চিটাৰা ডেস্ক, ৯ ফেব্ৰুৱাৰী: সুশান্ত সিং ৰাজপুতৰ গোচৰ সন্দৰ্ভত এটা ডাঙৰ আপডেট আহিছে । অভিনেত্ৰী ৰিয়া চক্ৰৱৰ্তী, ভাতৃ শ্বোভিক আৰু পিতৃৰ বিৰুদ্ধে দাখিল কৰা আবেদন সন্দৰ্ভত বম্বে উচ্চ ন্যায়ালয়ে নিজৰ সিদ্ধান্ত সংৰক্ষণ কৰি ৰাখিছে । এই তিনিজনৰ বিৰুদ্ধে চিবিআইয়ে লুক আউট চাৰ্কুলাৰ জাৰি কৰিছিল । যাৰ বিৰুদ্ধে এই তিনিওজনে বম্বে উচ্চ ন্যায়ালয়ত আবেদন কৰিছিল । এই আবেদনৰ শুনানিৰ সময়ত বম্বে আদালতে এই সিদ্ধান্ত বৰ্তমান সংৰক্ষিত কৰি ৰাখিছে ।
দেশৰ বাহিৰলৈ যাব নোৱাৰিব ৰিয়া
বম্বে উচ্চ ন্যায়ালয়ে ৰায় নিদিয়ালৈকে ৰিয়া চক্ৰৱৰ্তীয়ে দেশৰ বাহিৰলৈ যাব নোৱাৰে । আচলতে লুক আউট চাৰ্কুলাৰ জাৰি হ’লে অভিযুক্তই দেশৰ বাহিৰৰ ক’তো যাব নোৱাৰে । যাবলগীয়া হ’লেও আদালতৰ পৰা অনুমতি লোৱাটো প্ৰয়োজনীয় হয় । অৰ্থাৎ আদালতে ৰায় নিদিয়ালৈকে ৰিয়াৰ ওপৰত এই নিষেধাজ্ঞা চলি থাকিব । যাৰ বাবে ৰিয়া বিদেশলৈ যাব নোৱাৰিব, আনকি শ্বুটিং কৰিবলৈও বিদেশলৈ যাব নোৱাৰিব ।
দীৰ্ঘদিন ধৰি গোচৰটো বিচাৰাধীন হৈ আছে
এই সমগ্ৰ গোচৰৰ শুনানি গ্ৰহণ কৰা বিচাৰপীঠত আছে ন্যায়াধীশ ৰেৱতী মোহিতে-দেৰে আৰু মঞ্জুছা দেশপাণ্ডে । এই গোচৰৰ এফ আই আৰ দিল্লীত দাখিল কৰাৰ পূৰ্বে প্ৰথমে পাটনাত দাখিল কৰা হৈছিল । এই বিষয়ত ৰিয়া চক্ৰৱৰ্তীৰ অধিবক্তা অভিনৱ চন্দ্ৰছুদ আৰু প্ৰসন্নাই যুক্তি আগবঢ়ায় যে তদন্তত চলি থকা কাৰ্যকলাপৰ পৰিপ্ৰেক্ষিতত এই আবেদন মুম্বাইত দাখিল কৰিব লাগিছিল কাৰণ ৰিয়া মুম্বাইত থাকে । বিচাৰপীঠে কয় যে এই গোচৰটো দীৰ্ঘদিন ধৰি কোনো চাৰ্জ শ্বীট নোহোৱাকৈ চলি আছে । গতিকে এই বিষয়টো অতি সোনকালে চূড়ান্ত কৰাৰ ওপৰত গুৰুত্ব দিব লাগে । ইয়াৰ উপৰিও এল অ’ চিৰ প্ৰয়োজনীয়তাক লৈও প্ৰশ্ন উত্থাপন কৰা হয় ।
মুম্বাইত দাখিল কৰা আবেদনৰ সমৰ্থনত ৰিয়া চক্ৰৱৰ্তীৰ ভাতৃ শ্বোভিক চক্ৰৱৰ্তীৰ অধিবক্তা আয়াজ খানে কয় যে যেতিয়া কোনো গোচৰৰ অভিযুক্তই গ্ৰেপ্তাৰ বা আদালতত হাজিৰ হোৱাৰ পৰা হাত সাৰিবলৈ চেষ্টা কৰে তেতিয়াহে এল অ’ চি জাৰি কৰিব লাগে । ২০২০ চনৰ পৰা আদালতত চলি আছে এই গোচৰ ।
ইয়াৰ উদ্ধৃতি দি বিচাৰপীঠে কয় যে এই গোচৰটো দীৰ্ঘদিন ধৰি কোনো ধৰণৰ চাৰ্জ শ্বীট নোহোৱাকৈ বিচাৰাধীন হৈ আছে। গতিকে এই বিষয়টো অতি সোনকালে চূড়ান্ত কৰাৰ ওপৰত এতিয়া গুৰুত্ব দিয়া উচিত । ইয়াৰ লগতে এল অ’ চিৰ প্ৰয়োজনীয়তাৰ ওপৰতো প্ৰশ্ন উত্থাপন কৰা হয় । একে সময়তে এই সমগ্ৰ বিষয়ত চক্ৰৱৰ্তী পৰিয়ালৰ সহযোগিতা স্বীকাৰ কৰিছে ।
ৰিয়া চক্ৰৱৰ্তীৰ ৱৰ্ক ফ্ৰণ্ট
ৱৰ্ক ফ্ৰণ্টৰ কথা ক’বলৈ গ’লে শেহতীয়াকৈ টিভিৰ ৰিয়েলিটি শ্ব’ এমটিভি ‘ৰ’ডিজ’ত দেখা গৈছিল ৰিয়া চক্ৰৱৰ্তীক । একে সময়তে ২০২১ চনত ৰিয়াই ‘চেহৰে’ নামৰ থ্ৰিলাৰ ছবিখনত কাম কৰিছিল । অভিনেতা অমিতাভ বচ্চন আৰু ইমৰাণ হাছমীও এই ছবিখনত তেওঁৰ সৈতে আছিল ।
