বিহাৰৰ পূৰ্ণিয়াত ৰাহুল গান্ধীৰ বিশাল সভা, ৩ ৰাজ্যৰ মুখ্যমন্ত্ৰীও থাকিব উপস্থিত

author img

By ETV Bharat Assamese Desk

Published : Jan 30, 2024, 1:53 PM IST

Bharat Jodo Nyay Yatra

Bharat Jodo Nyay Yatra: কংগ্ৰেছৰ ভাৰত জোড়ো ন্যায় যাত্ৰাৰ দলটো সম্প্ৰতি বিহাৰত আছে । ৰাহুল গান্ধীয়ে পূৰ্ণিয়াত প্ৰৱেশ কৰিছে । পূৰ্ণিয়াৰ ৰংভূমি খেলপথাৰত ৰাহুলৰ বিশাল সভা ।

নেশ্যনেল ডেস্ক,৩০ জানুৱাৰী : ৰাহুল গান্ধীৰ নেতৃত্বত কংগ্ৰেছৰ ভাৰত জোড়ো ন্যায় যাত্ৰাৰ দলটো মঙলবাৰে বিহাৰৰ পূৰ্ণিয়াৰ ৰংভূমি ময়দানত উপস্থিত হয় । আৰাৰিয়াৰ পৰা ৰাহুল গান্ধীৰ কনভয় পুৱা প্ৰায় ১১ বজাত পূৰ্ণিয়াত উপস্থিত হয় । তাৰ পিচত, তেওঁ দুপৰীয়া ১ বজাত পূৰ্ণিয়াৰ ৰংভূমি ময়দানত এখন ৰাজহুৱা সভা সম্বোধন কৰে । তেওঁৰ সৈতে তেলেংগানা, হিমাচল প্ৰদেশ আৰু কৰ্ণাটকৰ মুখ্যমন্ত্ৰীসকলো উপস্থিত থাকিব । লগতে, মহাজোঁটৰ বহুতো সাংসদ আৰু বিধায়কেও যাত্ৰাত যোগদান কৰিছে ।

যাত্ৰাৰ সময়ত, ৰাহুল গান্ধীয়ে পূৰ্ণিয়াৰ গড়বানেলী কালী মন্দিৰ দৰ্শন কৰে । কাচৱা হৈ গুলাববাগ অভিমুখে তেওঁ আগবাঢ়ে । কৃষকসকলে গুলাববাগত তেওঁক সাক্ষাৎ কৰে । ইফালে ৰাহুল গান্ধীৰ ভাষণ শুনিবলৈ ৰংভূমি ময়দানত যথেষ্ট লোকে ভিৰ কৰা দেখা গৈছে । প্ৰদেশ কংগ্ৰেছৰ সভাপতি অখিলেশ সিঙে দাবী কৰা মতে ৰাহুল গান্ধীৰ সভাত প্ৰায় ২ লাখ লোক উপস্থিত থাকিব ।

তাৰাপুৰৰ প্ৰাক্তন কংগ্ৰেছ প্ৰাৰ্থী ৰাজেশ মিশ্ৰাই কয় যে ৰাহুল গান্ধীয়ে ভাৰত জোড়ো ন্যায় যাত্ৰা আৰম্ভ কৰিছে । পুৱা ১১:৩০ বজাত পূৰ্ণিয়াৰ জালালগড় হৈ গুলাব বাগ জিৰোমাইল ৰেলীত উপস্থিত হয় আৰু দুপৰীয়া প্ৰায় ১ বজাত ৰংভূমি ময়দানত জনসভা সম্বোধন কৰে ।

  • बस को रास्ते में रोक, कुछ इस तरह @RahulGandhi जी लोगों से मिल रहे हैं…

    भारत जोड़ो न्याय यात्रा पूर्णिया की तरफ़ बढ़ी चली जा रही है … #BharatJodoNyayYatra pic.twitter.com/W6znG6n5OI

    — Bihar Congress (@INCBihar) January 30, 2024 " class="align-text-top noRightClick twitterSection" data=" ">

পূৰ্বে ইণ্ডিয়া মিত্ৰজোঁটৰ বিষয়ে আলোচনা হৈছিল । সেই সময়ত জেডিইউ কৰ্মীসকলেও এই সমদলটো সফল কৰিবলৈ নিয়োজিত হৈছিল । কিন্তু হঠাতে মুখ্যমন্ত্ৰী নীতিশ কুমাৰ এন ডি এলৈ যোৱাৰ লগে লগে জেডিইউ কৰ্মীসকলে এই সাধাৰণ সভা বৰ্জন কৰে । সভালৈ নীতিশ কুমাৰো অহাৰ সম্ভাৱনা আছিল যদিও এতিয়া সেয়া সম্ভৱ নহয় ।

ৰাহুল গান্ধীয়ে কিষাণগঞ্জ আৰু আৰাৰিয়াত ৰাজহুৱা সভাত ভাষণ প্ৰদান কৰে আৰু পুৱা আৰাৰিয়াত শ্বহীদ দিৱস উপলক্ষে মহাত্মা গান্ধীৰ প্ৰতি শ্ৰদ্ধাঞ্জলি জ্ঞাপন কৰে । অনুষ্ঠানত কংগ্ৰেছৰ সকলো নেতা আৰু কৰ্মীও উপস্থিত আছিল । পূৰ্ণিয়াত ৰাহুল গান্ধীক উষ্ম আদৰণি জনোৱাৰ উদ্দেশ্যে বৃহৎ পোষ্টাৰ আৰু হৰ্ডিং লগোৱা হৈছে । চহৰখনৰ বহুতো পোষ্টাৰত ৰাহুল গান্ধীৰ ফটোৰ তলতে এটা সিংহৰ ফটো লগোৱা হৈছে । ইফালে ৰাহুল গান্ধীৰ ভ্ৰমণক লৈ পূৰ্ণিয়াত কংগ্ৰেছ কৰ্মীসকলৰ মাজত যথেষ্ট উৎসাহ দেখা গৈছে ।

পূৰ্ণিয়াৰ আৰক্ষী অধীক্ষক দীপক কুমাৰৰ মতে ৰাহুল গান্ধীৰ ভাৰত জোড়ো ন্যায় যাত্ৰাৰ বাবে ১৫৫ টা স্থানত আৰক্ষী বাহিনী মোতায়েন কৰা হৈছে । যাত্ৰাটো যাবলগীয়া পথসমূহত ব্যাপক নিৰাপত্তা ব্যৱস্থা কৰা হৈছে । বহুতো গুৰুত্বপূৰ্ণ পথত পৰিৱৰ্তন কৰা হৈছে ।

লগতে পঢ়ক :বিহাৰত ৰাহুল গান্ধীৰ ভাৰত জোড়ো ন্যায় যাত্ৰাৰ দ্বিতীয় দিন

ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.