South Korea Covid Cases: جنوبی کوریا میں کووڈ کیسز کی تعداد 30 ملین سے تجاوز کر گئی

سیول: جنوبی کوریا میں پیر کے روز COVID-19 کے 9,227 نئے کیسز رپورٹ ہوئے ہیں، جو تین ماہ کے دوران سب سے کم کیسز ہیں۔ کوریا ڈیزیز کنٹرول اینڈ پریوینشن ایجنسی (KDCA) نے کہا کہ بیرون ممالک سے آئے 60 کیسز سمیت ملک میں ابھی کل 30,008,756 معاملے ہیں۔ 51.6 ملین کی آبادی والا ملک 20 جنوری 2020 کو اپنا پہلا COVID-19 کیس ریکارڈ کیا تھا جو تقریبا تین سال بعد 30 ملین سے تجاوز کرگیا ہے۔

پیر کے روز 10 اکتوبر 2022 کے بعد سب سے کم 8,973 نئے کیسز اور 26 اموات رپورٹ ہوئے۔ جس کے بعد ملک میں مرنے والوں کی کل تعداد 33,235 سے تجاوز کرگئی۔ کے ڈی سی اے نے کہا کہ شدید بیمار مریضوں کی تعداد گزشتہ روز کی تعداد 460 سے کم ہو کر 450 ہو گئی ہے۔

جنوبی کوریائی حکومت نے جمعہ کے روز کہا کہ وہ 30 جنوری سے زیادہ تر عوامی مقامات سے ماسک کی پابندیاں ہٹا دے گی۔ لیکن پھر بھی لوگوں کو پبلک ٹرانسپورٹ اور طبی سہولیات میں ماسک پہننے کی ضرورت ہوگی۔

واضح رہے کہ گزشتہ دنوں چین میں کورونا وائرس کے کیسز میں تیزی سے اضافہ ہو رہا ہے۔ جس کی وجہ سے بھارت چاپان سمیت کئی ممالک الرٹ پر تھے، تاہم اب رفتہ رفتہ کئی ممالک میں کورونا کے معاملات میں گراوٹ درج کی جارہی ہے۔