হেমা মালিনী-ছাইৰা বানুৱে বৈজয়ন্তী মালাক জনালে অভিনন্দন

author img

By ETV Bharat Assamese Desk

Published : Jan 26, 2024, 1:49 PM IST

Padma Vibhushan 2024: Saira Banu and Hema Malini congratulates Vyjayanthimala

Padma Vibhushan 2024: ভাৰত চৰকাৰে ঘোষণা কৰিলে পদ্ম বিভূষণ বঁটা ২০২৪ । এইবাৰ পদ্ম বিভূষণ বঁটাৰে সন্মানিত কৰা হ’ব বৈজয়ন্তী মালা আৰু চিৰঞ্জীৱীক । ইফালে ছাইৰা বানু আৰু হেমা মালিনীয়ে প্ৰবীণ অভিনেত্ৰীগৰাকীক জনালে অভিনন্দন ৷

চিটাৰা ডেস্ক, 26 জানুৱাৰী: ভাৰত চৰকাৰে বৃহস্পতিবাৰে ঘোষণা কৰিছে পদ্ম বঁটা । মনোৰঞ্জন জগতত বৈজয়ন্তী মালা আৰু চিৰঞ্জীৱীক পদ্ম বিভূষণেৰে সন্মানিত কৰা হ’ব । একে সময়তে পদ্মভূষণৰ বাবে নিৰ্বাচিত হৈছে মিথুন চক্ৰৱৰ্তী, প্ৰয়াত দক্ষিণৰ অভিনেতা বিজয়কান্ত, সংগীত পৰিচালক প্যাৰে লাল শৰ্মা আৰু প্লেবেক গায়িকা উষা উথুপ ।

এতিয়া এক সাক্ষাৎকাৰত ছাইৰা বানুৱে প্ৰবীণ অভিনেত্ৰীগৰাকীক ২০২৪ চনৰ পদ্ম বিভূষণ বঁটাৰে সন্মানিত হোৱাৰ বাবে অভিনন্দন জনাইছে । বৈজয়ন্তী মালাক সঁচা অৰ্থত এই সন্মানৰ যোগ্য বুলি অভিহিত কৰিছে ছাইৰা বানুৱে ।

বৈজয়ন্তী মালাৰ বাবে সুখী ছাইৰা বানু

শেহতীয়াকৈ এক সংবাদ মাধ্যমত দিয়া সাক্ষাৎকাৰত ছাইৰা বানুৱে কয়, ‘‘ইয়াক লৈ মই বহুত সুখী । সঁচাকৈয়ে তেওঁ যোগ্য । মই তেওঁৰ চিনেমা চাই ডাঙৰ হৈছো আৰু তেওঁ মোৰ বাবে ‘আক্কা’ (ডাঙৰ বায়েক)’’ ।

ইফালে হেমা মালিনীয়েও প্ৰবীণ অভিনেত্ৰীগৰাকীৰ সৈতে ছবি শ্বেয়াৰ কৰি অভিনন্দন জ্ঞাপন কৰিছে । হেমা মালিনীয়ে বৈজয়ন্তী মালাৰ সৈতে তেওঁৰ বহুকেইখন ছবি ছ’চিয়েল মিডিয়া হেণ্ডেল এক্সত শ্বেয়াৰ কৰিছে । এই ফটোসমূহত তেওঁক দেখা গৈছে প্ৰবীণ অভিনেত্ৰীগৰাকীৰ লগতে তেওঁৰ পৰিয়ালৰ সৈতে । ইয়াৰ সমান্তৰালকৈ তেওঁ কেপচনত এটা টোকাও লিখিছে । হেমা মালিনীয়ে লিখিছে, ‘‘মোৰ জীৱনৰ আটাইতকৈ স্মৰণীয় দিন - কালি বৈজয়ন্তী মালা আৰু তেওঁৰ মৰমলগা পৰিয়ালক চেন্নাইত থকা তেওঁলোকৰ বাসগৃহত লগ পাইছিলো’’ ।

  • Most memorable day of my life - My meeting my role model, the icon Vyjayanthimala along with her lovely family at her Chennai residence yesterday. She is so full of life, still so full of dance in her. She talks dance, lives dance and has a glow and aura around her. I was in as… pic.twitter.com/NeBZv3AH36

    — Hema Malini (@dreamgirlhema) January 26, 2024 " class="align-text-top noRightClick twitterSection" data=" ">

তেওঁ লগতে লিখিছে, ‘‘তেওঁ নৃত্যৰে কথা কয় ৷ নৃত্যৰ সৈতে জীয়াই । চলচ্চিত্ৰত তেওঁৰ কাৰ্যকাল আৰু উদ্যোগটোত তেওঁৰ অভিজ্ঞতাৰ বিষয়ে পুৰণি আলোচনা কৰিছিলো । তেওঁৰ পৰা বহুত শিকিবলগীয়া আছে । এই মৰমলগা মহিলাগৰাকীৰ পৰা ইমান মৰম পোৱাটো মোৰ বাবে এটা বিশেষ মুহূৰ্ত আছিল । ভিতৰৰ পৰা আৰু বাহিৰৰ পৰাও আপুনি সঁচাকৈয়ে ধুনীয়া’’ ।

১৬ বছৰ বয়সৰ পৰাই অভিনয় আৰম্ভ কৰিছিল

ভাৰতীয় চিনেমাৰ অন্যতম শ্ৰেষ্ঠ অভিনেত্ৰী হৈছে বৈজয়ন্তী মালা । ১৬ বছৰ বয়সত তামিল ছবি বাঝাকাই (১৯৪৯)ৰ জৰিয়তে অভিনয় জগতত আত্মপ্ৰকাশ কৰিছিল । ১৯৫১ চনত মুক্তি পাইছিল তেওঁৰ প্ৰথম হিন্দী ছবি বাহাৰ । পৰৱর্তী সময়ত তেওঁ দেৱদাস, নয়া দৌৰ, আশা, সাধনা, গুংগা জামনা, সংগম, জুৱেল থিফকে ধৰি কেইবাখনো ছবিতো অভিনয় কৰিছিল । উল্লেখ্য যে, ১৯৬৮ চনত তেওঁ পদ্মশ্ৰী বঁটাও লাভ কৰিছিল ।

লগতে পঢ়ক : অস্কাৰৰ বঁটাৰ লগতে এগৰাকী বিজয়ীয়ে লগতে আৰু কি কি পায় ?

ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.