লাডাখক ৰাজ্যৰ মৰ্যাদা দাবী; হাড় কঁপোৱা ঠাণ্ডাৰ মাজতো হাজাৰ হাজাৰ লোকৰ সমদল

author img

By ETV Bharat Assamese Desk

Published : Feb 3, 2024, 1:18 PM IST

লাডাখক ৰাজ্যৰ মৰ্যাদা দাবীত সমদল

Leh Salo Protest : 'লেহ চলো' কাৰ্যসূচীৰ অংশ হিচাপে লেহ আৰু কাৰ্গিল ডেমোক্ৰেটিক এলায়েন্সৰ আহ্বানত এই প্ৰতিবাদী সমদল উলিয়ায় । দুয়োটা সংস্থাই দীৰ্ঘদিন ধৰি লাডাখৰ বাসিন্দাসকলৰ বাবে ষষ্ঠ অনুসূচীৰ অধীনত ৰাজ্যৰ মৰ্যাদা আৰু অন্যান্য সুৰক্ষাৰ দাবী কৰি আহিছে ।

নিউজ ডেস্ক, ৩ ফেব্ৰুৱাৰী : হাড় কঁপোৱা ঠাণ্ডা পৰিস্থিতিকো নেওচি লাডাখত হাজাৰ হাজাৰ লোকৰ প্ৰতিবাদী সমদল । লাডাখৰ জনতাৰ দাবী, লাডাখক পূৰ্ণ ৰাজ্যৰ মৰ্যাদা প্ৰদান কৰিব লাগে । উল্লেখ্য যে ২০১৯ চনৰ আগষ্টত অনুচ্ছেদ ৩৭০ বাতিল হোৱাৰ পিছত পূৰ্বৰ জম্মু-কাশ্মীৰ ৰাজ্যৰ পৰা পৃথক হোৱাৰ পিছত স্থানীয় লোকসকলক চাকৰিসহ তেওঁলোকৰ দীৰ্ঘদিনীয়া অমীমাংসিত দাবী, ষষ্ঠ অনুসূচী আৰু অন্যান্য গেৰাণ্টিৰ বাবে শনিবাৰে লেহ জিলাত হাজাৰ হাজাৰ লাডাখী লোকে এই প্ৰতিবাদী সমদল উলিয়ায় ।

হাজাৰ হাজাৰ লাডাখীয়ে ইতিমধ্যে ঘোষণা কৰা 'লেহ চলো' কাৰ্যসূচীৰ অংশ হিচাপে লেহত লেহ আৰু কাৰ্গিল ডেমোক্ৰেটিক এলায়েন্সৰ আহ্বানত এই প্ৰতিবাদী সমদল উলিয়ায় । দুয়োটা সংস্থাই দীৰ্ঘদিন ধৰি লাডাখৰ বাসিন্দাসকলৰ বাবে ষষ্ঠ অনুসূচীৰ অধীনত ৰাজ্যৰ মৰ্যাদা আৰু অন্যান্য সুৰক্ষাৰ দাবী কৰি আহিছে । ইয়াৰ ভিতৰত আছে স্থানীয় লোকসকলৰ বাবে চাকৰি আৰু লাডাখৰ বাবে পৃথক ৰাজহুৱা সেৱা আয়োগ ।

আনহাতে, চলিত লেহ চলো প্ৰতিবাদক লৈ শনিবাৰে এগৰাকী বিশিষ্ট ৰাজনৈতিক কৰ্মী চাজ্জাদ কাৰ্গিলিয়ে এক্সত এটা পোষ্ট দিছে । পোষ্টটোত চাজ্জাদে কৈছে যে হাজাৰ হাজাৰ মানুহে তেওঁলোকৰ দাবীৰ বাবে হেঁচা দিবলৈ লেহৰ ৰাজপথলৈ ওলাই আহিছে । "এয়া এতিয়া এতিয়া লাডাখত হৈ আছে । লেহত প্ৰচণ্ড ঠাণ্ডা সত্বেও ৰাজ্যৰ মৰ্যাদা, ষষ্ঠ অনুসূচীৰ অধীনত সাংবিধানিক সুৰক্ষা আৰু পিএছচি আৰু লাডাখৰ বাবে নিযুক্তিৰ সুবিধাৰ দাবীত ৰাইজ সমবেত হৈছে আৰু পদযাত্ৰা কৰিছে ।" তেওঁ প্ৰতিবাদী সমদলৰ এটা ভিডিঅ' পোষ্ট কৰি লিখিছে ।

তেওঁ লগতে কয় যে বিশ্বৰ দ্বিতীয় সৰ্বাধিক শীতল স্থান কাৰ্গিলত জনসাধাৰণে ৰাজ্যৰ মৰ্যাদা, ষষ্ঠ অনুসূচী আৰু পিএছচি আৰু লাডাখৰ বাবে নিযুক্তিৰ সুবিধাৰ দাবীৰে সংহতি প্ৰকাশ কৰি সম্পূৰ্ণ বন্ধ পালন কৰে । দুয়োটা সংস্থা আৰু কেন্দ্ৰৰ মাজত হোৱা আলোচনাৰ পিছত দাবীসমূহৰ ওপৰত চুক্তি স্বাক্ষৰত ব্যৰ্থ হোৱাৰ পিছত এই প্ৰতিবাদী কাৰ্যসূচী গ্ৰহণ কৰা হৈছে । উল্লেখ্য যে শেহতীয়াভাৱে ৪ ডিচেম্বৰত দিল্লীত কেন্দ্ৰীয় গৃহ ৰাজ্যিক মন্ত্ৰী আনন্দ ৰায়ৰ নেতৃত্বত সমিতিখনৰ সৈতে এখন বৈঠক অনুষ্ঠিত হয় ।

লগতে পঢ়ক :এল কে আদৱানীক ভাৰতৰত্ন প্ৰদানৰ কথা ঘোষণা প্ৰধানমন্ত্ৰীৰ

ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.