আলোচনাৰ বাবে মাতিও সীমান্তত চৰকাৰৰ যুদ্ধংদেহি পদক্ষেপ, ক্ষোভিত কৃষক

author img

By ETV Bharat Assamese Desk

Published : Feb 11, 2024, 1:48 PM IST

Govt and farmers meeting

Govt and farmers meeting: এফালে কৃষকসকলক আলোচনাৰ বাবে আমন্ত্ৰণ জনাইছে চৰকাৰে । আনফালে চৰকাৰে ছীল কৰিছে পাঞ্জাব হাৰিয়ানা সীমান্ত, ইণ্টাৰনেট সেৱাও বন্ধ কৰিছে । এনে পৰিস্থিতিত ইতিবাচক আলোচনা নোহোৱাৰ আশংকা ক্ষোভিত কৃষকৰ ।

নেশ্যনেল ডেস্ক,১১ ফেব্ৰুৱাৰী : পাঞ্জাবৰ কৃষকসকলে কেন্দ্ৰৰ বিৰুদ্ধে এক নতুন আন্দোলনৰ বাবে প্ৰস্তুতি চলাই আছে । অৱশ্যে কেন্দ্ৰীয় চৰকাৰেও কৃষকসকলক শান্ত কৰিবলৈ আলোচনাৰ চেষ্টা অব্যাহত ৰাখিছে । এনে পৰিস্থিতিত অসন্তুষ্ট কৃষকসকলক ১২ ফেব্ৰুৱাৰীত আলোচনাৰ বাবে চৰকাৰে আমন্ত্ৰণ জনাইছে । চৰকাৰে সংযুক্ত কিষাণ মৰ্চা (অ-ৰাজনৈতিক) আৰু কিষাণ মজদুৰ সংঘৰ্ষ কমিটীক আলোচনাৰ বাবে আমন্ত্ৰণ জনাইছে ।

কিন্তু সীমা ছীল কৰা আৰু হাৰিয়ানা চৰকাৰৰ অৱৰোধৰ দৰে ব্যৱস্থাৰ বিৰুদ্ধে ক্ষোভিত হৈছে কৃষকসকল । এই সন্দৰ্ভত কৃষক নেতা জগজিৎ সিং দালেৱালে এক ভিডিঅ' বাৰ্তাৰ জৰিয়তে চৰকাৰৰ উদ্দেশ্য সম্পৰ্কে সন্দেহ প্ৰকাশ কৰিছে । কৃষক নেতা জগজিৎ সিং দালেৱালে কৈছে যে এফালে চৰকাৰে কৃষকসকলক আলোচনাৰ বাবে আমন্ত্ৰণ জনাইছে আৰু আনহাতে তেওঁলোকে হাৰিয়ানাত কৃষকসকলক ভয় খুৱাবলৈ চেষ্টা কৰি আছে ।

ইতিমধ্যে সীমা ছীল কৰা হৈছে, ধাৰা ১৪৪ জাৰি কৰা হৈছে, ইণ্টাৰনেট সেৱা বন্ধ কৰা হৈছে । চৰকাৰৰ ইণ্টাৰনেট সেৱা বন্ধ কৰাৰ অধিকাৰ আছে নেকি বুলিও তেওঁ প্ৰশ্ন কৰে । এনে পৰিস্থিতিত, ইতিবাচক পৰিৱেশত আলোচনা হ'ব নোৱাৰে, চৰকাৰে তৎক্ষণাৎ ইয়াৰ প্ৰতি মনোযোগ দিয়া উচিত বুলিও কৃষক নেতাগৰাকীয়ে দাবী কৰে ।

উল্লেখ্য যে এইবাৰ শম্ভু সীমান্তৰ কৃষকসকলক বাধা দিয়াৰ বাবে ইতিমধ্যে চৰকাৰে প্ৰস্তুতি চলাইছে । প্ৰশাসনে চিমেণ্টেৰে বেৰিকেড স্থাপন কৰিছে । ঘাগৰ নদীত বৃহৎ শিল আৰু চিমেণ্টৰ ঢাল স্থাপন কৰা হৈছে । কেৱল এয়াই নহয় সেইবোৰত লোৰ সঁজুলিও ৰখা হৈছে । উদ্দেশ্য এটাই যাতে কোনেও হাৰিয়ানাৰ সীমাত প্ৰৱেশ কৰিব নোৱাৰে । শম্ভু সীমান্ত আৰক্ষীৰ সেনা নিবাসলৈ স্থানান্তৰিত কৰা হৈছে । লাঠিৰে সজ্জিত আৰক্ষী বাহিনী মোতায়েন কৰা হৈছে । আনহাতে, হাৰিয়ানাৰ কাইথাল জিলাৰ গোহলাত থকা পাঞ্জাব সীমান্ত, তোহানাৰ পাঞ্জাব সীমান্ত আৰু ফতেহাবাদৰ ৰতিয়াতো বেৰিকেড স্থাপন কৰি সম্পূৰ্ণৰূপে বন্ধ কৰি দিয়া হৈছে ।

ইফালে সংবাদ মাধ্যমৰ কৰ্মীসকলকো হাৰিয়ানা আৰক্ষীয়ে বাধা দিছে । এনে ধৰণৰ কাৰ্যকলাপত এতিয়া ক্ষোভিত হৈছে কৃষক নেতাসকল । কৃষক নেতাসকলৰ মতে হাৰিয়ানা আৰক্ষী আৰু হাৰিয়ানা চৰকাৰে এনে আচৰণৰ দ্বাৰা পাঞ্জাবৰ কৃষকসকলক উত্তেজিত কৰিবলৈ চেষ্টা কৰি আছে ।

লগতে পঢ়ক :মেলাৰ ভিতৰত সোমাল টেংকাৰ; নিহত ৩, আহত কেইবাজনো

ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.