তিনিটাকৈ গ্ৰেমী বঁটা লাভ কৰাৰ পিচতেই গ্ৰেপ্তাৰ কিলাৰ মাইক

author img

By ETV Bharat Assamese Desk

Published : Feb 5, 2024, 2:24 PM IST

Updated : Feb 5, 2024, 6:15 PM IST

Rapper Killer Mike Arrested after Winning 3 Awards at the Grammys 2024

Killer Mike: বিতৰ্ক নোহোৱাকৈ জানো বঁটা বিতৰণী অনুষ্ঠান সম্পূৰ্ণ হ’ব পাৰে ? গ্ৰেমী বঁটা প্ৰদান অনুষ্ঠানত তিনিটা বঁটা লাভ কৰাৰ পিচত দেওবাৰে জিম্মাত লোৱা হয় ৰেপাৰ কিলাৰ মাইকক ।

চিটাৰা ডেস্ক, ৫ ফেব্ৰুৱাৰী: দেওবাৰে সংগীতৰ ক্ষেত্ৰত তিনিটা ডাঙৰ সন্মান লাভ কৰে ৰেপাৰ কিলাৰ মাইকে । বিশ বছৰৰ ভিতৰত প্ৰথমটো গ্ৰেমী বঁটাকে ধৰি তিনিটা গ্ৰেমী বঁটা লাভ কৰে ৰেপাৰগৰাকীয়ে । কিন্তু বঁটা লাভ কৰাৰ লগে লগে দেওবাৰে নিশা আৰক্ষীয়ে জিম্মাত লয় ৰেপাৰগৰাকীক । এই খবৰ নিশ্চিত কৰিছে আৰক্ষীৰ মুখপাত্ৰই ।

জিম্মাত কিলাৰ মাইক

একেৰাহে তিনিটা গ্ৰেমী বঁটা লাভ কৰাৰ পিচত ৰেপাৰ কিলাৰ মাইকক ক্ৰিপ্টো ডট কম এৰিনাত লছ এঞ্জেলছ আৰক্ষীয়ে জিম্মাত লৈ যায় । এই সন্দৰ্ভত এতিয়াও লছ এঞ্জেলছ আৰক্ষীয়ে কোনো আনুষ্ঠানিক বিবৃতি প্ৰকাশ কৰা নাই । অৱশ্যে আৰক্ষীয়ে তেওঁক জিম্মাত লোৱা বুলি নিশ্চিত কৰিছে । কিলাৰ মাইকৰ দলে এতিয়ালৈকে কোনো প্ৰতিক্ৰিয়া প্ৰকাশ কৰা নাই । সংবাদ মাধ্যমৰ বাতৰি অনুসৰি কিলাৰ মাইকক ধৰ্ষণৰ গোচৰত আটক কৰা হৈছে ।

তিনিটা বঁটা লাভ কৰে

ছ’চিয়েল মিডিয়াত প্ৰকাশ কৰা ভিডিঅ’টোত দেখা গৈছে যে আৰক্ষীয়ে লছ এঞ্জেলছৰ ক্ৰিপ্টো ডট কম এৰিনাৰ পৰা কিলাৰ মাইকক লৈ গৈছে । পিচফালে হাত দুখন বান্ধি থোৱা আছে কিলাৰৰ । এইখিনিতে এটা কথা উল্লেখ কৰিব লাগিব যে মানুহৰ ভাগ্য কেতিয়া আৰু কোন সময়ত সলনি হয় সেয়া কোনেও ক’ব নোৱাৰে ৷ দেওবাৰে ৰেপাৰগৰাকীয়ে শ্ৰেষ্ঠ ৰেপ প্ৰদৰ্শন, ৰেপ গীত আৰু ৰেপ এলবামৰ বঁটা লাভ কৰে আৰু আজি আৰক্ষীৰ জিম্মাত থাকিবলগীয়া হৈছে ।

উল্লেখ্য যে প্ৰথম বঁটা ‘চাইঞ্চ এণ্ড ইঞ্জিনিয়াৰ’ৰ বাবে শ্ৰেষ্ঠ ৰেপ অভিনয়ৰ বঁটা লাভ কৰিছিল, যিয়ে শ্ৰেষ্ঠ ৰেপ গীতো লাভ কৰিছিল আৰু তেওঁৰ শ্ৰেষ্ঠ ৰেপ এলবাম আছিল ‘মাইকেল’ । ২০০৩ চনত ‘দ্য হোল ৱৰ্ল্ড’ৰ বাবে মাইকে শেষবাৰৰ বাবে গ্ৰেমী লাভ কৰিছিল ।

বঁটা লাভ কৰি সুখী হৈছিল

বঁটা লাভ কৰাৰ উপলক্ষে কিলাৰ মাইকে কৈছিল, ‘‘কেৱল এটা বস্তু, যিয়ে আপোনাৰ বয়স সীমিত কৰে, সেইটো হৈছে আপোনাৰ বয়স বা আপুনি কি কৰি আছে, সেই বিষয়ে অনুগত নোহোৱা ।’’ ৰেপাৰগৰাকীয়ে লগতে কৈছিল, ‘‘২০ বছৰ বয়সত মই ভাবিছিলো যে ড্ৰাগছ ব্যৱসায়ী হোৱাটো ভাল হ’ব । ৪০ বছৰ বয়সত মই অনুশোচনা আৰু কৰা কামবোৰৰ সৈতে জীয়াই থাকিবলৈ আৰম্ভ কৰিলোঁ । ৪৫ বছৰ বয়সত মই এই বিষয়ে ৰেপিং কৰিবলৈ আৰম্ভ কৰিলোঁ । ৪৮ বছৰ বয়সত মই গৌৰৱান্বিত এজন মানুহ হিচাপে ইয়াত থিয় দিছো ।’’

লগতে পঢ়ক: পুনম পাণ্ডেৰ বিৰুদ্ধে ক্ষোভ চেলিব্ৰিটিৰ, ক’লে- সস্তীয়াৰ প্ৰচাৰৰো সীমা থাকে

Last Updated :Feb 5, 2024, 6:15 PM IST
ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.