰাট কোহলীক লণ্ডনত দেখা গৈছিল । ছচিয়েল মিডিয়াত ভাইৰেল হৈছে তেওঁৰ ছবি ।

বিৰাট কোহলী আৰু অনুষ্কা শৰ্মা চলিত মাহৰ ১৫ তাৰিখে এটি মৰমলগা সন্তানৰ পিতৃ-মাতৃ হৈ পৰিছে । দম্পতীটোৰ ঘৰলৈ আহিছে এজন ৰাজকুমাৰ, যাৰ নাম অকায় কোহলী ৰখা হৈছে । অৱশ্যে নিজৰ গোপনীয়তা অক্ষুণ্ণ ৰাখি তেওঁ এই ঘোষণা পলমকৈ কৰে । জুনিয়ৰ কোহলীৰ আগমনৰ খবৰ পোৱাৰ কিছু সময়ৰ পিচতে এটা ফেন পেজে শ্বেয়াৰ কৰিলে লণ্ডনৰ ৰাজপথত ঘূৰি ফুৰা ভাৰতীয় ক্ৰিকেটাৰগৰাকীৰ ছবি ।

ছবিখনত আমি দেখিবলৈ পোৱা গৈছে যে ভাৰতীয় ক্ৰিকেটাৰগৰাকীয়ে সন্ধিয়া শেষৰ ফালে লণ্ডনৰ ৰাজপথত ঘূৰি ফুৰিছে । এইবাৰ দম্পতীয়ে সন্তান জন্মৰ বাবে মুম্বাইক বাছি লোৱা নাছিল আৰু প্ৰসৱৰ কিছু সময়ৰ পূৰ্বে দুয়ো পৰিয়ালটোৰ সৈতে লণ্ডনলৈ স্থানান্তৰিত হোৱা বুলি খবৰ ওলাইছে । আপোনালোকক জনাই দিও যে, প্ৰসৱৰ বাবে লণ্ডন বাছি লোৱাৰ আঁৰত এটা বিশেষ কাৰণ আছে । এই দম্পতীটোৰ প্ৰিয় গন্তব্যস্থান আৰু লগতে কোৱা হয় যে বিৰাটে লণ্ডনৰ এটা আড়ম্বৰপূৰ্ণ অঞ্চলত এটা এপাৰ্টমেণ্ট লৈছে ।

সূত্ৰৰ পৰা জানিব পৰা মতে, এইবাৰ দম্পতীটোৱে নিজৰ গৰ্ভাৱস্থা আৰু এই পৰ্যায়টো সম্পূৰ্ণৰূপে ব্যক্তিগতভাৱে ৰাখিব বিচাৰিছিল । কাৰণ বামিকাৰ জন্মৰ সময়ত দম্পতীটোৱে য’তেই গৈছিল, পাপাৰাজীয়ে তেওঁলোকৰ পিছে পিছে যাবলৈ আৰম্ভ কৰিছিল ।

লণ্ডন হৈছে দম্পতীটোৰ প্ৰিয় গন্তব্যস্থান

বিৰাট কোহলী আৰু অনুষ্কা শৰ্মাই যেতিয়াই সময় পায়, দুয়োজনে নিশ্চিতভাৱে লণ্ডনলৈ যায় । দম্পতীটোৰ অন্যতম প্ৰিয় গন্তব্য চহৰ হ’ল লণ্ডন । কোৱা হয় যে, দুয়োজনে এই বিশেষ মুহূৰ্তটো পৰিয়ালৰ সৈতে কটাব বিচাৰিছে ।

ইফালে, এতিয়া মানুহে জানিব বিচাৰে যে তেওঁলোকে নিজৰ পুত্ৰৰ নাম কিয় অকায় ৰাখিছে আৰু আকাইৰ অৰ্থ কি ?

জনাই দিও যে, বিৰাট আৰু অনুষ্কাই ইয়াৰ পূৰ্বে নিজৰ কন্যা এক অসাধাৰণ নাম ‘বামিকা’ ৰাখিছিল । একে সময়তে এতিয়া পুত্ৰৰ নাম ‘অকায়’ ৰখাৰ পিচতে এতিয়া সকলোৱে ভাবিবলৈ বাধ্য হৈছে এই নামটোৰ অৰ্থ কি ।

অকায়ৰ অৰ্থ

সহজ ভাষাত ক’বলৈ গ’লে অকায়ৰ অৰ্থ ‘নিৰাকাৰ’। শৰীৰ বা শৰীৰহীন, কায়া-ৰহতি, বা শৰীৰহীন । অকায় মানে যাৰ শৰীৰ নাই অৰ্থাৎ অজন্ম বা আকৃতি আৰু ৰূপহীন – নিৰাকাৰ বুলি কোৱা হয় । আপোনালোকক জনাই দিও যে, ভগৱান শিৱক নিৰাকাৰ বুলি কোৱা হয় । অৰ্থাৎ ভগৱান শিৱৰ নামেৰে অকায়ৰ নামকৰণ কৰা হৈছে । অৱশ্যে বিৰাট আৰু অনুষ্কাই অকায় নাম দিয়াৰ কাৰণ কি সেয়া এতিয়াও নিশ্চিত হোৱা নাই ।

জনাই দিও যে, ২০১৭ চনত বিৰাট আৰু অনুষ্কা বিবাহপাশত আবদ্ধ হৈছিল । একে সময়তে বিবাহৰ পিছত ২০২১ চনত কন্যা বামিকাৰ জন্ম হয় । আনহাতে, পুত্ৰ অকাইৰ জন্ম হয় ২০২৪ চনত ।

লগতে পঢ়ক: বিৰাট-অনুষ্কাৰ জীৱনলৈ পুত্ৰ অকায়ৰ আগমন; ৰণবীৰ সিঙৰ পৰা শচীন টেণ্ডুলকাৰলৈকে জনালে অভিনন্দন

ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.