বিগ বছৰ পৰা বাহিৰ হৈয়েই এইগৰাকী অভিনেত্ৰীৰ সৈতে নাম সাঙোৰ খালে অংকিতা লোখাণ্ডেৰ স্বামী বিকি জৈনৰ

চিটাৰা ডেস্ক, 27 জানুৱাৰী: বিগ বছ ১৭ৰ প্ৰতিযোগিতাৰ পৰা বাহিৰ হোৱা অংকিতা লোখাণ্ডেৰ স্বামী বিকি জৈন বৰ্তমান খুবেই চৰ্চাত আছে ৷ শ্ব’টোত থাকি নিজৰ এক পৰিচয় দাঙি ধৰিবলৈ সক্ষম হৈছে বিকি জৈনে ৷ বিগ বছৰ খেলখনত তেওঁ নিজৰ ভাল প্ৰদৰ্শন দেখুওৱাবলৈও সক্ষম হৈছিল ৷ শ্ব’টোৰ পৰা ওলাই অহাৰ পিছত বিকিৰ অনুৰাগীসকল অতিশয় হতাশ হৈ পৰিছিল ৷ কাৰণ সকলোৱে বিশ্বাস কৰে যে তেওঁ শ্ব’টোত শীৰ্ষ ৫ৰ ভিতৰত থকাৰ যোগ্য আছিল ৷ বাৰু, এতিয়া বিকি জৈন বিগ বছৰ ঘৰৰ বাহিৰত আৰু তেওঁক ফুল পাৰ্টি মোডত দেখা গৈছে ৷

বিকি জৈনে শ্ব’টোৰ পৰা ওলাই অহাৰ লগে লগে তেওঁ সেই কামটো কৰিলে যিটো কাম অংকিতা লোখাণ্ডেই ওলাই অহাৰ আগতে বিকিক নকৰিবলৈ কৈছিল ৷ চাবলৈ গ’লে শ্ব’টোতো একেই হোৱা দেখা গ’ল, অংকিতাই স্বামীক যি কৰিবলৈ বাধা প্ৰদান কৰিছিল তৎস্বত্বেও বিকিয়েও সেই কাম কৰিছিল ৷ স্পষ্টকৈ ক’বলৈ গ’লে অংকিতাই বাহিৰলৈ ওলাই যোৱাৰ পিছত বিকিক পাৰ্টি নকৰিবলৈ কৈছিল ৷ কিন্তু বিগত কেইদিনমানৰ পৰা ছচিয়েল মিডিয়াত বিকি আৰু তেওঁৰ পাৰ্টিৰ ছবি যথেষ্ট ভাইৰেল হৈ পৰিছে ৷

বিগ বছৰ প্ৰাক্তন প্ৰতিযোগীসকলৰ লগতে বিকিয়ে বন্ধু-বান্ধৱীৰ সৈতে পাৰ্টি কৰিছে ৷ কিন্তু তাৰ মাজতে ভাইৰেল হোৱা এখন ছবিয়ে সকলোৰে দৃষ্টি আকৰ্ষণ কৰিছে ৷ ছ’চিয়েল মিডিয়া ব্যৱহাৰকাৰীয়ে অংকিতাৰ স্বামীক এগৰাকী অভিনেত্ৰীৰ নামৰ সৈতে সংযোগ কৰিবলৈ আৰম্ভ কৰিছে ৷ দৰাচলতে পাৰ্টিত বিকিয়ে অভিনেত্ৰী তথা ছ’চিয়েল মিডিয়াৰ ইনফ্লুৱেঞ্চাৰ পূৰ্বা ৰাণাৰ সৈতে আলিংগন কৰি থকা এখন ছবি ক্লিক কৰা দেখা যায় ৷

এই ছবিখন প্ৰকাশ পোৱাৰ পিছত ছ’চিয়েল মিডিয়া ব্যৱহাৰকাৰীয়ে বিকি জৈনক বৰ্তমান বহুত ট্ৰ’ল কৰি আছে ৷ এজন ব্যৱহাৰকাৰীয়ে কয় যে, বিকি ভাইয়াই আগতে অংকিতাক বেয়া ব্যৱহাৰ কৰিছিল ৷ এজনে লিখিছে, হাজাৰ শত্ৰু হ’লেও বিকিৰ দৰে স্বামী পাব নালাগে ৷ আন এজন ব্যৱহাৰকাৰীয়ে লিখিছে, স্ক্ৰীণশ্বট লৈ লোৱা অংকিতালৈ পঠাব লাগিব ৷ অৱশ্যে পূৰ্বা ৰাণাই বিকি আৰু অংকিতা দুয়োৰে বন্ধু বুলি মন্তব্য কৰি নিজৰ পোষ্টটো স্পষ্ট কৰি দিছে ৷ কিন্তু তাৰ পিছতো এই ছবিখনে দৰ্শকৰ মাজত এক চৰ্চাৰ সৃষ্টি কৰিছে ৷

লগতে পঢ়ক: পদ্ম বিভূষণ বঁটাৰে সন্মানিত কৰাৰ বাবে নৰেন্দ্ৰ মোদীক ধন্যবাদ জনালে চিৰঞ্জীৱীয়ে