নিউজ ডেস্ক, ৩ মে': শুকুৰবাৰে মণিপুৰত মেইটেই আৰু কুকিৰ মাজত চলি থকা জাতিগত সংঘৰ্ষই এবছৰ সম্পূৰ্ণ কৰাৰ সময়তে আমেৰিকাৰ মেইটেই প্ৰব্ৰজনকাৰী, বিশ্ব মেইটেই কাউন্সিল আৰু আন কেইবাটাও সংগঠনে কেন্দ্ৰীয় গৃহ মন্ত্ৰালয়ক ৫২ পৃষ্ঠাৰ প্ৰতিবেদন দাখিল কৰিছে । য’ত এই কাণ্ডৰ কালক্ৰম বিশদভাৱে উল্লেখ কৰা হৈছে ।
কল ফৰ জাষ্টিছ নামেৰে নামকৰণ কৰা এই প্ৰতিবেদনত নিচাযুক্ত সন্ত্ৰাসবাদ, সংঘাতৰ সময়ত জ্বলি যোৱা মন্দিৰৰ তালিকা, নিৰুদ্দেশ হোৱা মেইটেইৰ তালিকা, বনাঞ্চল ধ্বংস আদি বিষয়সমূহৰ ওপৰত আলোকপাত কৰা হৈছে ।
"কল ফৰ জাষ্টিছৰ জৰিয়তে আমি বছৰজোৰা সংকটৰ ফলত ব্যাপকভাৱে ক্ষতিগ্ৰস্ত হোৱাসকলৰ বাবে ৰাজ্য আৰু কেন্দ্ৰীয় চৰকাৰ উভয়ৰে পৰা ন্যায় বিচাৰো । তদুপৰি, মণিপুৰক আগুৰি ধৰা দুষ্ট চক্ৰৰ হিংসাৰ অন্ত পেলাবলৈ আমি সংশ্লিষ্ট কৰ্তৃপক্ষৰ পৰাও তাৎক্ষণিক আৰু সক্ৰিয় হস্তক্ষেপৰ দাবী কৰিব বিচাৰিছো ।" শুকুৰবাৰে ইটিভি ভাৰতক দিল্লী মেইটেই সমন্বয়ক সমিতিৰ আহ্বায়ক ড০ ছেৰাম ৰোজেশে এইদৰে কয় ।
ড০ ৰজেশে লগতে কয়, "আমি এবছৰ ধৰি অনুভূত উদাসীনতা বা অনিচ্ছা সহ্য কৰি আহিছো, আৰু এতিয়া পৰিস্থিতি সমাধানৰ বাবে অধিক সুনিৰ্দিষ্ট আৰু লক্ষ্যভিত্তিক পন্থাৰ সময় আহি পৰিছে ।"
বছৰজোৰা আৰু এতিয়াও চলি থকা হিংসাৰ ফলত ক্ষতিগ্ৰস্ত ভুক্তভোগীসকলক ক্ষিপ্ৰ ন্যায়ৰ দাবীত প্ৰতিবেদনখনে মণিপুৰ বিধানসভাৰ সকলো নিৰ্বাচিত প্ৰতিনিধিক মণিপুৰত শান্তি আৰু সুস্থ সহাৱস্থান ঘূৰাই অনাৰ একমাত্ৰ উপায় হিচাপে মিলন প্ৰচেষ্টাৰ দিশত পদক্ষেপ গ্ৰহণ কৰি ৰাজ্যবাসীৰ সৈতে একেলগে কাম কৰিবলৈ আহ্বান জনাইছে ।
"ভাৰতৰ সীমা অতিক্ৰম কৰি কুকি বসতিপ্ৰধান ঔপনিৱেশিকসকল নিজৰ মাটিত চলি থকা প্ৰকাশ্য সন্ত্ৰাসবাদৰ প্ৰতি হয় অজ্ঞান বা নীৰৱ দৰ্শক হৈয়েই আছে । বেছিভাগেই নাৰ্কো-ব্যৱসায়িক কাৰ্টেল আৰু আন্তঃৰাষ্ট্ৰীয় সংস্থাৰ দ্বাৰা পোৱা পুঁজিৰে আৰু পশ্চিমৰ পৰা অহা চোৰাং অস্ত্ৰৰে সজ্জিত । দেশখনক অসুৰক্ষিত কৰি তোলা হৈছে ।" ড০ ৰোজেশে কয় ।
মণিপুৰৰ বৰ্তমানৰ জনগোষ্ঠীয় সংঘৰ্ষৰ আঁৰত নাৰ্কো-সন্ত্ৰাসবাদক দোষাৰোপ কৰি গৃহ মন্ত্ৰালয়ক দাখিল কৰা প্ৰতিবেদনত বিদেশী উপাদানৰ অবৈধ আৰু অনিয়ন্ত্ৰিত অনুপ্ৰৱেশৰ পৰা ভূখণ্ড আৰু জনসাধাৰণক সুৰক্ষিত কৰাৰ দাবী উত্থাপন কৰা হৈছে ।
