যাত্ৰী সেৱাত প্ৰৱেশ দেশৰ প্ৰথমখন এয়াৰবাছ A৩৫০ বিমান

author img

By ETV Bharat Assamese Desk

Published : Jan 23, 2024, 8:00 PM IST

Etv Bharat

Airbus Aircraft : ভাৰতীয় বিমান পৰিবহণত এক নতুন অধ্যায়ৰ সূচনা ৷ দেশৰ আগশাৰীৰ বিমান সংস্থা এয়াৰ ইণ্ডিয়াই প্ৰথমবাৰৰ বাবে আৰম্ভ কৰিছে যাত্ৰী সেৱা ৷

নেশ্যনেল ডেস্ক, ২৩ জানুৱাৰী : দেশৰ আগশাৰীৰ বিমান সংস্থা এয়াৰ ইণ্ডিয়াই প্ৰথমবাৰৰ বাবে এয়াৰবাছ A৩৫০ বিমান আৰম্ভ কৰিছে । সোমবাৰে মুম্বাইৰ ছত্রপতি শিৱাজী মহাৰাজ আন্তঃৰাষ্ট্ৰীয় বিমানবন্দৰৰ পৰা চেন্নাইলৈ উৰা মাৰিলে AL৫৮৯ বিমানখন । এই বিমানখনে ভাৰতীয় বিমান পৰিবহণৰ এক নতুন অধ্যায়ৰ সূচনা কৰিছে । এই বিমানখন বিশ্বৰ ভিতৰতে আটাইতকৈ উন্নত আৰু আৰামদায়ক বিমান বুলি গণ্য কৰা হৈছে ।

Indias first airbus aircraft
ভাৰতীয় বিমান পৰিবহণৰ এক নতুন অধ্যায়ৰ সূচনা

বৰ্তমান ঘৰুৱা পথত চলাচল কৰিবলগীয়া এই বিমানখনৰ জৰিয়তে বাংগালুৰু, চেন্নাই, দিল্লী, হায়দৰাবাদ আৰু মুম্বাইৰ যাত্ৰীসকলে অধিক আৰাম আৰু উন্নত প্ৰযুক্তিৰ অভিজ্ঞতা লাভ কৰিব পাৰিব । এবছৰ পূৰ্বে এয়াৰ ইণ্ডিয়াই নতুন A৩৫০-৪৭০ বিমানৰ অৰ্ডাৰ দিছিল । ঘৰুৱা পথত সেৱা আগবঢ়োৱাৰ পিচত উক্ত এয়াৰবাছখন আন্তঃৰাষ্ট্ৰীয় পথত নিয়োগ কৰা হ’ব । এই বিমান সংযোজনৰ পিচত এয়াৰ ইণ্ডিয়াৰ বহৰ শক্তিশালী কৰা হ’ব ।

Indias first airbus aircraft
এয়াৰবাছ A৩৫০ বিমান

এই বিমানখনত তিনিটা শ্ৰেণীত মুঠ ৩১৬ খন আসন থাকিব । ইয়াৰ ভিতৰত আছে ফ্লেট বেডযুক্ত ২৮ টা বিজনেছ ছুইট, ২৪টা প্ৰিমিয়াম ইকনমি ছুইট আৰু ২৬২টা ইকনমি ক্লাছৰ আসন । এই সকলোবোৰ আসন অতি আৰামদায়ক হ’ব ৷ মনোৰঞ্জনৰ বাবে অত্যাধুনিক এইচডি স্ক্ৰীণ উপলব্ধ হ’ব । যাতে যাত্ৰীসকলে যাত্ৰাত ভাগৰি নপৰে ।

Indias first airbus aircraft
এয়াৰ ইণ্ডিয়াৰ বিমান

এই বিমানখনৰ ইঞ্জিনৰ বিষয়ে অধিক ক’বলৈ গ’লে এয়াৰবাছৰ বিমানৰ ইঞ্জিনসমূহে অন্যান্য বিমানতকৈ ২০ শতাংশ অধিক ইন্ধন কাৰ্যক্ষম ৷ একে সময়তে ইন্ধনৰ নিৰ্গমন হ্ৰাস কৰে আৰু বহনক্ষম কাৰ্যকলাপ নিশ্চিত কৰে ।

এয়াৰবাছ A৩৫০ বিমানসমূহ ২০২৩ চনৰ জুন মাহত এয়াৰবাছ আৰু বয়িঙৰ সৈতে চুক্তিবদ্ধ হোৱা ৪৭০খন বিমানৰ অভিলেখ সৃষ্টিৰ অৰ্ডাৰৰ অংশ । ২০২৩ চনৰ ২৩ ডিচেম্বৰত নতুন দিল্লীৰ IGI বিমানবন্দৰত উপস্থিত হয় VT-JRA হিচাপে পঞ্জীয়নভুক্ত প্ৰথমখন এয়াৰবাছ A৩৫০-৯০০।

বিমানবন্দৰ প্ৰশাসনৰ মতে, প্ৰথম অৱস্থাত বিমানখনক ক্ৰুৰ পৰিচিতি আৰু নিয়ন্ত্ৰণ অনুসৰণৰ উদ্দেশ্যে ঘৰুৱা পথত নিয়োগ কৰা হ’ব । বাংগালুৰু, চেন্নাই, দিল্লী, হায়দৰাবাদ আৰু মুম্বাইৰ যাত্ৰীসকলে A৩৫০ ৰ অতুলনীয় আৰাম আৰু অত্যাধুনিক প্ৰযুক্তিৰ অভিজ্ঞতা লাভ কৰাৰ সুযোগ পাব ।

Indias first airbus aircraft
এয়াৰবাছ A৩৫০ বিমান

এবছৰৰ পূৰ্বে এয়াৰ ইণ্ডিয়াই দিয়া ৪৭০খন নতুন বিমানৰ অৰ্ডাৰৰ অংশ এই বিমান । ইয়াৰ পিচত এই বিমানখনক সমগ্ৰ মহাদেশখনৰ গন্তব্য স্থানলৈ দীৰ্ঘ দূৰত্বৰ বিমান যাত্ৰাত নিয়োগ কৰা হ’ব ৷ যাৰ ফলত এয়াৰ ইণ্ডিয়াৰ নিজা আৰু শেহতীয়াকৈ চুক্তিবদ্ধ হোৱা বিমানকে ধৰি বহল শৰীৰৰ বিমানৰ ক্ৰমবৰ্ধমান বহৰ বৃদ্ধি পাব ।

লগতে পঢ়ক : সম্প্ৰীতিৰ নিদৰ্শন: ৰাম মন্দিৰৰ প্ৰাণ প্ৰতিষ্ঠাৰ দিনাই জন্ম হোৱা সন্তানৰ নাম ৰাখিলে ৰাম ৰহিম

ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.