চিটাৰা ডেস্ক, ২৪ জানুৱাৰী: দীপিকা পাডুকন আৰু হৃত্বিক ৰোশন অভিনীত ছবি ‘ফাইটাৰ’ মুক্তিৰ অতি ওচৰ চাপিছে । অৱশ্যে মুক্তিৰ পূৰ্বেই ছবিখনে দৰ্শকৰ পৰা ভাল সঁহাৰি লাভ কৰিছে । অগ্ৰিম বুকিঙৰ ক্ষেত্ৰতো ছবিখনে অভিলেখ ভংগ কৰি আছে । ইফালে চেন্সৰ ব’ৰ্ডেও ছবিখনৰ কিছুমান দৃশ্যত আপত্তি দৰ্শাইছে আৰু সেইসমূহ দৃশ্য কাটিবলৈ নিৰ্দেশ দিছে । কিন্তু ছবিখনৰ ট্ৰেইলাৰে লাভ কৰা প্ৰশংসাৰ মাজতে ছবিখনৰ নিৰ্মাতাই ডাঙৰ বিপদৰ সন্মুখীন হৈছে। সংযুক্ত আৰব গণৰাজ্য (ইউ এ ই)ৰ বাহিৰে উপসাগৰীয় সকলো দেশতে এই ছবিখন নিষিদ্ধ কৰা হৈছে । গতিকে জানো আহক নিষিদ্ধ কৰাৰ কাৰণ কি ৷
আচলতে The Gulf Cooperation Council ত বাহৰেইন, কুৱেইট, কাটাৰ, চৌদি আৰব, ওমান আৰু সংযুক্ত আৰব গণৰাজ্য দৰে দেশ অন্তৰ্ভুক্ত আছে । এনে বহু দেশত বলীউডৰ চিনেমা বহুত ভাল পায় । কিন্তু, হৃত্বিক আৰু দীপিকাৰ ফাইটাৰ মুক্তিৰ বাবে নিৰ্মাতাই লোকচানৰ সন্মুখীন হ’বলগীয়া হ’ব পাৰে । সংবাদ মাধ্যমৰ প্ৰতিবেদন অনুসৰি উপসাগৰীয় দেশত মুক্তি লাভ নকৰে ছবিখন । এই খবৰটো নিৰ্মাতাসকলৰ বাবে নিশ্চিতভাৱে এক বেয়া খবৰ ।
পুলৱামা আক্ৰমণৰ কাহিনীয়েই নেকি ইয়াৰ আঁৰৰ কাৰণ ?
উপসাগৰীয় দেশসমূহত ছবিখন নিষিদ্ধ কৰাৰ কাৰণ ইয়াৰ বিষয়বস্তু বুলি কোৱা হৈছে । ফাইটাৰৰ কাহিনীত ভাৰতীয় সেনাই সন্ত্ৰাসবাদী আক্ৰমণৰ পিচত পাকিস্তানৰ ওপৰত বিমান আক্ৰমণ চলায় । এই কাহিনীটো পুলৱামা আক্ৰমণৰ ওপৰত আধাৰিত, যিয়ে প্ৰতিগৰাকী ভাৰতীয়ক ছবিখন চাবলৈ বাধ্য কৰাব । কিন্তু, উপসাগৰীয় দেশসমূহত এই বিষয়টো দেখুওৱা নহ’ব । উল্লেখ্য যে, অহা ২৫ জানুৱাৰীত চিনেমাগৃহত মুক্তি পাব ফাইটাৰ ।
অগ্ৰিম বুকিঙত ভাল ফলাফল দেখুৱাইছে ছবিখনে
অগ্ৰিম বুকিঙৰ কথা ক’বলৈ গ’লে ফাইটাৰে মুক্তিৰ পূৰ্বেই ভাল উপাৰ্জন কৰিছে । Sacnilk ৰ শেহতীয়া প্ৰতিবেদন অনুসৰি এই ছবিখনে এতিয়ালৈকে ভাৰতৰ সকলো ভাষাতে ৫.২৯ কোটি টকা উপাৰ্জন কৰিছে । বিশ্বজুৰিও এই ছবিখনে ভাল প্ৰদৰ্শন আগবঢ়াইছে । প্ৰথমবাৰৰ বাবে দীপিকা আৰু হৃত্বিকক একেলগে দেখা যাব এই ছবিখনত । এই দুগৰাকীৰ উপৰিও ছবিখনত অনিল কাপুৰ, কৰণ সিং গ্ৰ’ভাৰ আৰু সঞ্জীদা শ্বেখকো দেখা যাব ।
লগতে পঢ়ক: মুক্তিৰ পূৰ্বেই হৃত্বিক-দীপিকাৰ ফাইটাৰে উপাৰ্জন কৰিলে ৩.৬৭ কোটি টকা