প্ৰতিবেদনত কোৱা হৈছে যে মণিপুৰ আৰু ভাৰতৰ অন্যান্য প্ৰান্তত ড্ৰাগছৰ ভাবুকি বিয়পোৱা, বনাঞ্চল আৰু পৰিৱেশ তন্ত্ৰ ধ্বংস, সংৰক্ষিত বনাঞ্চল আৰু সংৰক্ষিত বনাঞ্চলৰ বেদখল আদিৰ বাবে দায়ী নিচাযুক্ত সন্ত্ৰাসবাদীৰ অবৈধ কাৰ্যকলাপ ৰোধ কৰা দৰকাৰ । জাল নথি-পত্ৰ লৈ লুকাই থকা অবৈধ প্ৰব্ৰজনকাৰীক ধৰা পেলোৱা আৰু বিতাড়নৰ উপৰিও সীমা অতিক্ৰম কৰি অবৈধ অনুপ্ৰৱেশ ৰোধ কৰাৰ দাবী জনোৱা হৈছে ।
মণিপুৰ চৰকাৰে বৃহস্পতিবাৰে ৩৮ জন অবৈধ অনুপ্ৰৱেশকাৰীক ম্যানমাৰলৈ বিতাড়িত কৰে ।
"কোনো ধৰণৰ বৈষম্য অবিহনে ম্যানমাৰৰ পৰা অবৈধ অনুপ্ৰৱেশকাৰীক বিতাড়নৰ প্ৰথম পৰ্যায়ৰ কাম সম্পূৰ্ণ কৰিলোঁ আৰু আজি মৰেৰ মাজেৰে ভাৰতৰ মণিপুৰৰ পৰা আৰু ৩৮ জন অনুপ্ৰৱেশকাৰী ওলাই আহিল । প্ৰথম পৰ্যায়ত মুঠ ৭৭ জন অবৈধ অনুপ্ৰৱেশকাৰীক বিতাড়িত কৰা হৈছে । এজন ভাৰতীয় নাগৰিককো অনা হৈছিল । ৰাজ্য চৰকাৰে অবৈধ অনুপ্ৰৱেশকাৰী চিনাক্তকৰণ অব্যাহত ৰাখিছে আৰু একে সময়তে বায়’মেট্ৰিক তথ্য লিপিবদ্ধ কৰা হৈছে । আহক আমি আমাৰ সীমান্ত আৰু দেশ সুৰক্ষিত ৰাখোঁ ।" বিতাড়ন প্ৰক্ৰিয়াৰ পিছত এইদৰে কয় মণিপুৰৰ মুখ্যমন্ত্ৰী এন বীৰেণ সিঙে ।
কুকি উগ্ৰপন্থীয়ে ধ্বংস কৰা মেইটেই মন্দিৰৰ বিশদ পৰিসংখ্যা দি প্ৰতিবেদনত কোৱা হৈছে যে যোৱা এবছৰৰ হিংসাত্মক পৰিস্থিতিত ছয়খন জিলাৰ ১০৯টা মন্দিৰ ধ্বংস হৈছে । ইয়াৰ উপৰিও কোৱা হৈছে যে এই আক্ৰমণত ১১৫ জন মেইটেই নিহত হৈছে আৰু যোৱা বছৰৰ ৩ মে’ত প্ৰথম তিনিজন নিহত হৈছিল । তেওঁলোক হৈছে খোইৰম মেইৰাবা মেইটেই, নিংথৌজাম ডিজেন আৰু মায়াংলাম্বাম টিকেন ।
যোৱা বছৰৰ ৩ মে’ত এছ টিৰ মৰ্যাদা দাবী কৰি মেইটেই সংহতি সমদলত এদল দুষ্কৃতিকাৰীয়ে আক্ৰমণ চলাইছিল । কিন্তু পিছলৈ এই সংঘৰ্ষত অধিক পৰিঘটনা দেখা গ’ল । কাৰণ কুকিসকলে কয় যে কুকি-জোমি-মাৰ প্ৰধান অঞ্চলসমূহক সামৰি লোৱা “পৃথক প্ৰশাসন” গঠনেই বৰ্তমানৰ সংকটৰ একমাত্ৰ সমাধান ।
কিন্তু মেইটেইসকলে মণিপুৰ পৃথক কৰাৰ বিৰোধিতা কৰি আহিছে আৰু তেওঁলোকে কুকি-জো জনগোষ্ঠীক অনুসূচিত জনজাতি (এছ টি) হিচাপে তালিকাভুক্ত কৰাৰ দাবীও তীব্ৰতৰ কৰি তুলিছে ।
ইফালে মেইটেই হেৰিটেজ ৱেলফেয়াৰ ফাউণ্ডেচনে দিল্লীৰ যন্তৰ মন্তৰত ৰাজ্যখনলৈ শান্তি ঘূৰাই অনাৰ বাবে চৰকাৰক কঠোৰ পদক্ষেপ গ্ৰহণ কৰিবলৈ অনুৰোধ জনাই প্ৰতিবাদী বিক্ষোভ প্ৰদৰ্শন কৰিছে । মেইটেই হেৰিটেজ ৱেলফেয়াৰ ফাউণ্ডেশ্যন হৈছে মণিপুৰৰ আৰ্থ-সামাজিক বিকাশৰ বাবে কাম কৰা এটা বেচৰকাৰী সংস্থা ।
লগতে পঢ়ক: ছত্তীশগড়ৰ সুকমাত সেনা-নক্সালবাদীৰ সংঘৰ্ষ - Sukma Encounter
