হেমন্ত ছোৰেনক ৫ দিনৰ ইডিৰ জিম্মালৈ প্ৰেৰণ

author img

By ETV Bharat Assamese Desk

Published : Feb 2, 2024, 2:20 PM IST

Hemant Soren

Hemant Soren to ED remand : ইডিৰ বিশেষ আদালতে ঝাৰখণ্ডৰ প্ৰাক্তন মুখ্যমন্ত্ৰী হেমন্ত ছোৰেনক ইডিৰ জিম্মালৈ প্ৰেৰণ কৰে । আগন্তুক ৫ দিনলৈ ছোৰেনক ইডিয়ে জেৰা কৰিব পাৰিব । ৰাঁচীৰ ভূমি কেলেংকাৰী গোচৰত ৩১ জানুৱাৰীত ইডিয়ে তেওঁক গ্ৰেপ্তাৰ কৰিছিল ।

নেশ্যনেল ডেস্ক,২ ফেব্ৰুৱাৰী : ভূমি কেলেংকাৰীৰ গোচৰত ইডিয়ে ঝাৰখণ্ডৰ প্ৰাক্তন মুখ্যমন্ত্ৰী হেমন্ত ছোৰেনক অহা ৫ দিনৰ বাবে জেৰা চলাব । শুকুৰবাৰে ইডিৰ বিশেষ আদালতে হেমন্ত ছোৰেনক ইডিৰ জিম্মালৈ প্ৰেৰণ কৰে ।

ইয়াৰ পিচত ইডিয়ে ৰাঁচী ভূমি কেলেংকাৰী গোচৰ সন্দৰ্ভত পৰৱৰ্তী ৫ দিনৰ বাবে প্ৰাক্তন মুখ্যমন্ত্ৰী হেমন্ত ছোৰেনক জেৰা কৰিব । আদালতৰ পৰা জিম্মা লাভৰ পিচতে হেমন্ত ছোৰেনক কঠোৰ নিৰাপত্তাৰ মাজেৰে ৰাঁচীৰ বিৰচা মুণ্ডা কেন্দ্ৰীয় কাৰাগাৰৰ পৰা ইডি কাৰ্যালয়লৈ অনা হ'ব পাৰে । হেমন্ত ছোৰেনক সোধা-পোছাৰ পৰিপ্ৰেক্ষিতত ইডি কাৰ্যালয়ৰ চাৰিওফালেও বিশেষ নিৰাপত্তা ব্যৱস্থা কৰা হৈছে ।

ৰাঁচী ভূমি কেলেংকাৰীৰ গোচৰত বুধবাৰে ইডিৰ দলে হেমন্ত ছোৰেনক গ্ৰেপ্তাৰ কৰিছিল । গ্ৰেপ্তাৰৰ পিচত হেমন্ত ছোৰেনক সংস্থাটোৰ কাৰ্যালয়তে ৰখা হৈছিল আৰু বৃহস্পতিবাৰে আবেলি তেওঁক ইডিৰ বিশেষ আদালতত হাজিৰ কৰোৱা হয় । আদালতত ইডিয়ে ১০ দিনৰ জিম্মা বিচাৰিছিল । গোচৰটোৰ শুনানি প্ৰায় এঘণ্টা ধৰি চলিছিল আৰু বিশেষ আদালতে সিদ্ধান্ত সংৰক্ষিত ৰাখে ।

ইডিৰ ৰিমাণ্ড আবেদনত কোৱা হৈছে যে হেমন্ত ছোৰেনক ৩১ জানুৱাৰীৰ সন্ধিয়া ৫ বজাত গ্ৰেপ্তাৰ কৰা হৈছিল । কিন্তু সেই সময়ছোৱাত মুখ্যমন্ত্ৰী হিচাপে হেমন্ত ছোৰেনে ৰাজ্যপালৰ ওচৰলৈ পদত্যাগ কৰিবলৈ প্ৰাসংগিক আদেশৰ বাবে অপেক্ষা কৰিবলৈ সাজু নাছিল । সংস্থাটোৱে বিশেষ আদালতক এইটোও কৈছিল যে হেমন্ত ছোৰেনে অনুমতি অবিহনে আৰু চলিত প্ৰক্ৰিয়াটো সম্পূৰ্ণ নকৰাকৈ মুখ্যমন্ত্ৰীৰ বাসগৃহৰ পৰা ৰাজভৱনলৈ গৈছিল । সেই কাৰণে সংস্থাটোৱে তেওঁক ৩১ জানুৱাৰীৰ নিশা ১০ বজাত লিখিতভাৱে গ্ৰেপ্তাৰ কৰাৰ ভিত্তি প্ৰদান কৰে ।

লগতে পঢ়ক : ইডিৰ গ্ৰেপ্তাৰৰ বিৰুদ্ধে হেমন্ত ছোৰেনৰ আবেদন নাকচ উচ্চতম ন্যায়ালয়ৰ

ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.