চিটাৰা ডেস্ক, ২৫ জানুৱাৰী: বলীউডৰ অন্যতম প্ৰতিভাৱান অভিনেতা ছানী দেওল । কেইবাবছৰৰ ব্যৱধানৰ অন্তত ২০২৩ চনত ‘গদৰ ২’ৰ জৰিয়তে পুনৰ ডাঙৰ পৰ্দালৈ ঘূৰি আহিছিল ছানী দেওল আৰু ছবিখন ব্লকবাষ্টাৰ হৈছিল । ব্লকবাষ্টাৰ ছবি ‘গদৰ ২’ৰ পিচত ছানী দেওলে লাভ কৰিছে বহু ডাঙৰ ডাঙৰ ছবিৰ অফাৰ ৷
শেহতীয়াকৈ অভিনেতাগৰাকীক ‘ছাফৰ’ ছবিখনৰ শ্বুটিং কৰা দেখা গৈছিল । ইয়াৰ লগতে অভিনেতাগৰাকীৰ আন এখন আটাইতকৈ প্ৰত্যাশিত ছবি ‘লাহোৰ: ১৯৪৭’ৰ শ্বুটিং অতি সোনকালেই আৰম্ভ কৰিব পাৰে ৷ এই ছবিখনৰ সহ-প্ৰযোজক হ’ব আমিৰ খান প্ৰডাকশ্যন ।
এতিয়া খবৰ আহিছে যে লাহোৰ: ১৯৪৭ ছবিখনৰ জৰিয়তে বলীউডৰ এগৰাকী সুন্দৰী অভিনেত্ৰী পুনৰ ছবিজগতলৈ কামবেক কৰিব । সংবাদ মাধ্যমৰ প্ৰতিবেদন অনুসৰি যোৱা ২৪ জানুৱাৰীত প্ৰীতি জিন্টাক মুম্বাইৰ এটা ষ্টুডিঅ’ৰ পৰা ওলাই অহা দেখা গৈছিল, য’ত তেওঁ লুক টেষ্টৰ বাবে গৈছিল ।
এক সূত্ৰৰ পৰা পোৱা তথ্য লাভ অনুসৰি, অভিনেত্ৰীগৰাকীয়ে ছানী দেওলৰ আগন্তুক ছবি লাহোৰ: ১৯৪৭ৰ বাবে লুক টেষ্ট দিছিল । এই ছবিখনৰ জৰিয়তে অভিনেত্ৰীগৰাকীয়ে ৰূপালী পৰ্দাত কামবেক কৰিব বুলিও বহু সংবাদ মাধ্যমত প্ৰকাশ পাইছে ।
ছানী আৰু প্ৰীতিৰ যুটি বহু ছবিত দেখা গৈছিল
উল্লেখ্য যে, প্ৰীতি জিন্টা আৰু ছানী দেওলৰ যুটি ইতিমধ্যে বহু ছবিত দেখা গৈছে । দুয়োগৰাকীয়ে একেলগে ‘হিৰো: লাভ ষ্ট’ৰী অৱ এ স্পাই’, ‘ফাৰ্জ’ আৰু ‘ভাইয়াজী ছুপাৰহিট’ৰ দৰে বহু ছবিত কাম কৰিছে । যোৱা বছৰ গদৰ ২ৰ সৈতে ছানি দেওলে এক সুন্দৰ প্ৰত্যাৱৰ্তন কৰিছিল । ছবিখনে বক্স অফিচত লাভ কৰিছিল ব্যাপক সফলতা । ফলত আমিৰ খানে তেওঁক ‘লাহোৰ ১৯৪৭’ ছবিখনৰ প্ৰস্তাৱ আগবঢ়ায় ।
লাহোৰ : ১৯৪৭ ৰ কেতিয়া মুক্তি পাব ?
প্ৰতিবেদন অনুসৰি, “লাহোৰ: ১৯৪৭ ৰাজকুমাৰ সন্তোষীয়ে লিখা এখন পক্ষপাতমূলক নাটক য’ত ছানী দেওলক মুখ্য চৰিত্ৰত দেখা যাব । ২০২৪ চনৰ ১২ ফেব্ৰুৱাৰীত মুক্তি পাব ছবিখন ।
লগতে পঢ়ক : মুক্তিৰ দিনা কিমান কোটি টকা উপাৰ্জন কৰিব ফাইটাৰে ? সবিশেষ জানি লওক
