নিউজ ডেস্ক, ৭ ফেব্ৰুৱাৰী : কংগ্ৰেছ নেতৃত্বাধীন কৰ্ণাটক চৰকাৰে বুধবাৰে দিল্লীৰ যন্তৰ-মন্তৰত কেন্দ্ৰীয় চৰকাৰৰ বিৰুদ্ধে প্ৰতিবাদ সাব্যস্ত কৰে । পুঁজি মুকলি কৰাৰ ক্ষেত্ৰত দক্ষিণ ভাৰতৰ ৰাজ্যখনৰ সৈতে বিত্তীয় অন্যায়ৰ অভিযোগ উত্থাপন কৰি কেন্দ্ৰৰ বিৰুদ্ধে এই প্ৰতিবাদ সাব্যস্ত কৰে ।
কৰ্ণাটকৰ মুখ্যমন্ত্ৰী সিদ্দাৰামাইয়াৰ নেতৃত্বত হোৱা প্ৰতিবাদত ৰাজ্য চৰকাৰৰ কেইবাটাও দাবী পূৰণ নকৰাৰ বাবে ৰাজ্যৰ মন্ত্ৰী, বিধায়ক আৰু নেতাসকলে কেন্দ্ৰৰ বিৰুদ্ধে প্ৰতিৰোধ সাব্যস্ত কৰিবলৈ নতুন দিল্লীলৈ আহে ।
উল্লেখ্য যে কৰ্ণাটক চৰকাৰে নৰেন্দ্ৰ মোদী নেতৃত্বাধীন চৰকাৰৰ বিৰুদ্ধে মাহীআইৰ দৰে আচৰণ কৰাৰ অভিযোগ উত্থাপন কৰে । "ৰাজ্যখনৰ কেন্দ্ৰীয় কৰৰ অংশ হ্ৰাস হোৱাৰ ফলত এক আচৰিত লোকচান হৈছে ।" মুখ্যমন্ত্ৰী সিদ্দাৰামাইয়াই কয় ।
আনহাতে, কৰ্ণাটক চৰকাৰে অভিযোগ কৰে যে ২০২২ চনৰ জুনত ক্ষতিপূৰণ বন্ধ কৰাৰ বাবে জিএছটিৰ কাৰ্যকৰীকৰণ নিষিদ্ধ হৈ পৰিছে । তেওঁ অভিযোগ কৰে, "এই আকস্মিক বন্ধই আমাৰ বিত্তীয় ব্যৱস্থাক গুৰুতৰভাৱে পংগু কৰি তুলিছে, যাৰ ফলত কৰ সংগ্ৰহ বৃদ্ধিৰ হাৰ পুনৰ লাভ কৰাটো এক কঠিন কাম হৈ পৰিছে ।"
"আমাৰ চৰকাৰে জিএছটি ক্ষতিপূৰণৰ বিষয়ে শেহতীয়া স্থিতি বিচাৰি কেন্দ্ৰলৈ পত্ৰ লিখিছে । কিন্তু দুৰ্ভাগ্যবশত আমি তেওঁলোকৰ পৰা কোনো সঁহাৰি পোৱা নাই ।" মুখ্যমন্ত্ৰীয়ে লগতে দাবী কৰে ।
সিদ্দাৰামাইয়াই কয় যে কৰ সংগ্ৰহৰ ক্ষেত্ৰত কৰ্ণাটক দ্বিতীয় নম্বৰত আৰু মহাৰাষ্ট্ৰ এক নম্বৰত । দেশৰ ৰাজহত কৰ্ণাটকৰ কৰৰ অৱদান 4.30 লাখ কোটি টকাৰো অধিক । কিন্তু ৰাজ্যখনে কেন্দ্ৰীয় চৰকাৰৰ পৰা মাত্ৰ 50,000 কোটি টকা লাভ কৰে ।
ইয়াৰ তেওঁলোকে উপৰি খৰাং পৰিস্থিতিতো কেন্দ্ৰক জনোৱা দাবীবোৰ সমাধান নকৰাৰ অভিযোগ উত্থাপন কৰে । জনসাধাৰণক সম্বোধন কৰি কৰ্ণাটকৰ উপ-মুখ্যমন্ত্ৰী ডি কে শিৱকুমাৰে কয়, "কৰ্ণাটকে দেশক সৰ্বাধিক ৰাজহ প্ৰদান কৰিছে । আমি আমাৰ অধিকাৰ বিচাৰিছোঁ, আমি আমাৰ ৰাজহৰ সঠিক অংশ বিচাৰিছোঁ ।"
প্ৰতিবাদৰ সময়ত কৰ্ণাটকৰ নেতাসকলে কয় যে এই প্ৰতিবাদ কেৱল এক ৰাজনৈতিক আন্দোলন নহয়, এক সামাজিক আন্দোলনো । এইটো ন্যায়ৰ বাবে আহ্বান, সমতাৰ বাবে এক আবেদন আৰু কৰ্ণাটকৰ প্ৰতিগৰাকী লোকৰ স্বাৰ্থ আৰু কল্যাণ সুৰক্ষাৰ বাবে অটল প্ৰতিশ্ৰুতিৰ প্ৰদৰ্শন ।
লগতে পঢ়ক :KPCC ৰ সভাপতি ডি কে শিৱকুমাৰৰ বিৰুদ্ধে এজাহাৰ দাখিলৰ নিৰ্দেশ আদালতৰ
