ETV Bharat / bharat

চৰণেহে জানে মৰণৰ ঠাই; ভোটগ্ৰহণ কেন্দ্ৰতে মৃত্যু ৮০ বছৰীয়া বৃদ্ধৰ - Lok Sabha Election 2024

author img

By ETV Bharat Assamese Team

Published : Apr 26, 2024, 2:26 PM IST

Lok Sabha Election 2024 : দ্বিতীয় পৰ্যায়ৰ লোকসভা নিৰ্বাচনত চলি থকা ৰাজস্থানৰ এটা ভোটকেন্দ্ৰত ভোটদান দিবলৈ আহি এজন বৃদ্ধ লোকৰ মৃত্যু হয় । ইফালে বেংগালুৰুৰ এটা ভোটকেন্দ্ৰত ভোট দিবলৈ অহা এগৰাকী মহিলাৰ হঠাৎ হৃদক্ৰিয়া বন্ধ হৈ পৰে ৷

বেংগালুৰুৰ এটা ভোটকেন্দ্ৰত সংঘটিত হয় আন এক অঘটন
বেংগালুৰুৰ এটা ভোটকেন্দ্ৰত সংঘটিত হয় আন এক অঘটন

নেশ্যনেল ডেস্ক, ২৬ এপ্ৰিল : দেশৰ ১৩ খন ৰাজ্যৰ ৮৮ টা সমষ্টিত আৰম্ভ হৈছে ভোটগ্ৰহণ প্ৰক্ৰিয়া ৷ দ্বিতীয় পৰ্যায়ৰ লোকসভা নিৰ্বাচনত ৰাজস্থানৰ ১৩ খন লোকসভা আসনৰ বাবে আজি ভোটগ্ৰহণ হৈছে । দ্বিতীয় পৰ্যায়ত আজি টংক-ছাৱাই মাধোপুৰ, আজমেৰ, পালি, যোধপুৰ, বৰমেৰ, জালৌৰ, উদয়পুৰ, বাসনৱাড়া, চিত্তৰগড়, ৰাজসামন্দ, ভিলৱাৰা, কোটা আৰু ঝলাৱাৰ-বৰাণ লোকসভাৰ আসনত ভোটগ্ৰহণ প্ৰক্ৰিয়া সম্পূৰ্ণ হ’ব । দ্বিতীয় পৰ্যায়ত ২.৮০ কোটিৰো অধিক ভোটাৰে ১৩ খন আসনত ১৫২ জন প্ৰাৰ্থীৰ আজি ভাগ্য নিৰ্ণয় কৰিব ।

লোকসভা নিৰ্বাচনৰ বাবে দ্বিতীয় পৰ্যায়ৰ ভোটগ্ৰহণৰ সময়ত ভিলৱাৰা চহৰৰ সমীপৰ এটা ভোটগ্ৰহণ কেন্দ্ৰত সংঘটিত হয় এক অঘটন ৷ পুৱাই ভোটদান কৰিবলৈ বহু ভোটাৰৰ লগতে উক্ত ভোটকেন্দ্ৰটোলৈ আহিছিল এগৰাকী ৮০ বছৰীয়া বৃদ্ধ ৷

নিজৰ ভোটাধিকাৰ সাব্যস্ত কৰাৰ পাচতে হঠাৎ মৃত্যু হয় ৮০ বছৰীয়া বৃদ্ধগৰাকীৰ । বাতৰি যুগুত কৰা পৰলৈকে লাভ কৰা তথ্য অনুসৰি, ৰাজস্থান আৰক্ষীয়ে মৃত বৃদ্ধ লোকজনৰ মৃতদেহ মৰ্চাৰীত ৰখা হৈছে । অৱশ্যে বৃদ্ধজনৰ মৃত্যুৰ কাৰণ সন্দৰ্ভত এতিয়ালৈকে কোনো তথ্য লাভ কৰা নাই ।

বিজেপি নেতা এগৰাকীয়ে এই সন্দৰ্ভত কয় যে ভিলৱাৰা চহৰৰ সমীপত অৱস্থিত পুৰ চহৰৰ উপকণ্ঠ অঞ্চল ছিপাৰ ৭ নম্বৰ নোহৰা ভোটকেন্দ্ৰত উপস্থিত হৈছিল ৮০ বছৰীয়া বৃদ্ধগৰাকী । আনকি ভোটগ্ৰহণ কেন্দ্ৰটোত শাৰী পাতি থিয় হৈ সাব্যস্ত কৰে ভোটদান । কিন্তু হঠাৎ ভোটকেন্দ্ৰ চৌহদতে মূৰ্ছা যায় হয় ৮০ বছৰীয়া বৃদ্ধগৰাকী ।

ইয়াৰ পাচত ভোটগ্ৰহণ কেন্দ্ৰত উপস্থিত থকা লোকসকলে লগে লগে বৃদ্ধজনক চিকিৎসালয়লৈ লৈ যায় যদিও চিকিৎসকে মৃত বুলি ঘোষণা কৰে । আৰক্ষীয়ে বুঢ়াজনৰ মৃতদেহ নিজৰ জিম্মাত লৈ মৰ্চাৰীত ৰাখিছে ।

ইফালে বেংগালুৰুৰ এটা ভোটকেন্দ্ৰত সংঘটিত হয় আন এক অঘটন ৷ ভোট দিবলৈ অহা এগৰাকী মহিলাৰ হঠাৎ হৃদক্ৰিয়া বন্ধ হৈ পৰে ৷ তাৰ পাচতে সৃষ্টি হয় এক হুলস্থূলীয়া পৰিৱেশৰ ৷ কিন্তু সেই সময়তে একেটা ভোটগ্ৰহণ কেন্দ্ৰত উপস্থিত হয় এজন চিকিৎসক ৷ তাৰ পাচতে ডাঃ নাৰায়ণ হেল্থ চিটি চেণ্টাৰৰ কিডনী স্পেচিয়েলিষ্ট ডাঃ গণেশ শ্ৰীনিবাস প্ৰসাদে চিকিৎসালয়ত ভৰ্তি কৰায় ৷

Rajasthanv Lok Sabha election 2024 elderly man dies at polling booth in Bhilwara
বেংগালুৰুৰ এটা ভোটকেন্দ্ৰত সংঘটিত হয় আন এক অঘটন

ডাক্তৰ গণেশ শ্ৰীনিবাসে কয়, ‘‘পৰি থকা মহিলাগৰাকীক দেখি মই সহায় কৰিবলৈ দৌৰি আহিলো । তাইৰ নাৰ্ভ পৰীক্ষা কৰিলো ৷ চকু দুটা পৰীক্ষা কৰিও কোনো সঁহাৰি নাপালো । তেওঁৰ শৰীৰত কোনো প্ৰতিক্ৰিয়া দেখা নগ’ল আৰু শ্বাসৰুদ্ধ হৈ পৰিছিল । লগে লগে চিপিআৰ কৰিলো আৰু তাৰ পাচতে তাইৰ অৱস্থা কিছু সুস্থ হ’ল । তাৰ পাচতে কোনো পলম নকৰি এখন এম্বুলেন্স মাতি আনি চিকিৎসালয়লৈ লৈ যোৱা হয় মহিলাগৰাকীক । যদি পলম হ’ল হয়, তেন্তে মহিলাগৰাকীক হেৰুৱাৰ সম্ভাৱনাই যথেষ্ট আছিল ।’’

লগতে পঢ়ক : কোন কোন হাই প্ৰফাইল ৰাজনৈতিক নেতাৰ ভাগ্য আজি বন্দী হ’ব ই ভি এমত? - Lok Sabha Election 2024

ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.