ETV Bharat / bharat

কেজৰিৱালক মুখ্যমন্ত্ৰীৰ পদৰ পৰা অপসাৰণৰ আবেদন নাকচ উচ্চতম ন্যায়ালয়ৰ - Delhi CM Arvind Kejriwal

author img

By ETV Bharat Assamese Team

Published : May 13, 2024, 4:17 PM IST

Delhi CM Arvind Kejriwal: ন্যায়াধীশ সঞ্জীৱ খান্না আৰু দীপংকৰ দত্তক লৈ গঠিত উচ্চতম ন্যায়ালয়ৰ বিচাৰপীঠে অৰবিন্দ কেজৰিৱালক দিল্লীৰ মুখ্যমন্ত্ৰীৰ পদৰ পৰা অপসাৰণৰ দাবীৰে কৰা আবেদন খাৰিজ কৰিছে । আদালতে এই বিষয়ত হস্তক্ষেপ নকৰাৰ কথা উল্লেখ কৰে ।

Delhi CM Arvind Kejriwal
কেজৰিৱালক অপসাৰণৰ আবেদন নাকচ উচ্চতম ন্যায়ালয়ৰ (ETV Bharat)

নেশ্যনেল ডেস্ক,১৩ মে': দিল্লীৰ সুৰা নীতি কেলেংকাৰী গোচৰত ইতিমধ্যে মুখ্যমন্ত্ৰী অৰবিন্দ কেজৰিৱালক অন্তৱৰ্তীকালীন জামিন প্ৰদান কৰা হৈছে । ১ জুনলৈ কেজৰিৱালক এই সকাহ প্ৰদান কৰা হৈছে । কিন্তু গোচৰটোত গ্ৰেপ্তাৰ হোৱাৰ পিচত তেওঁক মুখ্যমন্ত্ৰীৰ পদৰ পৰা অপসাৰণ কৰাৰ বাবে আদালতত আবেদন জনোৱা হৈছিল । তেনে এক আবেদন উচ্চতম ন্যায়ালয়ে খাৰিজ কৰে ।

ন্যায়াধীশ সঞ্জীৱ খান্না আৰু দীপংকৰ দত্তক লৈ গঠিত এখন বিচাৰপীঠে এই আবেদন খাৰিজ কৰি কয় যে এই কাম বিচাৰিলে দিল্লীৰ লেফটেনেণ্ট গৱৰ্ণৰ ওপৰত নিৰ্ভৰ কৰে কিন্তু আদালতে এই ক্ষেত্ৰত হস্তক্ষেপ নকৰে । বিচাৰপীঠে লগতে কয় যে এইটো ন্যায়সঙ্গত বিষয় কিন্তু গ্ৰেপ্তাৰ হোৱাৰ পিচত কেজৰিৱালক মুখ্যমন্ত্ৰী পদৰ পৰা অপসাৰণ কৰাৰ কোনো আইনী অধিকাৰ নাই । বিচাৰপীঠে লগতে আঙুলিয়াই দিয়ে যে শীৰ্ষ ন্যায়ালয়ৰ সন্মুখত আবেদন কৰা আবেদনকাৰী কান্ত ভাটি দিল্লী উচ্চ ন্যায়ালয়ৰ সন্মুখত আবেদনকাৰী হৈ থকা নাই ।

উচ্চ ন্যায়ালয়ৰ সন্মুখত আবেদনকাৰীয়ে দাবী কৰিছিল যে দিল্লী সুৰা নীতি কেলেংকাৰী গোচৰ সন্দৰ্ভত ন্যায়িক জিম্মাত থকা কেজৰিৱালে সংবিধানৰ অনুচ্ছেদ ২৩৯এএ (৪), ১৬৭(খ) আৰু (গ)ৰ অধীনত তেওঁৰ সাংবিধানিক দায়বদ্ধতা আৰু কাৰ্য সম্পাদন কৰিবলৈ অক্ষম । আবেদনকাৰীয়ে জোৰ দিছিল যে কেজৰিৱাল মুখ্যমন্ত্ৰী হিচাপে থাকিব নোৱাৰে । উচ্চ ন্যায়ালয়ে এপ্ৰিলত আবেদনখন খাৰিজ কৰে আৰু ৫০,০০০ টকাৰ ব্যয় আৰোপ কৰি কয় যে আবেদনখনৰ উদ্দেশ্য হৈছে প্ৰচাৰ লাভ কৰা ।

উল্লেখ্য যে উচ্চতম ন্যায়ালয়ে যোৱা শুকুৰবাৰে মুখ্যমন্ত্ৰী অৰবিন্দ কেজৰিৱালক অন্তৱৰ্তীকালীন জামিন প্ৰদান কৰে । বিষয়টোত ৭ মে'ত শুনানি গ্ৰহণ কৰা হৈছিল ।

লগতে পঢ়ক :সাময়িক সকাহ : মুকলি আকাশৰ তললৈ অৰবিন্দ কেজৰিৱাল - Kejriwal Get Interim Bail
ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.