কুৱেইটৰ পৰা মুম্বাইলৈ অহা নাৱত ৩ সন্দেহযুক্ত ব্যক্তিক আটক মুম্বাই আৰক্ষীৰ

author img

By ETV Bharat Assamese Desk

Published : Feb 7, 2024, 11:30 AM IST

Suspected Persons Detained in Mumbai

Suspected Persons Detained in Mumbai : নাওখনত মুঠ 3 জন ব্যক্তি আছিল । অনুসন্ধানৰ পিচত তেওঁলোকৰ নাম নিটচো ডিট্টো (31, মাছমৰীয়া), বিজয় বিনয় এণ্টনী (29) আৰু সহায়ন্তয়ী (29) বুলি জানিব পাৰে । আটাইকেইজন তামিলনাডুৰ বাসিন্দা ।

নিউজ ডেস্ক, ফেব্ৰুৱাৰী : মুম্বাই আৰক্ষীয়ে কুৱেইটৰ পৰা মুম্বাইলৈ অহা এখন নাৱৰ পৰা ৩ জন সন্দেহযুক্ত লোকক আটক কৰে । মুমাৰাম চৈত্ৰালী নামৰ নাও এখনে ৬ ফেব্ৰুৱাৰীৰ পুৱা ৭.৩০ বজাত গে'টৱে অৱ ইণ্ডিয়াৰ পৰা লাইট হাউছ এলেকালৈ এক নিয়মীয়া সামুদ্ৰিক পেট্ৰ'লিং কৰি আছিল । সেই সময়তে তেওঁলোকে চাংক ৰক অঞ্চলৰ চাচুন ডকত সন্দেহজনকভাৱে চলাচল কৰা এখন বেলেগ প্ৰকাৰৰ ভুৱা নাও প্ৰত্যক্ষ কৰে । য়েলো গে'ট আৰক্ষী থানাৰ জ্যেষ্ঠ আৰক্ষী পৰিদৰ্শক সৰলা ভাচাৱে এই কথা কয় ।

নাওখনৰ গতিবিধিৰ ওপৰত সন্দেহ হোৱাত তহলদাৰী দলে তৎক্ষণাৎ নাওখন ৰখাই দিয়ে আৰু নাওখনৰ বিষয়ে আৰু তাত থকা ব্যক্তিসকলৰ বিষয়ে সোধা-পোছা কৰে । নাওখনত মুঠ 3 জন ব্যক্তি আছিল । অনুসন্ধানৰ পিচত তেওঁলোকৰ নাম নিটচো ডিট্টো (31, মাছমৰীয়া), বিজয় বিনয় এণ্টনী (29) আৰু সহায়ন্তয়ী (29) বুলি জানিব পাৰে । আটাইকেইজন তামিলনাডুৰ বাসিন্দা ।

নাওখনে যিহেতু অনুজ্ঞাপত্ৰ অবিহনে ভাৰত সাগৰত প্ৰৱেশ কৰিছে আৰু ই কোলাবা আৰক্ষী থানাৰ অধীনস্থ এলেকাৰ ভিতৰত আছিল ৷ সেয়ে চৈত্ৰালী নাওখনত কৰ্তব্যৰত আৰক্ষী কনিষ্টবল থোৰাটে দক্ষিণ নিয়ন্ত্ৰণ কক্ষৰ সৈতে যোগাযোগ কৰে আৰু সন্দেহজনক নাওখন আৰু তাত থকা ৩ জন লোকক কোলাবা আৰক্ষীৰ জিম্মাত দিয়ে । কোলাবা আৰক্ষী থানাত নাওখনৰ সন্দৰ্ভত অধিক অনুসন্ধান চলি আছে ।

আৰক্ষী পৰিদৰ্শক সাৱন্ত, সহকাৰী আৰক্ষী পৰিদৰ্শক মাদানে, য়েলো গে'ট আৰক্ষী থানাৰ আৰক্ষী উপ-পৰিদৰ্শক গাইকাৰে চলোৱা প্ৰাথমিক তদন্তত নাওখনত অহা তিনিওজন ব্যক্তি ভাৰতীয় নাগৰিক আৰু তামিলনাডুৰ বাসিন্দা বুলি প্ৰকাশ পায় ।

তামিলনাডুৰ এজন এজেণ্ট কেপ্টেইন মদনে জনোৱা মতে, দুবছৰ পূৰ্বে কামৰ সন্ধান কৰি থকাত তেওঁক কুৱেইটলৈ পঠিয়াইছিল । তেওঁ ত্ৰিনবেদ্ৰামৰ পৰা কুৱেইটলৈ বিমানেৰে গৈছিল । তেওঁ বিগত দুবছৰ ধৰি কুৱেইটত মাছমৰীয়া হিচাপে আব্দুলা শ্বৰীফৰ নাৱত কাম কৰি আছিল বুলি আৰক্ষী বিষয়াই কয় ।

এই দুবছৰত নাৱৰ গৰাকীয়ে তেওঁক কামৰ বিনিময়ত কোনো ধন পৰিশোধ কৰা নাছিল । আনহাতে, কাম কৰি থাকোঁতে তেওঁলোকক নাৱৰ মালিকে প্ৰহাৰো কৰাৰ অভিযোগ । সেয়েহে তেওঁলোক তাৰ পৰা আহিবৰ বাবে মালিকক তেওঁলোকৰ ভাৰতীয় পাছপোৰ্ট বিচৰাত মালিকে দিয়া নাছিল । আনহাতে, যদি তেওঁ কাম এৰি পলাই যায় তেন্তে তেওঁক হত্যা কৰাৰো ভাবুকি দিয়া হৈছিল । তেওঁ সময়ে সময়ে তেওঁৰ আত্মীয়সকলক এই সকলো ঘটনাৰ বিষয়ে তথ্য প্ৰদান কৰিছিল ।

সেয়েহে তিনিওজনে একেলগে এখন নাও লোৱাৰ সিদ্ধান্ত লয় আৰু ২৮ জানুৱাৰীত কুৱেইটৰ পৰা তেওঁলোকৰ মালিকৰ নাও আব্দুলা শ্বৰীফ ১-ৰ সৈতে মালিকক নোকোৱাকৈ ভাৰতলৈ অহাৰ সিদ্ধান্ত লয় । তাৰ পিচত তেওঁলোকে ৬ ফেব্ৰুৱাৰীত মুম্বাইত উপস্থিত হয় বুলি আৰক্ষী বিষয়াই কয় । এই বিষয়ত আৰক্ষীয়ে অধিক অনুসন্ধান অব্যাহত ৰাখিছে ।

লগতে পঢ়ক : আৰক্ষী আৰু মাওবাদী বিদ্ৰোহীৰ মাজত সংঘৰ্ষ

ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.