চিটাৰা ডেস্ক, ৪ মাৰ্চ: দেওবাৰে অনন্ত আম্বানী আৰু ৰাধিকা মাৰ্চেণ্টৰ প্ৰি-ৱেডিং অনুষ্ঠানৰ শেষ দিন আছিল । এই উদযাপন ১ মাৰ্চৰ পৰা ৩ মাৰ্চলৈকে চলে । গুজৰাটৰ জামনগৰত অনুষ্ঠিত হোৱা এই অনুষ্ঠানত দেশৰ লগতে বিশ্বৰ বৃহৎ ব্যক্তিসকলে অংশগ্ৰহণ কৰে । আনহাতে প্ৰায় সমগ্ৰ বলীউড এই উদযাপনৰ অংশ আছিল । এতিয়া প্ৰি-ৱেডিং অনুষ্ঠানৰ পৰা বহু ফটো ছ’চিয়েল মিডিয়াত ভাইৰেল হৈ পৰিছে । ইফালে এখন ফটো পোহৰলৈ আহিছে, যিখন ফটো এতিয়া চৰ্চাৰ বিষয় হৈ পৰিছে ।
এই ফটোখনত ৰণবীৰ কাপুৰে বি-টাউনৰ নতুন কথিত প্ৰেমিক-প্ৰেমিকা আদিত্য ৰয় কাপুৰ আৰু অনন্যা পাণ্ডেৰ সৈতে আনন্দ কৰা দেখা গৈছে । ইফালে ফটোখনত আদিত্য আৰু ৰণবীৰক একেলগে দেখি অনুৰাগীৰ মনত পৰিল ‘য়েহ জৱানী হে দীৱানী’ ছবিখনৰ কথা ।
অনন্যা-আদিত্যৰ সম্পৰ্কক গ্ৰীণ চিগনেল দিলে ৰণবীৰে !
আনহাতে ৰণবীৰে এই কথিত প্ৰেমিক-প্ৰেমিকাৰ ফালে বুঢ়া আঙুলি দেখুৱাই পোজ দিয়ে । ইয়াৰ বাবেই অনুমান কৰা হৈছে যে ক’ৰবাত ৰণবীৰে আদিত্য আৰু অনন্যাৰ সম্পৰ্কক যেন সেউজ সংকেত দিছে । এই ফটোখনত এই তিনি তাৰকাক অতি সুখী যেন লাগিছে । এই ফটোখন এতিয়া ছ’চিয়েল মিডিয়াত ভাইৰেল হৈ পৰিছে ।
উল্লেখ্য যে, অনন্যা পাণ্ডে আৰু আদিত্য ৰয় কাপুৰ বিগত বহু দিনৰ পৰা প্ৰেমৰ সম্পৰ্কত থকা বুলি বাতৰিৰ শিৰোনাম দখল কৰি আহিছে ৷ দুয়োগৰাকীক বহুবাৰ একেলগে সময় অতিবাহিত কৰা দেখা গৈছিল ৷ অৱশ্যে দুয়োৱে নিজৰ সম্পৰ্ক এতিয়াও নিশ্চিত কৰা নাই । কিন্তু এতিয়া ৰণবীৰৰ পোজৰ পৰা দুয়ো সম্পৰ্কত থকা বুলি অনুমান কৰিছে অনুৰাগীয়ে ৷
লগতে পঢ়ক: প্ৰি-ৱেডিং অনুষ্ঠানত শ্বাহৰুখ খানৰ ‘জয় শ্ৰী ৰাম’ ধ্বনি; ক’লে আম্বানী পৰিয়ালৰ ‘ত্ৰিমূৰ্তি’ কোন
